• Home
  • Blog
  • Marketing
  • تعالى نتعلم أهم درس في التسويق من بائعة خضار!

تعالى نتعلم أهم درس في التسويق من بائعة خضار!

من اسهل الحاجات اللي ممكن تتعلمها في التسويق هي تقسيم السوق و الأستهداف
بس هي من اصعب الحاجات ف التنفيذ عمليا!
Segmentation Targeting Positioning STP
خليني احكيلك حكايه بعيدة عن جو الشركات … ونشوف الست دي عملت الكلام ده بالفطره إزاي

 لمشاهدة البوست ده كفيديو على اليوتيوب

كفيديو على الفيسبوك

أيه الحكاية؟

من كام شهر في يوم سبت كنا بنرتب مشاويرنا
وفجأه مراتي قالت لي ع مشوار مكنش ع البال خالص
قالت محتاجين نعدي ع الشارع الفلاني؟
ليه؟
عشان في ست بتبيع خضار متوطب هناك ف الشارع عايزه اجيب منها خضار!
انا: و أشمعنا الست دي؟ دي بعيد عن البيت نص ساعه بالعربية!
هي: صاحبي بيشكروا فيها
أنا: قولت في نفسي شكلي هدبس في المشوار ده كل مره بقى! يارب ميعجبهاش الخضار!
المهم روحت وعاصر ع لنفسي لمونه …. شوفت المنظر الرائع اللي انت شايفه في الصوره؟!
وانا راكن قصاد الست دي … متنح هي ازاي كده

اول درس اتعلمته منها هو Customer Experience CX

شايف الشمسية و الكرسيين؟ لراحة تجربة العملاء و هم بيشتروا
كمان الست ما شاء الله عليها روحها حلوه … بتهزر مع الستات اللي واقفه بيشتروا منها
و بتطلب منهم انه يقعدوا أو يعدوا عليها بعد شويه لحد ما تخلص تقطيع الخضار ….
الخضار نفسه ما شاء الله نقاوه بالواحده!

لحد كده الهمتني جدا بالدرس ده .. وعشان كده صورت الصوره دي عشان اشاركها معاكم!

استنى …. اللي جاي اتقل بكتير اوي

لما عرفت ايه حكاية الست دي؟

طلعت بتبيع ” انواع معينه من خضار متوطب”  محاشي .. شوربة خضار … بسله .. فاصوليا
و بتقعد من الساعه 8 صباحا لحد الساعه 5 العصر كل يوم
بتسيب رقم تليفونها مع الزباين … وهم رايحين الشغل يطلبوا الأوردر
وهم راجعين يستلموه
مركزه ع السيدات اللي بيشتغلوا 
مش بتبيع اي حاجه تاني … رغم انها الوحيده ف الشارع بتاعة خضار … محدش جنبها فعلا!
يعني مش بتقول ابيع طماطم او بطاطس وانا قاعده بالمره؟! يعني هخسر ايه؟
ولا بتقول ابيع شويه فاكهه؟

هي بالفطره عملت STP

Segmentation – Targeting – Positioning

  • “قسمت السوق بيع الخضار: خضار جاهز – خضار غير جاهز”
  • قسمت اكتر قسم الخضار الجاهز Niche Market
  • بتعمل انواع معينه محاشي – بسله – شوربة خضار – باميا – فاصوليا
  • عرفت مميزه في ايه … وعلمت خدمة تقطيع و توطيب الخضار بمزاج Unique Selling point
  • و استهدفت جمهور مقدر الخدمة دي: الستات المشغولين او الموظفات
  • وسهلت ع الزبون … انه يقعد يستنى الخدمه (كراسي و شمسية)
  • واللي مستعجل … تديله تليفونها عشان يطلب الاوردر بدري قبل ما يجي Targeting niche Market

انت أيه رأيك؟ يا ترى شايف الموقف ملهم بالنسبه لك؟

 

قولي ف التعليقات

ومتنساش طبعا تقول رأيك في الفيديو 🙂

ولو لسه مش مشترك في قناة اليوتيوب تقدر تشترك من هنا 

Published on: June 1, 2020 - By: Taher Abdel-Hameed

Related Posts

حكاية أفضل استثمار عملته في البيزنس بتاعي! حاجة غير اللي في بالك تماما!

حكاية أفضل استثمار عملته في البيزنس بتاعي! حاجة غير اللي في بالك تماما!

حكاية منتج اتباع قبل ما يتعمل! واتعمل ناقص! ولسه مكملش! ومع ذلك العملاء بيشكروا فيه جدا!

حكاية منتج اتباع قبل ما يتعمل! واتعمل ناقص! ولسه مكملش! ومع ذلك العملاء بيشكروا فيه جدا!

لأ مفيش عروض للجمعة البيضاء /السوداء ولا المواسم! وجهة نظر مختلفة!

لأ مفيش عروض للجمعة البيضاء /السوداء ولا المواسم! وجهة نظر مختلفة!

المنتج ده سيئ وتحت توقعاتي! رحلة سريعة لفهم تعليقات العملاء

المنتج ده سيئ وتحت توقعاتي! رحلة سريعة لفهم تعليقات العملاء
>