5 عقليات للتفكير بطريقة مختلفه - Taher Abdel-Hameed

5 عقليات للتفكير بطريقة مختلفه

حاليا بقرأ كتاب  Non Obvious Megatrends: How to See What Others Miss and Predict the Future, 2020
… قولت أشاركم بالموضوع الشيق ده …
The 5 Mindsets of Non-Obvious Thinkers
دول خمس صفات عشان تفكر بطريقة مختلفه …. الجميل ف الكتاب انه قايلك سريعا كده 3 خطوات عمليه تحت كل نقطه عشان تشتغل عليها

1 – Be Observant

خليك لماح و بتلاحظ التفاصيل اللي حواليك

◀ وعشان تحسن الصفه دي عندك:

  • اشرح العالم اللي حواليك لطفل … هتلاقي وانت بتشرح بتشوف تفاصيل مش بتشوفها ف العادي
  • راقب و تابع عملية تنفيذ الحاجات حواليك …. زي مثلا إزاي جرسون المطعم بيقدم الأكل لكل شخص طلبه بدون لخبطه ..
  • إفصل شوية عن الاجهزة الإلكترونيه … يعني وانت ماشي ف الشارع بدل ما تبص ف موبايلك كل شويه … دور حواليك ع حاجات تانيه تثير اهتمامك و فضولك

2 – Be Curious

خليك فضولي
اسأل ديما ليه؟ اتعلم
الفضول هو أساس الأكتشاف
الكتاب حكى قصلة لطيفة عن … مين مكتشف أمريكا؟ اكيد هتقول كريستوف كولومبس….صح؟
الصراحه مش هو اول حد… كان فيه شخص قبله بأكتر من 500 سنه سبقة و شاف أمريكا بس كان هدف يروح حته معينه و العاصفه غيرت الطريق …فمهتمش حتى بإستكشاف البلد الجديده دي و عدلو مسار السفينه … و لما خلص رحلته حكى لصديق له اسمه “ليف إريكسون” عن البلد (أمريكا) انها موجوده ع الطريق..
المهم صاحبه ده تحمس جدا … واشترى مركب عشان يستكشف المكان الجديد ..
العبره ان التاريخ فاكر اسمين: إريكسون و كولوميس ونسي تماما الشخص الأول!

الكتاب برضو اتكلم عن حجة لطيفه اوي … أسمها لعنة المعرفه
ودي هتلاحظها انك كل ما علمك يزيد في مجال معين … بيبقى صعب تفكر خارج الصندوق و مسلمات المجال ده..

◀ وعشان تحسن الصفه دي عندك:

  • قلل شوية من المحتوى “الغبي” اللي بتشوفه … وحاول تشوف محتوى يثير فضولك عن مجالات تانيه … زي مثلا فيدوهات تيد TED Talks او انك تقرأ في موضوع متعرفش عنه حاجه
  • أقرأ مجلات (أو مدونات) غير المألوفه ليك
  • أسأل ديما …. و من الاجابات ابواب كتير هتتفتح ليك

3 – Be Fickle

اتنقل بين الافكار بسرعه … مش لازم تحلل كل فكره لأخرها في نفس اللحظه … روح و ارجع ليها بعد شويه

◀ وعشان تحسن الصفه دي عندك:

  • احفظ الافكار اوفلاين
  • حط لنفسك وقت محدد للتفكير في الفكره عشان متغرقش في الفكره
  • خد ملاحظات و تدوينات بسيطه

4 – Be Thoughtful

خليك عميق! فكر بعمق …. خد وقتك ف التفكير

◀ وعشان تحسن الصفه دي عندك:

  • قبل ما تتكلم او تكتب فكرتك …استنى شويه وفكر في اللي هتقوله .. يا ترى ممكن حد يفسر الفكره بطريقة غلط او يسيء الفهم
  • اكتب أفكارك … و عيد الكتابه تاني بدل ما تنشر/تقول اول مسوده
  • اتعود على لحظات الصمت في الكلام … عشان ترتب أفكارك أحسن

5 – Be Elegant

خليك لطيف ف التعبير عن افكارك ببساطه

◀ وعشان تحسن الصفه دي عندك:

  • شيل الكلمات اللي ملهاش لزمه … لو انت فاهم الموضوع كويس اوي هتشرحه لغير المتخصص بطريقة بسيطه
  • استخدم اسلوب الشعر زي السجع و القافيه
  • قسم الفكره إلى اجزاء اصغر عشان تعرف تفهمها كويس و تشرحها احسن

و قالك قبل كل دول طبعا يبقى عنده “عقلية النمو”

Growth Mindset
ان نجاح الشخص في اي حاجه نتيجة تعلم و عمل جاد و إصرار .. وبالتالي بيشتغلو اكتر ع إستغلال إمكانياتهم وتحسين مهاراتهم
عل عكس العقلية الثابته
Fixed Mindset
و اللي هي اقتناع الشخص بإنه لإما كويس أو وحش في حاجة معينة وخلاص …

مفيش أمل انه يطور المهارات الناقصه عنده او يتعلم اكتر

◀ انت ايه رأيك؟؟

أيه أكتر صفه عحبتك؟ … و أيه أكتر صفه هتشتغل عليها الفتره الجايه؟
قولي رأيك ف التعليقات وشارك البوست مع أصدقائك

هتلاقي في اللينك ده … عينه مجانية من الكتاب Sample تقريبا 20 صفحه
تقدر تقراها مجانا وبدون أي تسجيل … وبشكل قانوني من الناشر و المؤلف و أمازون

Published on: April 8, 2020 - By: Taher Abdel-Hameed

Related Posts

رمضان بالنسبة للبيزنس عندك موسم ركود؟ تعمل ايه في الوقت الهادي في البيزنس؟

رمضان بالنسبة للبيزنس عندك موسم ركود؟ تعمل ايه في الوقت الهادي في البيزنس؟

كيف تبدأ بيزنس أونلاين ناجح – دليل مجاني يساعدك إنك تبدأ

كيف تبدأ بيزنس أونلاين ناجح – دليل مجاني يساعدك إنك تبدأ

إنجاز جديد في عادتي مع القراءة – قراءة متواصلة لمدة سنتين!

إنجاز جديد في عادتي مع القراءة – قراءة متواصلة لمدة سنتين!

نصائح من 40 رائد اعمال مشهورين في كبسولات سريعة The Startup Playbook

نصائح من 40 رائد اعمال مشهورين في كبسولات سريعة The Startup Playbook
>