في سنه 2010 جاتلي دعوة من احد الأصدقاء ل خدمة دروب بوكس Dropbox
دخلت ع الموقع شوفت فيديو و من ساعتها وأنا مش بستغنى عن الخدمة دي في شغلي و حياتي الشخصية.
وكل ما استعمله افتكر صاحبي و ادعيله…
للي لسه ميعرفش ايه هو الموقع ده و ايه الخدمة دي؟
ببساطه جدا من افضل المواقع اللي بتديك مساحة اونلاين (سحابيه) تخزن فيها ملفاتك و تعمل ليها تزامن مع كل اجهزتك (اي تعديل على الملف يظهر ع كل الاجهزة في نفس الوقت) وكمان تحدد تشارك ايه مع مين. وبعدين وسعوا الخدمات شويتتين بس هو ده لب الموضوع.
الجميل إن قصة إنشاء الشركه ده ملهمه جدا أصلا …
اتذكرت في كتاب The Lean Startup
وازاي إنهم عملوا المنتج الاولي Minimum Viable Product – MVP بتاعهم اللي كان عبارة عن فيديو بيشرح فيها الخدمة و فكرتها…
الفيديو الدعاية ده أنا لسه فاكره من 2010 لحد دلوقتي ..تقدر تشوفه هنا. وهو من الامثله الرائعه في انك ازاي تعمل فيديو يشرح منتجك المعقد ببساطه…..
ده لينك الموقع للي لسه مستخدمهوش لحد دلوقتي
تقدر تعمل حساب مجاني و هيديك 2 جيجا … و من خلال اللينك ده هتاخد 500 ميجا هدية إضافيه (بالمناسبه دي نفس الهدية اللي صاحبي ادها ليا في 2010 … بديها ليك دلوقتي عشان تبقى تشكرني لو لسه متعرفش الخدمه دي او حتى مكسل تجربها)