• Home
  • Blog
  • Resources
  • المساعد الشخصي في التسويق – أهلا بـــ Automation Tools

المساعد الشخصي في التسويق – أهلا بـــ Automation Tools

تخيل لما يبقى معاك مساعد شخصي في شغلك وحياتك
تقوله اول ما تشوفني عملت كذا … اعمل بعدها كذا ع طول
او زي الروبوت كده … بمجرد ما يشوفك بتعمل حاجة معينة … يعمل حاجة معينة انت مبرمجه عليها
شكلها خيال ..صح؟
الحقيقة ان ده موجود بنسبة معينة ومجانا كمان … خصوصا في عالم الأونلاين بيزنس او حياتك الشخصية اونلاين

ممكن كتير مننا سمع عن Automation Tools

يعني انك تخلي حاجة تحصل اوتوماتك لما حاجة معينة تانية تحصل
أمثله:

  • لما حد يملى نموذج معين على Google Form يسجله عندك في القائمة البريديه مثلا وياخد نسخة منه في حته تانيه.
  • لما تكتب مقالة الموقع يكتبه على الفيسبوك او العكس
  • لما حد يدفع لك ع اي وسيلة دفع مثل PayPal يسجل الشخص ده في حته تانية زي قائمة الأيميل او يبعت له رسايل معينه عن طريق اداه تانية….
  • لما تكتب بوست في حته معينه .. خد منه نسخة في مكان تاني هنا او انشره في حته تانيه
  • لما ترفع ملفات في فولدر معين … ممكن تبعت ايميل لشخص/الاشخاص دول او خد نسخة منه على خدمه تانية.

بإختصار لما يحصل حاجة معينه … اعمل حاجة معينه تانيه
ودي بقى مفتوحه ليك ولخيالك واحتياجاتك
يعني تقدر تربط كذا موقع او خدمه مع بعض بالشكل ده

الأدوات الأشهر في الموضوع ده هم:

  • IFTTT وهي اختصار If This Then Thatوهو الأشهر ع مستوى الأفراد
  • Zapierوهو الأشهر على مستوى الشركات وأغلى … وبالطبع الأفضل عالميا

من فتره عرفت إن فيه شركة هندية جديده دخلت المجال ده … ومنافسة ل Zaiper بشكل خاص وأرخص منهم بطبيعة الحال. وواخده الموضوع بجد جدا
الشركه دي اسمها Integrately
وعاملين حملة عشان يكبرو بسرعه عن طريق العلاقات بين الأصدقاء Referrals
بيدوك 500 مهمه مجانا في الشهر تقدر تخلطها بين التطبيقات و الخدمات المختلفه
وده عرض مدى الحياة (ع حد قولهم) والحقيقة دي فرصه رائعه جدا للي حابب يجرب النوع ده من الخدمات الاتوماتيكية
فا 500 مهمه كفاية جدا للمبتدئ في الموضوع … وكمان دول كل شهر

تقدر تشترك من هنا (هتاخد 500 مهمه في الشهر وانا هاخد زيهم)

 

طب تعمل ايه لو مش عندك احتياج للخدمه دي دلوقتي؟

– بما إنه العرض مدى الحياة … اشترك مجانا … وسيبه لما تحتاجة … وقريب اوي هتلاقي كمية التوليفات الخاصة اللي ممكن تعمله وتظبط بيها شغلك وحياتك

السؤال تضمن منين انهم يلتزموا بالعرض ده مدى الحياة أو انهم يكملوا اصلا في البيزنس!

والاجابة مفيش ضمان! بس برضو مفيش مخاطره عليك … جربهم … استخدمتهم هتستفاد …
لم يصدقوا معك …. غيرهم بس اديك عرفت مبدأ الخدمات دي و جربتها … وساعتها تحكم ع هل محتاج تشترك بفلوس في خدمه تانية زي كده ام لاء.

في الأخر هي فرصه لا تعوض …. لأني متوقع بمجرد حصولهم على عدد مستخدمين معين او بعد فتره معينه …هيقللو العرض ده أو يلغوه اصلا …. ده غير سعرهم اللي هيغلى مع الوقت
وده شوفناه في خدمات تانية كتيره … اللي بيشترك عليها في الاول … بياخد مزايا معينه ….
اتمنى يكون البوست ده مفيد بالنسبة لك… وألهمك إنك تبدأ تستخدم الأدوات دي.

 

سؤال رائع على الموضوع أتسألته على الفيسبوك:

بس زي ما اتعلمت قبل كده لما حد يقدملك خدمه ببلاش بتكون انت السلعه😉 وهما اكيد هيستخدموا الداتا بتاعت المستخدمين في المقابل؟

ردي كان 
 رائع جدا الكلام ده …فعلا حقيقة
بس ده في الخدمات اللي زي الفيسبوك و السوشيال ميديا
اما المواقع اللي من النوع ده اطمن .. واي موقع او خدمه فيها نسخة مدفوعه ..اطمن شوية … كده ليهم مصدر دخل غيرك  
المواقع و الخدمات دي دي مبنية على (موديل) نموذج عمل Freemium
واللي بيديك شوية خيارات مجانية (في الحالات اللي فوق دي 100 ل 200 مهمه) … ولو دعيت صديق بتاخده 500 مهمه
بس كلهم Single Step automation
ودي مش هتعجب الشخص المتقدم في استخدامها .. وبالتالي اللي هيتعمق اكتر في الموضوع هيجي عليه الوقت ويدفع عشان يستفيد من بقية المزايا
يعني ايه؟
مهمة خطوه واحده مثل:
– انشر البوست من الفيسبوك على لينكدإن مثلا

مهمه كذا خطوه مثل:
– انشر البوست من الفيسبوك على لينكدإن .. وبعد كده انشره ع الموقع عندي … وبعد كده خد من نسخة على Evernote … وبعد كده ابعته لصديقي الفلاني … وبعد كده ….إلخ
دي مجرد امثلة مش اكتر ….

شكرا لاثارة الموضوع المهم ده …. اللي تخاف منه هو ما هو مجانا تماما …لازم تسأل نفسك بيكسبو ايه؟

Published on: March 21, 2021 - By: Taher Abdel-Hameed

Related Posts

سبعة مواقع لتحميل كتب جديدة في البيزنس و التسويق مجانا وبشكل شرعي

سبعة مواقع لتحميل كتب جديدة في البيزنس و التسويق مجانا وبشكل شرعي

إنفوجراف: 18 كتاب روعة في البيزنس و التسويق

إنفوجراف: 18 كتاب روعة في البيزنس و التسويق

كيف تحضر ندوات و إجتماعات رجال الأعمال في مصر مجانا من الغرفة التجارية الأمريكية

كيف تحضر ندوات و إجتماعات رجال الأعمال في مصر مجانا من الغرفة التجارية الأمريكية

4 مواقع مصريه أساسيه عشان تتابع و تفهم عالم الإقتصاد والأعمال في مصر

4 مواقع مصريه أساسيه عشان تتابع و تفهم عالم الإقتصاد والأعمال في مصر
>