بص أنا كنت لازم اكتب كومنت بشكرك فيه على الكتاب القيم ده بجد اللى مش هيقراه هيفوته كتير

عايز احييك على أفكارك وطريقة عرضها الدسمة السهلة ... أنا مدير مبيعات، ثم مدير تسويق، ثم مدير عام ... والحقيقة استمتعت بأفكارك وطريقة تنظيمها واسلوبك المصري السهل والمبدع كمل مشوارك ... أنت رائع.

أسلوب الكتابة عن طريق الحواديت مسلي وأكثر تشويق من هري الدراسات والأرقام والإحصائيات، وخاصة بعد يوم مليان أصلا بيها ...ألف شكر على الكتاب.

اسمحلي اقولك إنك راجل محترم وصادق في التعامل جداااا.. ده غير قيمه الكتاب اللي يحتوي على معلومات قيمه جداااا.. بجد ربنا يكرمك ويوفقك

الكتاب رائع وافادني شخصيا جدا. عباره عن ملخص لافكار كتيره جدا, كانت عارف جزء كبير منها لكن هنا ملخصه في شكل علمي جاذب وعرفني حاجات كتير لازم اخد بالي منها في دراسة مشروعي.

في البداية اود ان اشكرك على كتبك الرائعة والمميزة واسلوبك السهل البسيط لإيصال المعلومة.

لقد اشتريت وقرات كتاب (اخيرا قريت)
وهو كتاب أكثر من ممتاز ومحفز جدا وملئ بالخبرات الكبيرة واستمتعت بقراته وقد أثر في شخصيا.

واشتريت الكتاب الاخر (أدواتك التسويقية)
وهو كتاب رائع ايضا ومميز واهم ما يميزه أنك تضع خبرتك فيه فيصبح بذلك كتاب عملي وليس نظريات مجرده فقط.
اتمني لك استمرار النجاح والتقدم و ان لا تحرمنا من ابداعاتك المستمرة.

زمان لما كنا بنحب نشتغل على أداة معينة تساعدنا في شغلنا على الانترنت كنا بنعاني عشان نلاقي الأداة المناسبة وندوّر ونجرب عشان نعرف هي بتشتغل ازاي.
وبعدين نكتشف ان فيه اداة تانية بتعمل نفس الشغل فنبدأ نجربها هي كمان.
ومن أداة لبرنامج لموقع بندخل في دايرة كبيرة من التوهان والحيرة والتشتت ما بين الأدوات المجانية والمدفوعة.

وأحيانا كنا بنوصل لمرحلة اننا ننسي الشغل نفسه ونغرق في بحر الأدوات والبرامج.

دلوقتي ومع انتشار تقنيات ال SaaS ووجود مئات وآلاف من المواقع والأدوات اللي بتعمل نفس الوظيفة بقت الحيرة والتشتت أكبر.

لما تلاقي حد بيريحك من الحيرة والتشتت ده ويعرفك مجالات الأدوات في الأونلاين بيزنس وفي كل نوع ايه المناسب ليك، ويقارن لك بين الأدوات دي ويقولك أحسن أداة فيهم. أكيد ده هيساعدك ويختصر عليك وقت ومجهود كبير جدا.

وده اللي عمله طاهر في كتابه المحترم جدا، وقسمه بطريقة منهجية وبيشرح فيه أهم الأدوات اللي لازم تكون موجودة عند أي شخص شغال في التسويق الرقمي.

عن نفسي حملت الكتاب واستفدت منه جداً وبرشحه لأي حد من أصدقائي اللي شغالين في التسويق هيفرق معاك جداً جداً.

الحقيقة انا مستمرة في قرائه الكتاب، اعجبتني بداية مدرسه جوجل للنجاح معا، اهم مبدأ في ادارة الاعمال، شكرا لمجهودك ويٌقدر جدا، الكتاب ساعدني في تطوير افكاري ومخططات مشروعي

أنا قرأت كتاب (أنت والمنافس والسوق). جميل ما شاء الله
عجبني إنه بيبص للمنافسة من زاوية إننا نقدر نستفيد من بعض بدل ما نفضل نتخانق ونقطع على بعض، وكمان توضيح ده بطرق ونماذج تقدر الشركات تتبعها، مش مجرد كلام مرسل. ربنا يجعله في ميزان حسناتك.

الكتاب كان مفاجأة ليا بصراحة، في الاول كنت بقرأه من باب التصفح بس الاسلوب السهل و المعلومات شدتني اقراه و معرفتش اسيبه من ايدي غير لما خلصته!
الكتاب عرفني سبب مشاكل كتيرة وقعت فيها وعلاجها و ان شاء الله هستغل العلم ده في شغلي الجاي.

كتاب جميل ومفيد وشامل
وكل صفحة تقرأها تشوقك في التي بعدها. زادك الله علما ونفع بك الأمة وجعل اعمالك في ميزان حسناتك.

قرأت كتاب أنت والمنافس والسوق وعجبني جدا. بما يرضى الله يكفى الانسيابية فى الالقاء والحديث والكتابة. وحقيقي ربنا يبارك لك.

بفضل من الله اتعرفت على ا. طاهر
وفر عليا كثير من المجهود والوقت في كثير من مواضيع التسويق عندما قدم لنا استشارات متخصصة في أتمتة قطاع التسويق لدينا بالإضافة الي قيامه بالربط بشبكة علاقات إستراتيجية للمساعدة في تقديم خدمات متميزة لعملائنا
- ننصح بالتعامل معه بدون اي تردد حيث انه لديه من الخبرات والشغف لقيادة اي أعمال توكل إلية
- ننصح بالاطلاع على كتبه وكورساته الخاصة بالتسويق والمبيعات.
شكراَ من القلب يا ا. طاهر 🌹

في البداية أحب اهنئك على الكتاب اللي من وجهه نظري الشخصية فعلا من النوادر اللي هطبعه واحتفظ بيه ف مكتبتي ان شاء الله ...
قرات الكتاب وحبيت اقولك نقاط الايجاب الأول:
1- الاسلوب السهل الممتنع
2- حسيت انها دردشة شخصية اكتر من انها كتاب رسمي، معرفش دي حاجه سلبيه ولا ايجابيه لكن بالنسبة لي ايجابية.
3- كلامك معظمه بدلائل سواء شخصية او لينكات مرجعيه ودي حاجه عجبتني جدا ... صحيح هيا طولت مدة قراءة الكتاب لكن انا ف المجمل كنت مبسوط بالموضوع دا.
----
بالنسبة للسلبيات:
1- الكتاب اعلي من مستوي المبتدئ وإن كنت أفضل انه يكون اول كتاب ليك يبقا للمبتدئين.
2- الكتاب صغير الحجم، معرفش بردو دي سلبيه ولا ايجابية... بس انا بحب الكتب الاكبر حجما.
---
في النهاية دا رأي شخصي،
وانا اتبسط جدا من الكتاب وبالتوفيق ان شاء الله

الكتاب عجبني، سهل وخفيف يخلص في قعدة واحدة، مرتب ومنظم وطريقة عرضه جميلة، وفكرته وزوايا الطرح مميزين. ولو هضيف حاجة، فهي اني اتمنى لو اشوف نسخة منه بالفصحى.

رغم إني كاتب وصحفي، وشغلي بعيد عن مجال الأعمال والتسويق، لكن الكتاب ده عظيم، واستفدت منه جدًا، وبشكل غير مباشر فهمت إزاي ممكن أصنع محتوى صحفي يقدر ينافس، ويوصل لأكبر عدد من القراء.. شكرًا على الكتاب الممتع. وعلى توفيره بشكل مجاني!

علي فكره أنا خلصت قراءة كتابك "انت والمنافس والسوق" من حوالي اسبوع وبصراحه الكتاب ده وراه خبرة ومجهود سنين في مجال التسويق.
ومناسب جدا لكل الناس اللي بتفكر تبدأ بزنس في اي مجال سواء اونلاين أو مش اون لاين.

وعلي فكره بالرغم ان الكتاب صغير بس تقيل ومحتاج تركيز، وعلشان التطبيق محتاج خبره وتجربه كتير ومحاولات علشان نلاقي نتيجة. بالتوفيق والنجاح دايما

طبعا انا بعيد جدا عن مجال التسويق وفى مرحله حاليآ علشان ابتدى افكر افتح مشروع خاص فالمرحله الحاليه بحب اشوف الناس بتتعامل ازاى مع بعض والمزايا والعيوب
اكتر حاجة عجبتنى فى الكتاب:-
١.انو ملخص سريع عن خبره سنين
٢.تقسيمات المدارس
٣.التبسيط
٤.معلومات مهمه
٥.طرق تفكير غير تقليديه فى بعض المدارس

أشياء افضل انها تكون موجوده فى الكتاب.
١. هو عباره عن ملخص وليس كتاب لان المحتوى على الرغم انو بسيط بس يكمن وراءه الكثير والكثير
٢. افضل يكون فى امثله اكتر عن كل مدرسه وان يكون ناس استخدمت المدرسه دى ونجحت وناس استخدمتها وفشلت وافضل يكون فى امثله للفشل اكتر لان دى بنتعلم منها اكتر
٣. التبسيط مفيد جدا للشرح بس فى نفس الوقت بيعطى فكره سهله ان السوق بسيط والدنيا زى الفل لكن الواقع بيبقى اكثر صعوبه
٤. حضرتك كنت افضل تحط بعض الامثله لبعض القرارات الصعبه التى تم اخذها فى بعض الاوقات كانت هتبقى مفيده جدا

انا حملت الكتاب 📖واطلعت عليه بشكل عابر مع التدقيق على بعض المواضيع، الكتاب رائع✌️👍 حسب ما شفته وبصراحة أكبر أنا شايف انه الكورس الهدية 🎁أجمل وأفضل من الكتاب نفسه👌
وبنصحكم تقرأوا الفهرس المتاح على الموقع، لتعرفوا القيمة من الكتاب. 😊
وأجمل ما في الكتاب إنه مختصر بحكي ما قل ودل بدون رغي كثير💥 يعني مش طويل للناس إللي مش متعودة على القراءة
يعني بكل صراحة القيمة💢💯 اللي بتحصلها من الكتاب والكورس أكبر بكثير من المبلغ الرمزي المدفوع

انا قريته من فتره بس نزلته تانى ولسه هقراه تانى واتمنى يكون فى اضافات عن النسخه الاولى...
بصراحة انا دارس MBA وعجبنى اسلوبك جدا والكتاب بالنسبه ليا مبسط ويعتبر قرائته بالنسبه ليا كنوع من المراجعة كل فتره وتذكير بمعلومات اساسيه فى البيزنس.

واتمنى متوقفش عند الكتاب دا و تعمل كتب جديده بنفس الاسلوب و يكون فى مواضيع مختلفة

بالتوفيق يارب

شكرًا يا طاهر على كتاب "أدواتك التسويقية" ، ببساطة هو خارطة طريق سهلة للي تايه وعايز يتعرف على عالم أدوات البيزنس، هيوفر وقت ومجهود وفلوس للي لسة بيبدأ، ورغم تحيزك الواضح، واللي اتفهمه بشدة، لمجموعة محددة من الأدوات اللي أنت لقيت فيها استثمار ممتاز للوقت والجهد والفلوس، إلا إن الكتاب فعلا ثري بمعلومات مرتبة بترتيب مميز هيساعد أي حد ياخد الخطوة الأولى ويبدأ، وحتى اللي له خبرة طويلة لا شك إنه هيطلع بمعلومة جديدة من طريقة العرض المتميزة للمعلومات

الكتاب جميل بس لسه مخلصتوش ... بس من أول حالة استفدت بصراحة ... ربنا ينفعك به.

انا بالفعل قريت الفصل الثامن مدرسة المقارنة عيني عينك فعلا فديتني جدا، لأني شغال في شركة ERP system
و الهمتني و فتحت معايا افكار ازاي اقارن بيني وبين المنافسين
مع وافر الشكر ..

من افضل الكتب اللي قرأتها، سهولة الشرح وطرق الاستفادة من المدرسة، من فترة عدى عليا case معينة كنت معترضة عليها جدا وكنت شايفة أنه عادي ابدأ المصنع بتاعي من وانا لسة ببدأ بس لما قرأت الكتاب اقتنعت جدا أنه نقدر نبدأ بتعاون مع المنافس عادي جدا ❤️🖤

غير إفادات كتير جدا والكتاب حقيقي ممتع جدا

محتوي رائع واضافات جديدة شكرا

بصراحة الكتاب عجبني لانه فيه الزبدة ومافيه كلام زيادة وحشو، واستفدت منه كثير.

ما شاء الله نفع الله بكم دوما يا أ. طاهر 👍👍👍
قرأت الفهرس وعجبني جدا تنظيم حضرتك للأدوات وأسلوب حضرتك ف الكتابة ممتع وبيقرب علم التسويق للناس اللي برة المجال زيي كده ومفيش عندهم وقت يقرأوا كتب او مقالات مكلكعة بس نفسهم يبقوا بروفيشينال شوية بردو