• Home
  • Blog
  • Marketing
  • يا ترى تقدر تفهم عميلك … مثال من الحياه العامه؟!

يا ترى تقدر تفهم عميلك … مثال من الحياه العامه؟!

يا ترى تقدر تفهم عميلك … بالشكل العميق ده؟!
من فتره شفت المنظر ده ف احد المساجد الصغيره جدا …
عجبني جدا … انبهرت جدا! … ايه الحكايه؟!
ده يا سيدي مبرد مياه Water Dispenser
وده النوع اللي ملهوش قعده … غالبا بيتحط ع كرسي او ترابيزة!
فين الانبهار!
استنى
الانبهار مش ف ده خالص …

اللي صمم الرف اللي محطوط عليه المبرد ده … عبقري بكل المقاييس!
الرجل ده …في تصميمه راعى تجربه العملاء
Customer Experience (CX)
بتاعة كل الاطراف المعنية بالاستخدام
Stakeholders

كيف راعى كل الأطراف؟:

الشخص اللي هيشرب:

  • عملها عاليه عن الاطفال ف مستوى نظر الكبار
  • فيها طبق صغير عشان تحط في باقي الميه لو انت بتقرف … بدل ما يحط جردل صغير مثلا تحته يكون معرض للدلق!

الاطفال:

 كونها عاليه … مش هيوصلوا ليها وبالتالي مش هيلعبو فيه و يغرقوا السجاد! ولو عايزين يشربوا حد من الكبار هيشربهم!

مكان الطبق و حجمه ….. ده بقى حكايه لوحده!

  • الطبق مش صغير اوي … زي اللي ف درج المبرد نفسه … ولا كببير اوي
  • ودي مشكله بتقابل عامل المسجد لما بيجي يشيل الميه دي ….لو الجردل/الطبق كبيير اوي … بيبقى حمل عليه و كمان بيقع منه ف المسجد لما يحب يفضيه من الميه…

كل ده عمله ف شكل انسيابي وكأنه جزء من التصميم
شفت الروعه ؟!

ده من “وجهة نظري المتواضعه” احسن مثال بسيط (من مكان مش متخصص) شوفته عن كل المفاهيم دي
التفكير التصميمي + تجربة العملاء + تجربة المستخدمين
Design Thinking + Customer Experience + User Experience

 

◀تستفاد انت ايه بقى من ده ف شغلك ايه؟

  • اعرف عميلك بجد … عيش مشاكله … تحدياته
  • شوف رحله العميل مع شركتك او منتجك … في كل نقطة اتصال Touch point
    وتشوف فيها …هو العميل عايز ايه هنا؟ هو العميل ايه مشاكله هنا؟ وتحاول تقلل المشاكل ع قد ما تقدر … وتزود انسيابيه التعامل مع المنتج او الخدمه
  • اعرف بجد بقية الاطراف ف السلسه ف Value Chain سواء موردين … وسطاء… و ذاكرهم كويس …ساعتها هتصمم/هتسوق منتجك .. خدماتك …. بشكل يبهر الكل زي كده!

ولا انت ايه رأيك بجد … التصميم ده ألهمك … ولا شايفه عادي؟! نور حته عندك في تصميم منتجاتك و خدماتك؟ ولا شايف الموضوع ايه؟!

Published on: March 31, 2019 - By: Taher Abdel-Hameed

Related Posts

حكاية أفضل استثمار عملته في البيزنس بتاعي! حاجة غير اللي في بالك تماما!

حكاية أفضل استثمار عملته في البيزنس بتاعي! حاجة غير اللي في بالك تماما!

حكاية منتج اتباع قبل ما يتعمل! واتعمل ناقص! ولسه مكملش! ومع ذلك العملاء بيشكروا فيه جدا!

حكاية منتج اتباع قبل ما يتعمل! واتعمل ناقص! ولسه مكملش! ومع ذلك العملاء بيشكروا فيه جدا!

لأ مفيش عروض للجمعة البيضاء /السوداء ولا المواسم! وجهة نظر مختلفة!

لأ مفيش عروض للجمعة البيضاء /السوداء ولا المواسم! وجهة نظر مختلفة!

المنتج ده سيئ وتحت توقعاتي! رحلة سريعة لفهم تعليقات العملاء

المنتج ده سيئ وتحت توقعاتي! رحلة سريعة لفهم تعليقات العملاء
>