عايز احييك على أفكارك وطريقة عرضها الدسمة السهلة ... أنا مدير مبيعات، ثم مدير تسويق، ثم مدير عام ... والحقيقة استمتعت بأفكارك وطريقة تنظيمها واسلوبك المصري السهل والمبدع كمل مشوارك ... أنت رائع.

رغم إني كاتب وصحفي، وشغلي بعيد عن مجال الأعمال والتسويق، لكن الكتاب ده عظيم، واستفدت منه جدًا، وبشكل غير مباشر فهمت إزاي ممكن أصنع محتوى صحفي يقدر ينافس، ويوصل لأكبر عدد من القراء.. شكرًا على الكتاب الممتع. وعلى توفيره بشكل مجاني!

الحقيقة انا مستمرة في قرائه الكتاب، اعجبتني بداية مدرسه جوجل للنجاح معا، اهم مبدأ في ادارة الاعمال، شكرا لمجهودك ويٌقدر جدا، الكتاب ساعدني في تطوير افكاري ومخططات مشروعي

الكتاب رائع وافادني شخصيا جدا. عباره عن ملخص لافكار كتيره جدا, كانت عارف جزء كبير منها لكن هنا ملخصه في شكل علمي جاذب وعرفني حاجات كتير لازم اخد بالي منها في دراسة مشروعي.

انا قريته من فتره بس نزلته تانى ولسه هقراه تانى واتمنى يكون فى اضافات عن النسخه الاولى...
بصراحة انا دارس MBA وعجبنى اسلوبك جدا والكتاب بالنسبه ليا مبسط ويعتبر قرائته بالنسبه ليا كنوع من المراجعة كل فتره وتذكير بمعلومات اساسيه فى البيزنس.

واتمنى متوقفش عند الكتاب دا و تعمل كتب جديده بنفس الاسلوب و يكون فى مواضيع مختلفة

بالتوفيق يارب

بص أنا كنت لازم اكتب كومنت بشكرك فيه على الكتاب القيم ده بجد اللى مش هيقراه هيفوته كتير

في البداية أحب اهنئك على الكتاب اللي من وجهه نظري الشخصية فعلا من النوادر اللي هطبعه واحتفظ بيه ف مكتبتي ان شاء الله ...
قرات الكتاب وحبيت اقولك نقاط الايجاب الأول:
1- الاسلوب السهل الممتنع
2- حسيت انها دردشة شخصية اكتر من انها كتاب رسمي، معرفش دي حاجه سلبيه ولا ايجابيه لكن بالنسبة لي ايجابية.
3- كلامك معظمه بدلائل سواء شخصية او لينكات مرجعيه ودي حاجه عجبتني جدا ... صحيح هيا طولت مدة قراءة الكتاب لكن انا ف المجمل كنت مبسوط بالموضوع دا.
----
بالنسبة للسلبيات:
1- الكتاب اعلي من مستوي المبتدئ وإن كنت أفضل انه يكون اول كتاب ليك يبقا للمبتدئين.
2- الكتاب صغير الحجم، معرفش بردو دي سلبيه ولا ايجابية... بس انا بحب الكتب الاكبر حجما.
---
في النهاية دا رأي شخصي،
وانا اتبسط جدا من الكتاب وبالتوفيق ان شاء الله

الكتاب جميل بس لسه مخلصتوش ... بس من أول حالة استفدت بصراحة ... ربنا ينفعك به.

كتاب جميل ومفيد وشامل
وكل صفحة تقرأها تشوقك في التي بعدها. زادك الله علما ونفع بك الأمة وجعل اعمالك في ميزان حسناتك.

من افضل الكتب اللي قرأتها، سهولة الشرح وطرق الاستفادة من المدرسة، من فترة عدى عليا case معينة كنت معترضة عليها جدا وكنت شايفة أنه عادي ابدأ المصنع بتاعي من وانا لسة ببدأ بس لما قرأت الكتاب اقتنعت جدا أنه نقدر نبدأ بتعاون مع المنافس عادي جدا ❤️🖤

غير إفادات كتير جدا والكتاب حقيقي ممتع جدا

أسلوب الكتابة عن طريق الحواديت مسلي وأكثر تشويق من هري الدراسات والأرقام والإحصائيات، وخاصة بعد يوم مليان أصلا بيها ...ألف شكر على الكتاب.

الكتاب كان مفاجأة ليا بصراحة، في الاول كنت بقرأه من باب التصفح بس الاسلوب السهل و المعلومات شدتني اقراه و معرفتش اسيبه من ايدي غير لما خلصته!
الكتاب عرفني سبب مشاكل كتيرة وقعت فيها وعلاجها و ان شاء الله هستغل العلم ده في شغلي الجاي.

الكتاب عجبني، سهل وخفيف يخلص في قعدة واحدة، مرتب ومنظم وطريقة عرضه جميلة، وفكرته وزوايا الطرح مميزين. ولو هضيف حاجة، فهي اني اتمنى لو اشوف نسخة منه بالفصحى.

قرأت كتاب أنت والمنافس والسوق وعجبني جدا. بما يرضى الله يكفى الانسيابية فى الالقاء والحديث والكتابة. وحقيقي ربنا يبارك لك.

انا بالفعل قريت الفصل الثامن مدرسة المقارنة عيني عينك فعلا فديتني جدا، لأني شغال في شركة ERP system
و الهمتني و فتحت معايا افكار ازاي اقارن بيني وبين المنافسين
مع وافر الشكر ..

علي فكره أنا خلصت قراءة كتابك "انت والمنافس والسوق" من حوالي اسبوع وبصراحه الكتاب ده وراه خبرة ومجهود سنين في مجال التسويق.
ومناسب جدا لكل الناس اللي بتفكر تبدأ بزنس في اي مجال سواء اونلاين أو مش اون لاين.

وعلي فكره بالرغم ان الكتاب صغير بس تقيل ومحتاج تركيز، وعلشان التطبيق محتاج خبره وتجربه كتير ومحاولات علشان نلاقي نتيجة. بالتوفيق والنجاح دايما

أنا قرأت كتاب (أنت والمنافس والسوق). جميل ما شاء الله
عجبني إنه بيبص للمنافسة من زاوية إننا نقدر نستفيد من بعض بدل ما نفضل نتخانق ونقطع على بعض، وكمان توضيح ده بطرق ونماذج تقدر الشركات تتبعها، مش مجرد كلام مرسل. ربنا يجعله في ميزان حسناتك.

طبعا انا بعيد جدا عن مجال التسويق وفى مرحله حاليآ علشان ابتدى افكر افتح مشروع خاص فالمرحله الحاليه بحب اشوف الناس بتتعامل ازاى مع بعض والمزايا والعيوب
اكتر حاجة عجبتنى فى الكتاب:-
١.انو ملخص سريع عن خبره سنين
٢.تقسيمات المدارس
٣.التبسيط
٤.معلومات مهمه
٥.طرق تفكير غير تقليديه فى بعض المدارس

أشياء افضل انها تكون موجوده فى الكتاب.
١. هو عباره عن ملخص وليس كتاب لان المحتوى على الرغم انو بسيط بس يكمن وراءه الكثير والكثير
٢. افضل يكون فى امثله اكتر عن كل مدرسه وان يكون ناس استخدمت المدرسه دى ونجحت وناس استخدمتها وفشلت وافضل يكون فى امثله للفشل اكتر لان دى بنتعلم منها اكتر
٣. التبسيط مفيد جدا للشرح بس فى نفس الوقت بيعطى فكره سهله ان السوق بسيط والدنيا زى الفل لكن الواقع بيبقى اكثر صعوبه
٤. حضرتك كنت افضل تحط بعض الامثله لبعض القرارات الصعبه التى تم اخذها فى بعض الاوقات كانت هتبقى مفيده جدا