• Home
  • Blog
  • Marketing
  • بعد سنين اكتشف انه في المكان الغلط في البيزنس!

بعد سنين اكتشف انه في المكان الغلط في البيزنس!

تخيل إنك بعد سنين وسنين من عمرك في البيزنس تكتشف أنك بتلعب في المكان الغلط!
وبتسنزف طاقتك في الجهة الغلط!
احساس وحش اوي إنك تكتشف ده متأخر … اعرفه دلوقتي أحسن من بعدين….
خليني اصدمك اكتر واقولك انه “بعدين” دي أصلا مش بتيجي ابدا!
عشان تعرف خليني اسألك سؤال

كم مره فتحت Saved For Later List؟

سواء على الفيسبوك او المواقع التانية او حتى تطبيقات مثل Evernote, or Pocket
اغلب الناس للأسف مش بتفتحها … ويكأنه درج النسيان مش قائمة الحفظ!
وده خلى برنامج زي Evernote يعمل خيار (Option) في منتهى الروعة
انه يطلع لك الملاحظات اللي ليها علاقة بما تبحث عنه في جوجل جنب نتايج البحث
وبرنامج كبير زي كده لم يعمل الخيار ده إلا لما شاف من إحصائيات الاستخدام إن الناس مش بتفتح الملاحظات والمقالات المحفوظة
اللي غالبا بتتصدم لما تشوفها في البحث…يااااه هو معقول انا شوفت الموضوع ده قبل كده ولم اقرأه ازاي!
بس الخبر الكويس هو إنك توصل متأخر أحسن بكتير من اللي موصلش اصلا!
وده كان المشهد الأول

المشهد التاني

في التسويق فيه 5 دواير رئيسية بيدور حوليهم كل اللي بتعمله:

  1. انت … شركتك من جوه ومن بره
  2. المنافسين …مباشرين وغير مباشرين…
  3. السوق … واصحاب المصالح Stakeholders
  4. المنتج … المنتجات والخدمات اللي بتبيعها
  5. العميل … البرنس الكبير اللي من غيره مفيش بيزنس اصلا وهو لب التسويق والسوق

لو قولتلك إن في ساعة واحده (ساعتين بالكتير) تقدر تفهم 3 دواير منهم بشكل شامل ومتكامل وتشوفه من زوايا مختلفة مش متعود إنك تشوف بيها قبل كده؟ وبلغة سهله زي اللي قريت بيها البوست ده! وكمان مجانا.. اه من غير فلوس!

الحكاية أنى كتب كتاب “أنت والمنافس والسوق: دليلك الشامل لفهم المنافسة”

بتكلم فيه عن 8 مدارس للتعامل مع المنافسين وأحسن نموذج تحلل بيه بيئة المنافسة كل ده بشكل سلس جدا وفي قصص وحواديت بالعامية المصرية. وأمثله وحالات عملية متفصلة على بيئتنا المصرية ومناسبة جدا للتسويق في الشركات الصغيرة والمتوسطة
واللي هيغطي الدايره رقم 2 فوق بشكل كامل. وشويه من الدايره رقم 1 و3.
وشوية كلام خفيف كده عن الدايره رقم 4 و5
مستني ايه؟ ولا عايز تشوف نفسك في المشهد المؤلم رقم 1!

بدل ما تضيع عمرك وتكتشف أنك بتلعب في الحته الغلط مع المنافس او في السوق وبتستهلك طاقتك وفلوسك على الفاضي
مش أمكن فيه طريقه احسن تلعب بيها؟!
طب هتعرف ده ازاي من غير ما تعرف مدارس اللعبة نفسها!

حمل دلوقتي نسختك مجانا

من كتاب: أنت والمنافس والسوق: دليلك الشامل لفهم المنافسة
أوعدك إن الكتاب هيغير فكرتك تماما عن المنافسة!

اه صحيح نسيت اقولك إن:

  • وقت قرائته بالكامل من ساعة ل ساعتين بالكتير.
  • وقت قرائته Skim Read عشان تفهم الموضوع وتتعمق في اللي يهمك … 15 دقيقة
  • وقت كتابة تعليق ونقد للكتاب 5 دقائق بس هيفرقوا جدا في الأصدر التاني للكتاب بإذن الله

 

Post’s Image Credits: Designed by pch.vector / Freepik

Published on: March 28, 2021 - By: Taher Abdel-Hameed

Related Posts

خطأ في صفحات الهبوط Landing Pages بيضيع منك العملاء والفرص! وكيف تصلحه؟

خطأ في صفحات الهبوط Landing Pages بيضيع منك العملاء والفرص! وكيف تصلحه؟

أنواع المسوقين في مصر! اضحك عشان نطور من أنفسنا!

أنواع المسوقين في مصر! اضحك عشان نطور من أنفسنا!

مشكلة كورسات التسويق في مصر

مشكلة كورسات التسويق في مصر

كواليس وحكاية كتابة كتاب أنت والمنافس والسوق وكيف استخدمت مبادئ Lean startup في كتابة الكتاب

كواليس وحكاية كتابة كتاب أنت والمنافس والسوق وكيف استخدمت مبادئ Lean startup في كتابة الكتاب
>