من الحاجات اللطيفة جدا اللي شوفتها خلال أزمة كورونا
هو تعامل بعض الشركات مع موظفينهم
عايز اقولوكم ان في شركات في مصر/المنطقة العربية اعرفها شخصيا عملت الأتي خلال ازمة كورونا (كوفيد١٩) حاجات لموظفينها زي:
▉ إمكانية الاستمرار العمل من البيت لأخر السنه حتى لو البلد فتحت! طالما إن طبيعية شغلك تسمح بكده (المكتب مفتوح ليك لو حابب تغير جو) و الي فرحني أكتر اني شوفت ده كمان من شركات كانت ثقافتها هي اهمية حضور الموظف في معاده حتى لو هيقعد يشرب قهوه ع المكتب ….وفكره العمل من البيت كانت مستحيلة قبل كده
▉ إمكانية اخذ معدات العمل للبيت (شاشه .. كمبيوتر …إلخ)
▉ اشتراك للفريق في منصات كورسات اونلاين زي منصة لينكدإن للتعليم
▉ كورسات اون لاين لإدارة الضغوط النفسية
▉ كورسات اونلاين لليوجا و التأمل
▉ عمل برامج تدريب داخلي للموظفين (أحد الموظفين يشرح موضوع معين للزملاء اونلاين)
▉ فطار رمضان اون لاين مع الفريق!
▉ رسائل اطمئنان من مدير عام الشركه اسبوعية للموظفين اننا هنعدي الموضوع مع بعض بدون الاستغناء عن احد
▉ لو موظف اتصاب بكورونا … رسالة طمئنة شخصية من مدير عام الشركه … وفيه شركات بعتت دكتور يعمل مسحه/تحاليل لأهل الموظف المصاب على حسابها
▉ مبلغ مادي معين للشراء مستلزمات مكاتب عشان شغلك ف البيت
▉ صرف نصف المكأفأه السنويه في منتصف العام عشان تساعد موظفينهم يتخطوا الأزمه
▉ بعض النقابات عملت مبلغ معين للعضو المصاب و مبلغ أكبر للمتوفى بكورونا
▉ صرف يوم اجازة استثنائي (في اخر الأسبوع .. عشان يبقى 3 أيام اجازه) لكل الشركه بدون خصم من رصيد الموظف … تقديرا للضغط على الموظف في فترة كورونا.
أنت أيه رأيك في الحاجات دي … ويا ترى تأثيرها ايه على علاقتك بشركتك؟ و إيه اللي عجبك أكتر؟
شاركني بتعليقاتك
و أنشر “البوست” ده من باب نشر الإيجابية
ملحوظة مهمه
أنا كاتب البوست ده من شهر مايو وتردت في نشره ساعتها … حتى لا يصيب الشركات الناشئة بالاحباط او يصيب بعض الموظفين بالاحباط لو لم يجدو مبادرات زي كده في شركتهم
بالمناسبة كل الشركات اللي فوق دي مش ناشئه start upsولكن منها كتير SMEsشركات صغيره و متوسطه و شويه كبيرة ومتعددة الجنسياتبالإضافه ان فيها تصرفات مش محتاجه فلوس قد ما محتاجه تفهم الوضع و المشاركه مع الموظف في ظروف لأول مره في التاريخ الحديث