دروس في البيزنس من بياع التين الشوكي!

كل سنه في الصيف  بلاقي حبي للتين الشوكي ? بيزيد وياسلام لو ساقع … ومين مش بيحبك يا تين!
السنه دي وانا بشتري تين شوكي … لقيت نفسي ببص بطريقة مختلفة لبياع التين الشوكي…
دول مدرسه ?‍? نتعلم منهم حاجات كتيير اوي في البيزنس

 من كام سنه ابتدى يظهر تغليف ف اطباق فوم للتين زي اللي ف الصوره

… السنه دي بقت منتشرة جدا … الصراحة حركة لطيفة ….
تقف بالعربية و تاخد التين جاهز في الطبق من غير انتظار! بالاضافة انه كده اكله اسهل بكتيير ف العربية وانت سايق…
… ايه علاقة ده بينا احنا ف البيزنس!

? نتعلم انك تطور من منتجك … ولو حتى ف طريقة تقديمة بس للزبون
Keep developing your product even in packaging or simple ways to delight your clients

هتلاقي بتاع التين بيقف في مكان محدد من اول الموسم لاخره

… مش بيغير مكانه …عشان زبونه اللي اشترى منه يعرفه!

? الراجل ده فاهم بالفطره يعني ايه تسويق … ويعني ايه اهمية المكان ف اساسيات التسويق و التوزيع
Place is one of essential 4Ps in marketing

الصراحة في اختيار بياع التين للمكان مدارس

 و كل مدرسه مبنية بالفطره ع مبدء ف التسويق
هتلاقي :

• واحد منهم بيقف ع ناصية شارع زحمة او موقف ميكروباص
• واحد بيقف جنب بتاع قصب او كشري
• واحد بيقف جنب بتاع دره او ترمس او مقلة لب

? و دول بقى واخدين بمبدأ مهم اوي ف التسويق
فكر كعميلك … ممكن يحتاج منتجك امتى؟

• خليك في سكة زبونك اليومية (اه والله ده نفس اللي بيعملة الهايبر و كارفور مثلا ف طريقة رص المنتجات)
• خليك وسط سوق منتجات مكملة لمنتجك!

مثال الزبون وهو واقف مستني (شوي الدرة او ميكروباص) فيشوفك فبطنة تزن عليه!
بعد ما خلص اكل كشري ومحتاج يحلي!
وهو بيجيب لب و مكسرات للبيت اهو يفتكر التين!
في بقى بياعين تين تانية بتقف بعيد تماما عن كل اللي فوق دول!

? ودول بقى واخدين بمدأ مهم تاني ف التسويق اسمه
Share of Wallet
يعني ببساطه الزبون محفظتة واحده …

مثال زبون نازل من البيت و هيشتري اكل و تسالي مثلا ب 50ج …
هياكل اللي ياكلة … المهم ف التسالي لأما يشتري درة … او فيشار … او لب .. او تين!
فبتاع التين ممكن تلاقية واقف بعيد عن بتاع الدره عشان ممكن وانت واقف عنده …
… تشتاق للدرة فتقلل فلوسك عنده عشان تشتري دره او متشتريش تين اصلا!

اما بقى بالنسبة للتسعير …فده مدرسه كبييرة هنا…

Pricing ?
هتلاقي عنده 3 احجام من التين … وكل حجم بسعر …
من 1 ج ل 3.5ج حسب المنطقه..وغالبا الحجم الصغير … ضغير اوي لدرجة اغلب العملاء ترفض تشتريه
فبتروج للحجم الوسط … لانه اكبر من الحجم الصغير و الفرق بينه وبين الكبير مش مستاهل فرق السعر!

? ده مبدأ ف التسعير مبني ع فكره
Decoy effect
ان الحجم الكبير ممكن يكون محطوط عشان يزود مبيعات الحجم الوسط …
شركات كبييرة ماشيه بالمبدأ ده …. و فيه ابحاث اتعملت ف الموضوع ده …

تاني نقطه ف التسعير اللي بتعجبني جدا ف الراجل بتاع التين انه غالبا مش بينزل ف السعر بس بيدي عروض…

يعني ممكن يدوقك واحده مجانا …
لو معاك ابنك يديله و احده ف ايده فوق البيعه
يحطلك شويه زياده لو شاري كميه منه
لو انت زبونه يظبطلك التين كويس

? نتعلم هنا اننا نمنع (او نقلل) الفصال/التفاوض في سعر منتجنا  …
ثبت سعرك طالما انت مسعره كويس….  اه بس ممكن تعمل عروض للعملاء

اما في طريقة تعاملة مع الزبون …

بيتعامل مع كله:

• اللي عايز ينقي و يشاور ع التين … مش هيقوله لاء و هيسبة ينقي براحنته!
• اللي عايز تين احمر او اصفر او اخضر … مش هيقوله لازم تاخد نوع معين !
• اللي عايز ينقي التين كله كبيير …. مش هيقوله لأ يا استاذ!

من الاخر بيسيب كل الزبون ع راحته … ويحسسه انه هو مختار الحاجة بنفسه

طب نستفاد ايه؟

? خلي عميلك يحس انه طالع من الصفقة كسبان … مش واخد حاجة غصب عنه
انه واخد حته زيادة خاصة بيه …
انه شاطر وبيعرف ينقي ويختار…
حسس عميلك ان المكان بتاعه … بدون ضغوطات البيع العقيمه

بس يا سيدي و دي كانت حكايتي مع الراجل بتاع التين السنه دي!
المره الجاية وانت بتشتري تين …. اعرف انك واقف قدام ?️‍♀️واحد فاهم بيزنس و تسويق بالفطره ومن غير كلكعه ?‍?
ولا انت ايه رأيك؟