متقللش من قيمة الدور اللي انت بتعمله!
لما شوفت الفيديو اللي تحت ده افتكرت القصه دي
كان في شركه اتعاملت معاها في احد المشاريع…
اكتشفت حاجة غريبة اوي لما قعدت مع اغلب الموظفين…
اني الموظفين بيقللو من قيمه شغل بعض!
يعني كل واحد شاف دور التاني ملهوش لزمه
وانه قاعد ع المكتب وخلاص! ولو بنوته تبقى جايه تتسلى…
واحده …واحده …. مع الوقت
كل موظف كان دوره صغير مشي
وراح شركه احسن بكتيير … بوضع احسن
ومكانه فضل فاضي في الشركه القديمه!
بسأل هي الشركه دي فين دلوقتي
تقريبا مش موجدين في السوق !
لانهم اعتمدوا ع الناس الي ف الوجهه بس
في الفيديو ده هتشوف
قد ايه ترس صغير هو سبب رئيسي في تحريك كل المنظومه!
الترس الصغير ده هو نفسه ممكن ميعرفش أد ايه مهم للمنظومه كلها!
وكل اللي يشوفه يقوله بتعمل دي بس!
نتعلم ايه من كده
- متقللش من قيمة الدور اللي انت بتعمله Never underestimate your role
- لازم تعرف ان اللي ورا الشخص اللي باين ع مسرح البيزنس
ناس كتيير مسانده ولولها مكنش هو بقى موجود ع المسرح!
اضربلك مثال هيفاجئك
مين الشخص اللي لو غاب في الشركه … كل الشركه بتحس بيه!
ولو موجود … محدش هيحس بيه!
الشخص ده غالبا هتلاقيه
بتاع البوفيه! أو بتاع النظافه!
قيس بقى على كده أدوار كل زمايلك
وقدر قيمه دور كل واحد فيهم