fbpx
  • Home
  • Blog
  • Marketing
  • المنتج ده سيئ وتحت توقعاتي! – رحلة سريعة لفهم العميل

المنتج ده سيئ وتحت توقعاتي! – رحلة سريعة لفهم العميل

“الكورس بتاعك كان وحش وتحت توقعاتي يا طاهر
اه مقدرش أنكر إني استفدت منه حاجات كتير
بس انا كنت مستني إنك تشرح … كذا … وكذا … وكذا …. بشكل اكتر من كده
وليه حذرتنا من استخدام طريقة كذا……. مع انها مهمه من وجهة نظري!”

ماتستغربش! ده كان تعليق أحد اعز أصدقائي بعد ما اشتري كورس Marketing GPS (درس رقم 1)
مش بس كده … ده كمان كمل وقال …

“الحقيقة يا طاهر انا من كام شهر اشتريت كورس لفلان الفلاني 100 ساعة اونلاين مغطي البيزنس كله … وتقريبا بسعر قريب من سعر الكورس بتاعك!”

ايوه انا عارف السؤال اللي في دماغك دلوقتي …انا المفروض اقولك Review  إيجابي عشان اشجعك على شراء الكورس ..صح؟
وازاي أنقل ليك الكلام السلبي اللي فوق ده أصلا..!
استنا شوية وهتتعلم اهم درس في فهم تعليقات Feedback العملاء! (درس رقم 2)

لما جالي تعليق صديقي ده … سألته شوية أسئلة عشان افهم اكتر

  • خلصت الكورس بتاعي في كام يوم؟
    قالي في يومين … الدروس قصيرة وبسيطة فكانت سهلة الهضم!
  • الكورس أبو 100 ساعه ده اللي انت اشتريته من فتره… خلصت منهم قد ايه؟
    قالي بدأت فيهم شوية بس الحقيقة لسه لم أصل أصلا للنقطة اللي عايز اتعلمها!
    لكن لا أنكر ان تقسيمة الكورس بتاعك كانت مسهله عليا الدنيا وشجعتني إني اخلصه في يومين وسط شغلي كمان.
  • من باب الأمانة سألته تاني النهارده قبل ما اكتب البوست ده …. وصلت لحد فين فيهم …
    قالي 40%
    فقلت له يا ترى وصلت للنقطه اللي عايزها واشتريت عشانها الكورس؟
    قالي لاء لسه الصراحة!

اه صحيح نسيت اقولك اهم حاجة وصف (بروفيل) صاحبي ده ايه عشان تفهم الصورة كاملة:

مهندس متزوج ويعول ولسه وسيم ورياضي ودمه خفيف…. معلش انا اسف مش قصدي الدخلة دي!
هو مهندس ومدير عمليات في أحد شركات السيارات الكبرى بالسعودية وحابب يتعلم تسويق عشان ينقل شغله شوية أكتر ناحية التسويق. يعني عايز يعمل Career Shift بمعنى اصح.

يعني لا هو شغال حاليا في التسويق ولا درس حاجة قبل كده في التسويق! … ولا عنده مشروع او شركة صغيرة/ناشئة …. فعايز يتعلم عشان يبقى يساعد ويشتغل في قسم التسويق عنده في الشركة! والنوع ده أصلا انا كاتب في صفحة البيع إن الكورس مش مناسب له! فهو ببساطه مش من الجمهور المستهدف أصلا! (ليه لم أقل له كده من الأول …. قصة طويلة مش مناسبه هنا نقولها)

بس تخيل هنا.. الشخص ده رائع جدا ومثابر…. ألزم نفسه بكورس تاني 100 ساعة … وسمع منه لحد دلوقتي 40 ساعة! ولسه لم يتعلم اللي حاجة اللي هو اشترى الكورس عشانها! (درس رقم 3)

تعالى بقى نعرف ايه الدروس اللي انت تستفادها من الحكاية دي:

(درس رقم 1)

مبدأ مهم جدا … وبتعلمه أكتر في كورس Marketing GPS  خصوصا عند اختبار المنتجات/المشاريع الجديدة في السوق

“When people Pay, they pay Attention

بمعنى الناس بتركز وبتديك اهتمامها بس لما تدفع فلوس… مش لما تشوف حاجة مجانية وتسجل فيها وخلاص!

صاحبي وحبيبي ده لما قالي انه مهتم بالكورس.. كنت حريص انه يشتريه (اه بسعر خاص طبعا) بس المهم انه يدفع فلوس!
ولذلك لما خده وتعامل معه بجدية اكتر…. عكس كورس تاني زمان اديته له هدية …لم يفتحه أصلا لحد دلوقتي!
ده غير ان لو خد الكورس مجانا عشان صديقي … كان أصلا التعليقات هتبقى مختلفة تماما ومليانه مجاملات.

(درس رقم 2)

العملاء مش كلهم شبة بعض … ولا كل شكواهم وتعليقاتهم لها نفس الوزن والاهمية!
Customers are NOT Equal

وبالتالي انت محتاج تحط إطار frame معين لفهم تعليقات العملاء Feedback
مش كل من يقولك حاجة تمشى وراه عمياني كده عشان بس هو عميل اشترى منتجك! ما بالك بقى لو عميل لم يشتري اصلا!
محتاج تفهم هو ايه دوافع العميل انه يقول كده؟ ايه خلفياته عن الموضوع؟ هو كان اشترى المنتج ليه أصلا؟ هل هو من العملاء المستهدفين اللي انت حابب تركز معاهم؟

لاحظ هنا مش مطلوب انك تجادل العميل عشان تثبت وجهة نظرك وقد ايه منتجك رائع … فقط اسأل لتفهم وتوضح له الصورة كاملة مش يبقى هدفك مين صح ومين غلط! لان ببساطه قد يكون اختار المنتج الخطأ لإشباع هدفه الصح! مثل من اشترى سيارة عائلية ويريد ان يسابق بها في سباق محترفين ويشتكي من بطئها في السباق!

لو مشيت وراء كلام صاحبي اللي فوق (اللي اه بالفعل دفيع واشترى المنتج!) كنت زودت عدد ساعات الكورس … او شرحت الحاجات اللي هو طلبها …. ولكن من وجهة نظري اتهرست مليون مره قبل كده والغريبة انها ملهاش لزمة ع ارض الواقع للشركات الصغيرة والمتوسطة!…
لكن أنا في الكورس كنت حريص جدا اوصلك خبرتي في كل مرحلة بشكل عملي جدا وبسيط…

بالمناسبة مبدأ ان “العملاء مش كلهم واحد” بنركز عليه في الكورس في مرحلة Customer Lifetime Value

(درس رقم 3)

نصيحة … عند شرائك للكورسات خصوصا الأونلاين لا تنظر إلى عدد الساعات الكبيرة على انها ميزة!
بالعكس كل ما عرفت تاخد الخلاصة المفيدة في عدد ساعات أقل كل ما كان أحسن ليك!
سهل جدا ان اللي بيشرح يمط في الكلام ويتفرع لأمور فرعية او ملهاش لزمه!
الصعب هو انه يديك الخلاصة المفيدة على ارض الواقع في أقصر وقت ممكن!

فمثلا كورس Marketing GPS (ايوه اللي مش عاجب صاحبي فوق 😊 ) عبارة عن 5 ساعات تقريبا ومتقسم دروس صغيرة (اكتر من 40 درس) عشان يبقى سهل تتدرسه وتطبقه بجانب شغلك … وبعدها هتطلع بنظام متكامل ومتوازن للتسويق في شركتك.

يااااااااااااه انت لسه بتقرأ لحد هنا بجد؟! …. ده انت إنسان رائع! … عشان كده خليني اقولك شوية من …

تعليقات الناس اللي اشتركت في الكورس

من اللي شغالين بالفعل في التسويق او أصحاب شركات … قالوا ايه عن الكورس لحد دلوقتي:

  • أفضل كورس تسويق عربي شوفته من ناحية الاستراتيجية والتخطيط وهو احترافي جدا جدا! (صاحب شركة ناشئة)
  • خبرتك اللي بتنقلها دي تستاهل فيها فلوس كتير يا طاهر (صاحب شركة)
  • الكورس واضح ومبسط حتى لمن هم مثلي من خارج مجال التسويق ويريدون التعلم لإدارة اعمالهم الشخصية (صاحب شركة ناشئة)
  • الكورس رائع ولفت نظري لحاجات كتير كنت غافل عنها (صاحب وكالة دعاية وتسويق)
  • الكورس لم يضيف لي أي معلومات جديدة، ولكن الأهم انه اشتغل على تغيير شامل لعقليتي وخلاني أقدر اربط المعلومات والخبرات اللي موجودة عندي بالفعل واقدر اطلع منها افكار جديدة مفكرتش فيها قبل كده. (صاحب وكالة دعاية وتسويق)
  • مبدئيا الكورس مختلف فعلا عن أي كورس تسويق اشتريته قبل كده (صاحب وكالة دعاية وتسويق)
  • الكورس وسع مدركي في التسويق (مسوق)
  • خلاني اشوف حاجات مش متعود اشوفها قبل كده (مسوق)

الخلاصة….

لو انت مش شغال في التسويق بالفعل ولا انت صاحب شركة … الكورس مش هيعجبك خالص فبلاش تضيع وقتك ووقتي!
أما لو انت شغال بالفعل في التسويق او صاحب شركة صغيرة/ناشئة … الكورس هيعجبك ويفيدك جدا بشكل لا تتخيله!

مستني اشوفك جوه الكورس …. ولما تخلصه اسمع منك تجربتك.
هتلاقي كل تفاصيل الكورس هنا

Published on: September 29, 2021 - By: Taher Abdel-Hameed

Related Posts

ليه ماكدونالدز لسه بيعمل إعلانات في الشوارع

ليه ماكدونالدز لسه بيعمل إعلانات في الشوارع

أقولك سر؟ أنا اطردت من شغلي في التسويق

أقولك سر؟ أنا اطردت من شغلي في التسويق

حكاية بياع الفريسكا اللي زود مبيعاته 10 اضعاف بحيلة تتدرس في التسويق

حكاية بياع الفريسكا اللي زود مبيعاته 10 اضعاف بحيلة تتدرس في التسويق

خطأ في صفحات البيع Sales Pages بيضيع منك العملاء والفرص! وكيف تصلحه؟

خطأ في صفحات البيع Sales Pages بيضيع منك العملاء والفرص! وكيف تصلحه؟
>