لا تكن ضحية ضيق أدواتك في التسويق لشركتك!

النهارده جه الوقت إنك تفهم أدوات التسويق المتنوعة
بشكل مختلف يساعدك على زيادة انتاجيتك ومبيعاتك

من زمان قالو
"لو مش معاك في عدتك غير شاكوش،
هتشوف كل الحاجات قدامك مسامير!"

If all you have is a Hammer, everything looks like a Nail

فتخيل معايا كده نجار مش معاه غير شاكوش بس
أي حاجة عايز يعملها ... بيستخدم الشاكوش ده لأنه مش معاه أداه تانية أصلا!


برضو في التسويق ... لو أدواتك محدودة (مجرد بس شاكوش!)
هتضيع وقتك وفلوسك في محاولات فاشلة!
وكمان ممكن تعافر أكتر وتسعى أكتر ...والنتايج برضو قليلة!
وساعتها تبدأ تشك في نفسك وقدراتك ومهاراتك!
في حين إنك بس ناقصك تعرف هي ايه الأداة المناسبة اللي تستخدمها في الموقف ده!


بالمناسبة الشاكوش ده عندنا في التسويق ممكن يكون ...

"سوشيال ميديا" .. أو تسويق بالإيميل ... أو محتوى ... أو الإعتماد على فريق المبيعات فقط...

فهتلاقي إن كل مشكلة تقابلك في البيزنس عايز تحلها بالشاكوش ده اللي تعرفه!
في حين انه مش مناسب للموقف ده! أو فيه نوعية أدوات تانية افضل في الموقف ده!
ده غير أن الشاكوش ممكن يبوظ أصلا الشغلانه (task) أو المرحلة كلها اللي أنت فيها دلوقتي!


وممكن تقعد تبذل مجهود أكتر وتصنفر Optimize الشاكوش ده!
وتبحث وتسأل هو ليه الشاكوش ده مش شغال معاك كويس زي مع بقية الناس! أو زي زمان؟!
وممكن تلاقي حد يقنعك انك تشتري موديل تاني جديد بدل موديل الشاكوش القديم ده!


وتنسى تسأل نفسك ... 

هو ياترى أنا أصلا لازم استخدم الشاكوش ده! ومين قال إن لازم كده!

طب ياترى هو فيه أدوات تانية مناسبة أكتر للمرحلة اللي انا فيها دي دلوقتي مع العملاء؟


ولو فيه فعلا أدوات تانية مناسبة ليا؟ هل فيه حد جربها؟

 ولا أنا هبقى عبارة عن حقل تجارب كده مع نفسي للأدوات اللي ممكن تصيب أو تخيب!


وطب لو حد جربها ... ممكن يقولي الخلاصه بدون هري وحشو كتير؟

وياترى ممكن يعرفني ده من غير ما احتاج أرجع له كل شوية؟
يعني يفهمني الموضوع نفسه بعمق تسويقي...
بحيث مثلا لو شكل الاداة أختلف بعد كده، أو ظهرت تغييرات خارج نطاقنا ...
أنا لسه هبقى عارف انا هتصرف ازاي؟! بمعنى أنا مش حافظ ده أنا هبقى فاهم!


كل الأسئلة دي كنت سألتها لنفسي قبل كده ... وبنسبه كبيرة أنت بتسألها لنفسك دلوقتي!

الجميل انك هتعرف أجاباتها كلها النهاردة من خلال الصفحة دي!

أهلا بيك في كورس
Marketing Toolbox 
 Online Course

على مدار خبرتي في التسويق أكتر من 12 سنة، اتعلمت وعرفت شوية أدوات على الطريق ... كانت سبب رئيسي في نجاحي في العديد من المشاريع مع العملاء.

ففكرة أنك تعرف تستخدم نوعية الأداة الصح في الوقت والموقف الصح أصبحت ضرورية في عصر التشتيت الرهيب اللي بقينا عايشين فيه خصوصا كمسوقين.

في الكورس ده أنا بشارك معاك خبرتي، وهرسم ليك خريطة واضحة تفهم بيها عالم الأدوات التسويقية MarTech الحالية والمستقبلية بشكل عملي جدا ومناسب ليك كشركة صغيرة ومتوسطة.

  • في الكورس احنا مش هنقول ليك شوية أدوات وخلاص وممكن تكون غالية وسعرها مش مناسب ليك! ده احنا هنقولك على المختصر المفيد اللي هيساعدك تكبر البيزنس بتاعك اونلاين واوفلاين بدون التوهان في الأدوات المختلفة، واللي بيحصلك منها شلل التحليلات. وأيضا بدون ما تقع في فخ اختيار الأدوات الخطأ لهدفك الصح!
  • احنا برضو هنا مش هنشرح تفاصيل الأدوات من ناحية استخدامها ازاي خطوة بخطوة ... لأن الحقيقة اغلبها بيبقى معاهم شرح تفصيلي Step by Step Tutorial ، وشكلهم وخيارتهم بتتحدث من فترة للتانية.
  • لكن احنا هنشرح ليك الأهم! وهو انك تعرف أهم المفاهيم او الخيارات المتاحة داخل نوعية  الأدوات دي .... وهعرض ليك أمثلة عملية من استخدامي ليها في مشاريع مختلفة.

إضغط هنا لمشاهدة فيديو
 نظرة عامة عن الكورس

هتستفاد ايه من الكورس؟

هتعرف حرفيا أدوات يجهلها أكتر من 95% من المسوقين وأصحاب الشركات في العالم العربي!

هتعرف تستخدمها أمتي؟ وليه؟ وايه انواع الأدوات المناسبة ليك؟
بحيث يكون معك عدة أدوات متكاملة Toolbox تختار منها براحتك حسب الموقف اللي أنت فيه.

كتير من الأوقات بقابل مسوقين وأصحاب شركات مش عارفين ان الخيارات دي موجودة في بعض الأدوات اللي بيستخدموها بالفعل! ومنهم مش عارف ان نوعية الأدوات دي موجودة أصلا! وهتوفر عليهم وقتهم وجهدهم!
الجميل اننا هنقول كل ده بشكل مناسب للشركات الصغيرة والمتوسطة بدون ما تصرف فلوس كتير.

هتركز على ما هو أهم ليك!
وهو تنفيذ بلا قيود!

قد يكون عندك كتير من الأفكار التسويقية خصوصا في عالم الأونلاين بيزنس،
بتتقتل حرفيا قبل ما تجربها اصلا لسببين:
1- معندكش وقت تعملها
2- مش عارف تعملها أو مش عارف ان فيه أدوات ممكن تساعدك وتسهل عليك المهمة دي!

بعد الكورس ده... مش هيبقى عندك المشكلتين دول!
بالعكس لما تعرف أنواع الأدوات المختلفة بالشكل اللي هتشوفه في الكورس....
قد يفتح لخيالك عالم من الأفكار والمبادرات التسويقية لشغلك لن تتخيله.
 والجميل ساعتها إنك هتبقى عارف كيفية تنفيذها فعلا! وممكن كمان تنفذها بنفسك او مع فريقك بدون ما تصرف فلوس كتير مع وكالات التسويق.

هيبقى عندك كنز فعليا!
هتوفر وقتك وبدون تشتيت

أنت ممكن حرفيا تضيع سنين من عمرك في البحث عن معرفة أدوات التسويق!
والمفاجأة إنك كمسوق ذكي هتبقى مبسوط جدا وانت بتضيع الوقت ده! وفاكر أنك كده بتطور نفسك!
وبما أن موضوع الأدوات متجدد باستمرار ... فهتعيش ديما في دوامة البحث عن الجديد والمقارنات ...واللي بيبقى ليها عندنا ميل فطري كمسوقين ورواد أعمال لإننا بنحب ديما نحصل على أفضل صفقة لأن فلوسنا محدودة...

لكن مش الوقت ده ممكن تستغله بشكل أحسن في البيزنس بتاعك! ... صح ولا ايه؟

الكورس هنا هيوفر ليك الاتنين!

  • هتعرف الأدوات بتصنيفاتها المختلفة بشكل شامل وعملي جدا هيعجبك ويرضي طموحك الفطري في الموضوع ....
  • وكمان هيوفر ليك وقتك. وبدون تشتيت فتقدر تنفذ بسرعة فعليا على البيزنس بتاعك

ده كمان التركيز هنا على المفهوم التسويقي للأدوات وإنك تفهم الصورة الكبيرة بتفاصيلها وده أفضل من من مجرد التركيز على الأدوات نفسها واللي تعتبر متاهه كبيرة!


محتوى الكورس

هنتكلم عن 18 نوع من الأدوات التسويقية اللي بتساعدك كمسوق وكصاحب شركة صغيرة
كل نوع منهم في قسم منفصل في الكورس ويشمل الاتي:

  • فكرة عامة عن المفهوم التسويقي للنوع ده من الأدوات
  • تصنيفاته الفرعية إن وجدت
  • ليه ومتى تحتاج النوع ده من الادوات...
  • أهم المصطلحات في النوع ده عشان تفهمهم وتتكلم لغتهم
  • اهم الخيارات المتاحة في النوع ده
  • الأدوات اللي برشحها ليك في النوع ده وأنا بستخدمها شخصيا
  • أدوات أخرى بديلة ...
  • أمثلة وحالات عملية للاستخدام 

ما هي أنواع الأدوات اللي بنشرحها في الكورس

  • Email Marketing Tools
    أدوات التسويق بالإيميل
  • Customer Relationship Management (CRM) Tools
    أدوات إدارة العلاقات مع العملاء
  • Website Builder/Platforms Tools
    أدوات بناء المواقع
  • Landing Page / Sales Page Tools
    أدوات بناء صفحات الهبوط والبيع
  • Lead Generation Tools
    أدوات توليد العملاء المحتملين
  • Sales Funnels Tools
    أدوات صناعة القمع البيعي
  • Forms Tools
    أدوات عمل نماذج إدخال البيانات
  • Survey and Getting Feedback Tools
    أدوات عمل الاستبيانات
  • Ecommerce Platforms / Tools
    أدوات التجارة الإلكترونية
  • Payment Gateways Tools
    أدوات الدفع أونلاين
  • Conversion Rate Optimization (CRO) Tools
    أدوات تحسين نسب التحويل والبيع
  • Analytics and Tracking Tools
    أدوات التحليل وتتبع رحلة العميل
  • Social Media Management Tools
    أدوات إدارة السوشيال ميديا
  • Integration and Automation Tools
    أدوات التكامل والأعمال الأتوماتيكية
  • All-in-One Solutions
    الأدوات المتكاملة في منصة واحدة
  • Market Trends Tools
    أدوات معرفة اتجاهات السوق
  • Competition Analysis Tools
    أدوات تساعد في تحليل المنافسين
  • Productivity Tools
    أدوات تساعد في تحسين الانتاجية
  • How to Find More Tools?  
    كيف تجد وتستكشف أدوات اخرى

تقدر تعتبر كل قسم منهم "كورس مصغر ومركز" Crash Course عن النوع ده من الأدوات بداخل الكورس الكبير!
وبكده هيوفر  ليك وقت وفلوس ومجهود في التنفيذ بدون توهان...

نبذة عني

طاهر عبد الحميد

استشاري تسويق لديه خبرة أكثر من 12 سنوات. عمل في مختلف جوانب التسويق المختلفة، بدأها بالعمل في البيع وتطوير الأعمال ثم الاتصالات التسويقية والتسويق الرقمي ومؤخرا يعمل في مجال التحليلات وأبحاث السوق والاستشارات.

عمل في احجام شركات مختلفة: ناشئة وصغيرة ومحلية ومتعددة الجنسيات. حاليا يعمل في أحد الشركات العالمية المتخصصة في أبحاث السوق، ومسؤول عن أحد برامجها البحثية في شمال أفريقيا وباكستان.

بجانب هذا، هو يساعد الشركات الصغيرة والمتوسطة بشكل حر (فريلانس) من خلال الاستشارات التسويقية، خصوصا في أبحاث السوق والخطط التسويقية العملية.

في بداية سنة 2020، أصبح محترف معتمد في إدارة التسويق من الجمعية الأمريكية للتسويق، وكما هو معروف انها من أكبر الهيئات في مجال التسويق عالميا.

في بداية 2021، ألف كتاب "أنت والمنافس والسوق: دليلك الشامل لفهم المنافسة" والكتاب لاقى اعجاب  بين جمهور المسوقين وأصحاب الشركات ورواد الأعمال.

نتمنى إنك تلاقي في رحلته المهنية قيمة حقيقة ليك مثلما أضاف هو قيمة لناس وشركات كثيرة بفضل الله، تستطيع أن تقرأ تعليقاتهم وتذكيتهم له من هنا.

قالوا عن طاهر في كورساته ...

الخبرة اللي بتنقلها دي قيمتها عالية جدا

طاهر انت انسان مجتهد جدا ومحترم. اشتغلت على نفسك سنين بجد واجتهاد والخبرة اللي بتنقلها دي أكيد قيمتها عالية جدا. وبالنسبة لي أنت قصة نجاح حضرت بدايتها وفضلت اراقبها بحب وهي بتكبر. انا فعلا فخور بيك يا طاهر ومبسوط من المشوار بتاعك ده وتطوره الى الآن.

أفضل كورس تسويق عربي من ناحية الإستراتيجية والتخطيط وهو احترافي جدا

بالرغم من دراستي لعدة كورسات في التخطيط التسويقي، بكل صراحة وجدت هذا الكورس هو الكورس الوحيد الذي يغطي الجوانب الرمادية والخفية من دراسة تخطيط التسويق ويوضحها بشكل دقيق وشامل ويسد الفراغات الذهنية لفهم قواعد واسس وضع الخطط التسويقية.

الاستفادة اللي اخدتها من الكورس كبيره جدا

انا بشكر حضرتك جدا جدا على المعلومات القيمة اللي في الكورس.
انا لسه مخلصتش الكورس كله بس الاستفادة اللي اخدتها لحد دلوقتي كبيره جدا، فبجد متشكر لحضرتك.

لديه محتوى جيد مبني على معلومات حديثة

أنصح بالتعامل مع طاهر، لديه محتوى جيد وحديث ويمتاز باعتماده على البيانات والمعلومات المحدثة بأستمرار.

profile-pic
وليد عيسوي مدير تطوير أعمال – شركة زاك

لفت نظري لحاجات كتير كنت غافل عنها

كورس رائع ولفت نظري لحاجات كتير كنت غافل عنها، شكرا طاهر على المجهود الجميل ده

وجدت أخيرا ما أريد في تعلم التسويق

درست جزء من الكورس حتى الان، ولأني كنت ابحث منذ فترة عن مصدر لتعلم التسويق بشكل عملي فقد وجدت أخيرا ما أريد، الكورس واضح ومبسط حتى لمن هم مثلي من خارج مجال التسويق ويريدون التعلم لإدارة اعمالهم الشخصية، اعتقد ان بقية الكورس حتكون تجربة ممتعة ومميزة ايضا، واتمنى المزيد من المؤلفات لتنمية ثقافة العمل من المميز أستاذ طاهر.

profile-pic
مازن فيطر مؤسس شركة زوارق

وكمان قالوا عن طاهر في العمل...

د. رشا عبد السلام

رئيس مجلس إدارة شركة فادك

طاهر مبدع وموهوب في التسويق، لقد ساعدنا في مشروعنا بالعديد من الأفكار لنكون بأفضل مكانة في السوق. ومما أبهرني فعلا في طاهر هو دعمه المستمر حتى بعد انتهاء فترة الاستشارة والعمل معه.

محمد هلال

نائب المدير العام - ILB

طاهر لديه شغف حقيقي للتعلم والاستكشاف. متعطش دوما للمعرفة وتطوير نفسه. باختصار طاهر منجز المهام، يتمتع بالتفكير خارج الصندوق وشخص لطيف للعمل معه.

عبد الله ماهر

مدير منتج - Mobily

طاهر نموذج احترافي في الالتزام المهني وإنجاز المهام المطلوبة منه. لديه شبكة علاقة متنوعة، وخبير في التسويق. ببساطة تستطيع ان تعتمد عليه وأرشحه لأي منصب ذو تحديات.

ملحوظة: كل هذه التوصيات كتبوها في الأصل بالإنجليزية وتم ترجمتها لتناسب السياق العربي في الصفحة

سعر الكورس

خصم خاص لفترة محدوده!

فقط 52 دولار بدلا من 61 دولار
تقريبا 965 جنيه 

ستحصل على:

  • محاضرات الكورس (فيديوهات مسجلة تقدر تشوفها في اي وقت براحتك) .
  • الحصول على الكورس مدى الحياة مع كل تحديثاته مستقبلا.
  • التفاعل معايا ومع زمايلك من خلال التعليقات
  • اسألني على الواتساب لو لسه محتار في اختيار أدوات معينة لحالتك

بدون أي مخاطرة عليك! 
100% ضمان استراد فلوسك كاملة

في حالة عدم رضائك عن الكورس لأي سبب ... خلال 30 يوم من اشتراكك في الكورس.
يعني ببساطه ممكن تخلص الكورس كامل ... وبعدها تشوف بنفسك يا ترى استفدت أم لا؟
لو حسيت إن القيمة اللي أنت استفدتها أقل من اللي أنت دفعته أو لم يعجبك أي حاجة تتخيلها! ببساطة أطلب فلوسك! وبدون ما تقول أي اسباب ستحصل عليها فورا!

هتلاقي في صفحة الدفع خيارات متنوعة في وسائل الدفع المؤمنة تماما مثل

وسائل دفع متنوعة
ادفع بمحفظة موبايلك في مصر

لو عايز وسائل دفع اخرى ...

محفظة موبايلك مثل فودافون كاش:

ممكن تحول عن طريق منصة فواتيرك في صفحة الدفع وإتباع الخطوات السهلة هناك ... وستحصل على الكورس فورا...

أو لو أسهل ليك إنك تحول المبلغ مباشرة على رقم 
01097626689 
من أي محفظة موبايل عندك (خاص باللي داخل مصر)
وبعد الدفع أرسل رسالة التأكيد على واتساب نفس الرقم. لكن من خلال طريقة التحويل دي سيتم تأكيد طلبك في خلال 24 ساعة

لو لسه مش مناسب معاك أي وسيلة دفع

او ليس عندك أي طريقة دفع اونلاين خصوصا لو أنت في دولة بها قيود على الدفع اونلاين خارج دولتك مثل حبايبنا في السودان وتونس

فقط تواصل معي على الواتساب ... للأتفاق على دفع قيمة الكورس كتبرع (بالنيابة عني) لأي جمعية خيرية في بلدك، يفضل في مجالات الصحة - التعليم - التنمية...

بالمناسبة أنت كده كأنك دفعت بالفعل! لك كافة حقوق ومزايا الإشتراك في الكورس ... أنا بس وفرت طريقة دفع مناسبة ليك! 

من خلال الطريقة دي سيتم تأكيد طلبك في خلال 24 ساعة 

أسئلة ممكن تكون في بالك

الكورس هيبدأ أمتى؟

الكورس عبارة عن فيديوهات مسجلة تقدر تحصل عليها فورا ولك حق الوصول لها مدى الحياة
بعد الشراء سيصلك تفاصيل دخول للكورس في منطقة الأعضاء على الموقع هنا.

اقدر اخلص الكورس في وقت قد ايه؟

  • ممكن تخلص الكورس كله في يوم واحد لو حابب ... الكورس حوالي 7 ساعات
  • الكورس متقسم لدروس كتيره وقصيرة (أكتر من 58 درس) داخل كل قسم عشان يبقى سهل الهضم
  • يفضل دراسة الكورس خلال 5 أسابيع بالكتير 
  • ممكن كل يوم تشوف درس صغير أو تخصص يوم في الأسبوع لمجموعة من الدروس
  • وممكن تشوف المقدمة (مهمه جدا!) وبعدها تروح لأي قسم من الأدوات أنت مهتم به الفترة دي....

الكورس مناسب لمين؟

بخاطب في الكورس ده

  • المسوقين في مختلف الشركات الناشئة والصغيرة والمتوسطة
  • أصحاب الشركات الصغيرة والمتوسطة، اللي حابين يطوروا من أداء ونتائج شركتهم وفريقهم في التسويق
  • أصحاب المشاريع الأونلاين والتجارة الإلكترونية بمختلف أنواعها. الكورس يعتبر حرفيا كنز ليك!

ما هي لغة الكورس؟

بالطبع اللغة العربية (الكلام اغلبه عامية مصرية مثل كتاباتي) والمادة التدريبية المعروضة ستكون بالإنجليزية لطبيعة المجال وصعوبة الترجمة لكثير من المفاهيم واعترف ان ده عجز مننا وليس عيب في اللغة العربية.

لو لسه عندك سؤال؟

email

Hi (at) TaherAbdelHameed (dot) com

>