كمامات كورونا و التغليف

من الحاجات الي مستغربها كتسويق ف الازمات زي أزمة كورونا COVID-19…
هو إزاي مشفتش اي شركة مستلزمات طبيه عملت كمامات (ماسك) في عبوات او اكياس صغيرة
٥ او ١٠ كمامات .. دسته … ٢٠ كمامه؟
ليه لما أسأل ألاقي أقل كمية ٥٠ كمامه؟! بسعر من ٢٥٠ ل ٤٠٠ ج للكرتونه!

طب ايه البديل؟

ان الزبون يطلب قطاعي! كمامه .. اتنين!
و الصيديلي (مع كامل احترامنا ليهم) يمسك الكمامه بأيده قبل ما يديها لك!

ف الازمات (او حتى ف غير الازمات) :

انت محتاج تبقى مرن مع تغير احتياجات الزبون …
في الحالات العادية… تكلفة تغليف كمية اقل من ٥٠ كمامه هتبقى مكلفه و ملهاش لزمه … اما دلوقتي في زمن الكورونا (كوفيد19) سعر الكمامه زاد لزيادة الطلب عليها و بقت مسأله حياة بني ادم ف مش فارقه اننا نزود كمان تمن التغليف اللي هيحقق غرض امان أكتر للزبون وللمجتمع.

مثال مشهور في مرونه التغليف… شركه بروكتور و جامبل (منتجة البامبرز) لما دخلت مصر ف التسعينات … بدأت تبيع البامبرز بالقطعه عشان تسهل ع الزبون التجربه!

انت رأيك ايه؟ و يا ترى شايف فيها فرصه مكسب للشركات دي و مكسب للزبون؟ win-win
و يا ترى شفت شركه عملت عبوات صغيرة فعلا؟
شاركني برأيك في التعليقات

 

Published on: May 29, 2020 - By: Taher Abdel-Hameed

Related Posts

غلطة ضيغت من عمري سنين في التسويق

غلطة ضيغت من عمري سنين في التسويق

حكاية أفضل استثمار عملته في البيزنس بتاعي! حاجة غير اللي في بالك تماما!

حكاية أفضل استثمار عملته في البيزنس بتاعي! حاجة غير اللي في بالك تماما!

حكاية منتج اتباع قبل ما يتعمل! واتعمل ناقص! ولسه مكملش! ومع ذلك العملاء بيشكروا فيه جدا!

حكاية منتج اتباع قبل ما يتعمل! واتعمل ناقص! ولسه مكملش! ومع ذلك العملاء بيشكروا فيه جدا!

لأ مفيش عروض للجمعة البيضاء /السوداء ولا المواسم! وجهة نظر مختلفة!

لأ مفيش عروض للجمعة البيضاء /السوداء ولا المواسم! وجهة نظر مختلفة!
>