إيه رأيك لو تسافر (قبل او بعد الكورونا! ) تحضر محاضره ف التسويق مع افضل محاضرين و ممارسي التسويق ف انجلترا و أمريكا؟ مجانا؟
طب تعمل ايه لو المحاضر ده سجلها فيديو ليك … وتقدر تشوفها اونلاين في أي وقت؟ مجانا؟
ايه الحكايه:
من المواقع الجميلة اللي عرفتها مؤخرا HS Talks
فكرته ان بيسجل محاضرات فيديو في شكل Webinars
و تقدر تشوفها في أي وقت
الموقع بإشتراكات … بس الجميل انه فاتح جزء من كل المحاضرات انك تشوفها مجانا (بعض المحاضرات كامله مجانا)
او ممكن تشترك الفتره المجانية بتاعتهم …,وتشوف كل اللي انت عايزه في الفتره دي
هتلاقي هنا كل أقسام التسويق
اللي موجوده ع الموقع … 37 قائمه من الفيديوهات Playlist و 434 فيديو
هتلاقي أقسام من هنا زي
Market Research – Branding – Product Management – Strategic Marketing …etc..
وممكن تتصفح الموضوعات بالمتحديثن و المحاضرين من هنا
هتلاقي ناس مميزه زي:
- الرجل ده حبيبي James Blythe /Jim Blythe واللي كان السبب اني ألاقي الموقع ده … لما كنت بدور ع فيديوهات له ….
- Malcolm McDonald
- Kevin Lane Keller
- الموقع يستحق التجربه…
مزايا الموقع:
- محاضرات متنوعه و طويله اكتر من 30 دقيقه
- محاضرين متميزين و مشهورين ف تخصصاتهم
- المحاضرات تشبه الدراسات العليا (الماجستير) بس مع محاضرين صعب تلاقيهم في حته تانيه اونلاين غير لما تسافر لجامعاتهم نفسها!
- مواضيع متنوعه و حديثه و متصنفه بكذا شكل
عيوب الموقع:
- الفيديوهات عباره عن صوت مع باوربوينت … ممكن تكون ممله لبعض الناس!
- بعض المحاضرات يغلب عليها الطابع الأكاديمي شويه
- فتره تجربه الموقع قصيره و مده الفيديوهات قصيره من غير تسجيل!
يالا خد لفه ف الموقع …. وقولي ايه اللي عجبك
التسويق رحله تعلم … ملهاش أخر!
اوعى توقف تعلم!