تحب تحضر اكبر إجتماعات رجال الأعمال المميزين في مصر؟
مش بس كده …. و تشوف كانوا بيتكلموا في ايه؟ و بيناقشوا ايه في مجالك؟
و تاخد تسجيل الندوات عشان تشوفها براحتك!
وكمان كل ده ببلاش و بدون ما تدفع مليم … وبطريقة قانونيه جدا!
ايه الحكايه؟
الغرفة التجارية الأمريكيه من أنشط الغرف التجارية في مصر
American Chamber of Commerce in Egypt
ليها لجان داخليه وكل لجنه ليها ندواتها و انشطتها
الجميل في الموضوع و المفاجأه
إن اغلب هذه الاجتماعات و الندوات مسجله و متاحه مجانا ع النت بطريقة شرعية جدا
من خلال موقعهم الرسمي
هتشوف كل حاجه … بإستثناء شوية حاجات بسيطه زي مثلا
مش هيبقى ليك صلاحية الوصول لفقرة الإسئلة
بس بشكل عام هتستفاد من الندوات جدا … وهتابع نقاشات مهمه في مجالك
اللي يهمنا في الموضوع هو فيديوهات:
1- ندوات لجنة التسويق Marketing Committee وفيها نقاشات و ندوات عن كل ما يتعلق بالتسويق من ناس هتعجب جدا بيهم.
2- ندوات لجنة ريادة الأعمال و الإبداع Entrepreneurship & Innovation (EIC) ومن اسمها هتلاقي كل ما له علاقة بريادة الأعمال
ممكن تدور بكلمات بحث في مجالك … كل اللجان موجوده فوق في لينك Committees
و في كل لجنه اضغط ع load more
عشان تشوف اكتر و أكتر بالترتيب الزمني من الأحدث للأقدم
ملحوظه كل الفيديوهات مرفوعه ع اليوتيوب Unlisted videos
يعني ينفع تحطها في Playlists و تشوفها ع الموبايل براحتك في اي وقت
او من خلال تطبيق الغرفه ع الموبايل
طبعا أغلب الفيديوهات الموجوده بلإنجليزيه … بس متقلقش انجليزي سهل عشان اغلب اللي بيتكلمو مصريين أصلا
طب ايه شكل الندوات اللي ممكن تلاقيها؟ خليني أشارك معك بعض الحاجات اللي عجبتني
▉ هتلاقي هنا ندوه لطيفه عن الحملات التسويقية الناجحه و قصص من ما وراء الكواليس في حملات كوكاكولا في فتره ما بعد الثورة في مصر و ايه الهدف من كل حمله …. من الرائع أحمد نظمي و هو بيتكلم من القلب مباشرة What Makes A Successful Marketing Campaign
▉ ودي ندوه عن ابحاث التسويق
وهتلاقي فيها الرائعه رانده عبدو بتحكي فيها بعض من خبراتها في ابحاث السوق في شكل نصائح سريعه و أمثله عملية Getting the Best Out of Marketing Research
▉ ودي كمان ندوه بعنوان Everyday Marketing: Innovative Brand Building
من مدير إقليمي سابق في P&G اسمه ايهاب بليغ
خد لفه في باقي اقسام الموقع … هتلاقي كنوز بجد مستخبية
و الموقع عليها اقسام تانيه كتير في مجالات مختلفه
و شارك البوست ده مع أصدقائك المهتمين بالبيزنس و التسويق عشان يستفادوا برضو
و لو انت شغال في التسويق شوف الكورس الأونلاين ده هيعجبك جدا و هيسهل عليك التعامل مع بيانات السوق و العملاء
20 حاجه في الإكسيل لازم تعرفها كمسوق
Excel for Marketers: 20 Things You Must Know
(in Arabic)
هتلاقي كل التفاصيل من هنا