في اواخر سنة 2019 قررت اعود نفسي على عادة جديدة … وهي الإنتظام في القراءة
الحقيقة اني قرائتي قبل كده كانت عشوائية شوية ومش مخططه
المهم اغلب قرائتي خلال الفتره اللي فات دي كانت على جهاز و برامج كيندل
النهارده فوجئت اني إحصائيات كيندل بتقولي اني بقالي 45 اسبوع متواصل من جلسات القراءه!
واو … ايه الحلاوه دي … 45 اسبوع لم انقطع عن القراءه (على الأقل جلسه او اتنين في الأسبوع)
وده من خلال كيندل فقط (سواء الجهاز او البرنامج) … غير باقي المصادر و الكتب اللي بقرأها او بسمعها على برامج اخرى!
الحمد الله عاده لطيفة .. اتعلمت منها حاجات كتيره و إستغلال للوقت افضل:
- في اي وقت انتظار… مثلا مره لقيت الطريق زحمة جدا .. مش بيتحرك .. ركنت على جنب .. وقريت ساعه على برنامج كيندل لحد ما الطريق فتح
- مستني دوري في بنك او عياده … افتح واقرأ
- زهقان وعايز افصل …افتح وأقرأ شوية
- بدل ما اقلب في الفيسبوك وخلاص … افتح وأقرأ شوية
- بالمناسبه أغلب قرائتي هي في تخصصي التسويق او البيزنس عموما
- وهكذا
الحمد لله قريت كتب و كتيبات لطيفة جدا اضافت كتير ليا …
ممكن يكون عائق كبير قدام ناس عايزة تاخد الخطوه دي …انها تشتري الكتب او تلاقي كتب تقرأها …
خليني اقولك كهديه مني ليكم
هقولكم على 7 مواقع تقدر تجيب منها كتب جديده في البيزنس و التسويق مجانا وبطريقة قانونيه/ شرعية مش من مواقع سرقة حقوق الملكية …
سجلتها في فيديو وهشاركها معاكم بكره بإذن الله على قناتي على اليوتيوب
لو لسه لم تشترك فيها تقدر تشترك من هنا
هنا الأحصائيات بالأسبوع 
هنا احصائيات كيندل بالأيام في الشهور الماضية و أكثر الايام المتواصله