• Home
  • Blog
  • Marketing
  • أصبحت محترف معتمد في التسويق من الجمعية الأمريكية للتسويق AMA

أصبحت محترف معتمد في التسويق من الجمعية الأمريكية للتسويق AMA

خبر جميل حبيت أشاركم به .. الحمد الله بقيت معتمد من أكبر وأعرق الهيئات الرسمية ف التسويق ف العالم
من الجمعية الأمريكية للتسويق
بقيت معتمد في إدارة التسويق …

Professional Certified Marketer (PCM) – Marketing Management
American Marketing Association (AMA)

دي من الإنجازات اللي كنت عايز اخلصها السنه دي … واتعلمت خلالها كتير اوي هشاركه معاكم هنا الفتره الجاية … وإنشغالي فيها كانت سبب رئيسي في قله مشاركتي ع الصفحه في اللي كام شهر اللي فاتوا ….

سبب الخطوه

الصراحه سبب رئيسي في اني أخد الخطوه دي … هي خوفي الدائم ع اني اكون بفتي ف التسويق وانا مش عارف! … رغم اني شغال فيه اكتر من 10 سنين في شركات مختلفه من شركات محليه ل عالمية (مالتيناشونال) و بشهاده زمايلي ومدريني (المدراء) اني مميز فيه … و ايضا بشهاده عملائي اني عندي حاجه مميزه ……
والصراحه اكتر … لما كنت بكتب “بوست” هنا خصوص سلسله #حواديت_في_البيزنس و اشوف تعليقاتكم ع تبسيط المعلومه بطريقه لطيفه و عمليه … كنت بفرح ان حد استفاد كده …

… رغم كل ده كان جوايا حاجه بتقول مش كفايه … انت مش مؤهل كفايه …. معندكش علم كفايه …. لسه عايز تتعلم اكتر! تعرف أكتر!
أي حد كان بيتكلم عن مشكله الهري ف التسويق ف عالمنا العربي و مصر تحديدا … أول حد كنت بشك فيه انه بيهري هو أنا!

كان بيبان ده اكتر لما احد الأصدقاء يدعوني للحديث في مؤتمر (ايفينت) او في بودكاست ويطلب مني محاضرة/اتكلم عن التسويق او ابحاث السوق …إلخ ….
كان ديما يلاقوا مني إعتذارات … بأني مش احسن حد في الحته دي … مش جاهز للوقوف ع المنصه ف الموضوع ده… اللي عندي مش مفيد للناس … و مش فاضي … ومش…..

ده مش خوف من
Public Speaking
فالحمد الله معنديش مشكله في النقطه دي!
بس دي هو حاله طبيعية جدا للي في منتصف الخبره لمجال معين … ظاهره فيه نظرية شرحتها بإسم
Dunning–Kruger effect

وملخصها بيقول ان كل ما خبرتك بتزيد في مجال ما … ثقتك بعلمك وخبرتك بتقل مع الوقت! لحد نقطه معينة بتبدي تزيد فيها تاني بس عمرها ما هتوصل زي مستوى ثقة الجاهل في نفس المجال!

نرجع تاني فالدفع الأساسي وراء اخذ الشهاده دي كان طمئنة نفسي (قبل الناس) إني عندي شويه علم في مجال التسويق بشهاده أعرق مؤسساته عالميابالاضافه لسنين الخبره اللي كل يوم بتعلم جديد فيها!

التسويق رحله تعلم … ملهاش أخر!

الحمد الله وربنا ينفع بينا و نكون سبب في تفهيم الناس التسويق بشكل عملي وببساطه من خلال المدونه هنا
و تمكين اصحاب البيزنس من عمل تسويق فعال يجيب نتايج مش هري ع الفاضي من خلال الإستشارت…..
ادعي لي بالتوفيق في الخطوات الجايه 🙂

Published on: April 1, 2020 - By: Taher Abdel-Hameed

Related Posts

غلطة ضيغت من عمري سنين في التسويق

غلطة ضيغت من عمري سنين في التسويق

حكاية أفضل استثمار عملته في البيزنس بتاعي! حاجة غير اللي في بالك تماما!

حكاية أفضل استثمار عملته في البيزنس بتاعي! حاجة غير اللي في بالك تماما!

حكاية منتج اتباع قبل ما يتعمل! واتعمل ناقص! ولسه مكملش! ومع ذلك العملاء بيشكروا فيه جدا!

حكاية منتج اتباع قبل ما يتعمل! واتعمل ناقص! ولسه مكملش! ومع ذلك العملاء بيشكروا فيه جدا!

لأ مفيش عروض للجمعة البيضاء /السوداء ولا المواسم! وجهة نظر مختلفة!

لأ مفيش عروض للجمعة البيضاء /السوداء ولا المواسم! وجهة نظر مختلفة!
>