Testimonials

كورس Marketing Tools من حسناته أنه يزيل عنك التشتت والغبش ويعطيك اختيارات توسع عندك الفرص والبدائل. حقيقة افادني كثيرا واختصر على الوقت في تجريب الكثير من الأدوات اي اختصر على الوقت والمصاريف.
لذلك هذا الكورس بالذات يوزن بالذهب.

عمرك شفت نجار مثلا مبيعرفش يستخدم الشاكوش أو الفارة أو مبيعرفش أنواع المسامير المختلفة واستخداماتها؟ أو حتى ميعرفش إن فيه حاجة إسمها شاكوش أصلا؟ المنطق بيقول مستحيل ده يحصل.

نفس الحاجة في أي شغل، لازم ييقى عندك أدوات Tools تساعدك تعمل شغلك ده، في شغلنا كأشخاص متخصصين في التسويق، الأدوات دي كثيرة، وهتبقى محتاج على الأقل تعرفها وتعرف استخداماتها وإيه اللي بيفرق الأدوات المتشابهة فيهم عن بعض.

أ. طاهر-جزاه الله خيرا- عمل مجهود حقيقي في إنه يعمل كورس يشرح فيه الأدوات اللي انت محتاجها كمسوق (خاصة في التسويق الإلكتروني)، أنت ممكن تكتشف إن فيه أدوات أنت مسمعتش عنها أصلا، وممكن كنت تدفع فلوس في كذا أداة وبعدين تكتشف أنهم كانوا شبه بعض وأنت مكنتش محتاج إلا واحدة منهم فقط.

كورس Marketing Toolbox في رأيي مهم لحد واخد أمر نجاحه في مجال التسويق بجدية.

أحسن حاجة عجبتني الملحقات المفيدة أسفل الفيديوهات والتبسيط في الفقرات المقدمة.
ولكن لدي بعض الملاحظات طريقة الشرح تحتاج الى اسلوب أكثر جاذبية، حيث انني في بعض الاحيان اشعر بملل قليل واشرد اثناء حضور المحاضرة واضطر لإعادة السماع.
واشعر ايضا ان هناك بعض الافكار كانت تحتاج الى شروحات أكثر وقد تم المرور عليها سريعا.

ومع ذلك بدون أدني شك قيمة الكورس أفضل من قيمة ما دفعته.. من غير اي مجاملة.

وأيضا للأمانة في دوراتك حصلت على معلومات لم احصلها من قبل مع العلم أنى حضرت أكثر من دورة لأساتذة على مستوى كبير من العلم على مستوى الوطن العربي، وبالأخص المرفقات المرفقة أسفل الفيديوهات.
واخيرا نشكر الاستاذ طاهر ونتمنى له كل التوفيق

بالرغم من دراستي لعدة كورسات في التخطيط التسويقي، بكل صراحة وجدت هذا الكورس هو الكورس الوحيد الذي يغطي الجوانب الرمادية والخفية من دراسة تخطيط التسويق ويوضحها بشكل دقيق وشامل ويسد الفراغات الذهنية لفهم قواعد واسس وضع الخطط التسويقية.

أحسن حاجة في الكورس أنه فيه خلاصة خبرتك بالادوات التسويقية يلي ممكن نستخدمها ونقدر نحصل عليها بسهولة، ومعلومات قيمة ونصائح مفيدة جداً،
واقتراحي انه دائما يتم اضافة فيديوهات جديدة (تحديثات) تواكب التطورات في مجال الادوات.

أنصح بالتعامل مع طاهر، لديه محتوى جيد وحديث ويمتاز باعتماده على البيانات والمعلومات المحدثة بأستمرار.

اشتركت منذ مدة في كورس Marketing GPS واستفدت منه كثير جدا. اوصي به بدون تفكير سينقلك الى مستوى آخر من الوعي والمعرفة في مجال التسويق.

الكورس ممتاز وشامل لغالبية أدوات التسويق وكيفية استخدامها، وفعلا بيخليك تقدر تحدد ايه انسب اداة تقدر تستخدمها في البيزنس بتاعك، بدل ما تضيع وقتك وتجرب أي حاجة من غير فايدة.

وبشكر حضرتك على اسلوبك الرائع والبسيط في تقديم المعلومة.

وأتمنى لك كل توفيق ونجاح.

استفدت جداً من ترتيب الفصول والدروس في كل باب
سهل جداً تعمل لنفسك خطه تخلص بيها الكورس بمجرد ما تاخد لمحه سريعه ع ترتيب الدروس ومنها هتفهم توقيت كل خطوة المناسب لتنفيذها وأزاي تقيس نتايج الخطوة دي علي البيزنس بتاعك.

طاهر انت انسان مجتهد جدا ومحترم. اشتغلت على نفسك سنين بجد واجتهاد والخبرة اللي بتنقلها دي أكيد قيمتها عالية جدا. وبالنسبة لي أنت قصة نجاح حضرت بدايتها وفضلت اراقبها بحب وهي بتكبر. انا فعلا فخور بيك يا طاهر ومبسوط من المشوار بتاعك ده وتطوره الى الآن.

لو بتحب البيزنس و التسويق و لسة مسمعتش عن طاهر عبد الحميد يبقى فاتك كتير...

طاهر مستشار تسويقي و محلل لأبحاث السوق في إحدى شركات أبحاث التسويق.
لحسن حظه إنه بدأ مسيرته المهنية فى المجال اللى بيحبه و هو التسويق .

ولأكثر من 10 سنين جمع فيها خبرات كبيرة جداا فى فروع التسويق المختلفة من المبيعات و الbranding و ال digital marketing و ال marketing research و فى صناعات متنوعة و فى شركات كتيرة سواء محلية او مالتي ناشونال .

و لأن طاهر شخص مجتهد جداا فكان بيحرص دائما إنه يطور من شغله و يتعلم أكتر فى جوانب التسويق المختلفة فحصل على شهادات فى التسويق من هيئات معروفة زى : الجامعة الأمريكية وجامعة بنسلفانيا....

أنا مدير شركة تسويق ومحاضر بقالي اكتر من 10 سنين وبصراحة طاهر استفزني بجملتين في صفحة البيع خلتني اصمم اشتري الكورس عشان اعرف هو يقصد ايه بيهم؟
الجملتين كانوا: "أوعدك بوعدين اترددت كتير الحقيقة قبل ما قولهم: أوعدك إنك مش هتنبهر بالكورس وأنت جوه الكورس! والجملة التانية هي: اوعدك أنك غالبا مش هتعرف معلومة جديدة في الكورس!"
يعني ايه حد عاقل يقول الكلام ده في صفحة بيع المفروض انها تكون مليانه وعود براقة عشان تحقق مبيعات كبيرة؟

بس فعلا لما اشتريت الكورس ودخلت منطقة الأعضاء وشوفت المحتوي كامل والأمثلة والخطوات المنهجية اللي مشي بيها وهو بيشرح المادة العلمية اكتشفت فعلا صدق الجملتين اللي قالهم في صفحة البيع.
هو بالفعل لم يضيف لي أي معلومات جديدة، ولكن الأهم انه اشتغل على تغيير شامل لعقليتي وخلاني اقدر اربط المعلومات والخبرات اللي موجودة عندي بالفعل واقدر اطلع منها افكار جديدة مفكرتش فيها قبل كده.

عارف لما يكون معاك شوية خرز شكله حلو وتجيب خيط وتبدأ ترص الخرز ده بطريقة وترتيب معين عشان تلاقي في ايدك أحلي عقد في الدنيا!
هو ده بالظبط اللي طاهر عمله في الكورس اللي بالمناسبة هو مش مجموعة فيديوهات وبس، لكن هتلاقي جوه الكورس تحت الفيديوهات أدوات وتمبلتس وجداول ومقالات وروابط ومصادر قيمتهم من وجهة نظري اعلي بكتير من قيمة الكورس نفسه.
أنا بشكر طاهر جدا على القيمة العالية اللي قدمها في الكورس ده واتمني له التوفيق من كل قلبي

يشرفنا الاطلاع والاستفادة من قامة هامة في التسويق والتدريب اشكرك من كل قلبي.
(من تعليقه على بعض دروس الكورس)

انا بشكر حضرتك جدا جدا على المعلومات القيمة اللي في الكورس.
انا لسه مخلصتش الكورس كله بس الاستفادة اللي اخدتها لحد دلوقتي كبيره جدا، فبجد متشكر لحضرتك.

تجربه مفيدة المعلومات وطريقه العرض مرتبه وسلسله لكن الشاشة محتاجة تكون أوضح من كدة من حيث zoom العرض. (ملحوظة: الحل تأكد من عرض الفيديو بجوده 720 ع الأقل من شريط الإعدادات)

درست جزء من الكورس حتى الان، ولأني كنت ابحث منذ فترة عن مصدر لتعلم التسويق بشكل عملي فقد وجدت أخيرا ما أريد، الكورس واضح ومبسط حتى لمن هم مثلي من خارج مجال التسويق ويريدون التعلم لإدارة اعمالهم الشخصية، اعتقد ان بقية الكورس حتكون تجربة ممتعة ومميزة ايضا، واتمنى المزيد من المؤلفات لتنمية ثقافة العمل من المميز أستاذ طاهر.

بفضل من الله اتعرفت على ا. طاهر
وفر عليا كثير من المجهود والوقت في كثير من مواضيع التسويق عندما قدم لنا استشارات متخصصة في أتمتة قطاع التسويق لدينا بالإضافة الي قيامه بالربط بشبكة علاقات إستراتيجية للمساعدة في تقديم خدمات متميزة لعملائنا
- ننصح بالتعامل معه بدون اي تردد حيث انه لديه من الخبرات والشغف لقيادة اي أعمال توكل إلية
- ننصح بالاطلاع على كتبه وكورساته الخاصة بالتسويق والمبيعات.
شكراَ من القلب يا ا. طاهر 🌹

كورس رائع ولفت نظري لحاجات كتير كنت غافل عنها، شكرا طاهر على المجهود الجميل ده

انا اعرف طاهر منذ 12 سنة، هو حقا شخص عملي وواقعي جدا. ولذلك خبرته ومنهجيته العملية جعلت هذا "الكورس" قيم جدا للمبتدئين والمحترفين على حد سواء.
الكورس يقدم لك مجموعة واسعة من الأدوات التسويقية بمختلف تصنيفاتها، ويساعدك على فهمها بشكل رائع من حيث المفهوم التسويقي وراء كل أداة وكيفية استخدامها بشكل فعال لك.
أنا حقيقي بوصي كورس Marketing Toolbox لمن يطمح لتطوير مهاراته التسويقية ويطور البيزنس عنده لمستوى أعلى.
(تم ترجمة التوصية لتناسب السياق العربي في الصفحة، وهنا النص الإنجليزي)

I have known Taher, the author of the "Marketing Toolbox" course, for 12 years, and he is truly a man of action, Taher's expertise and practical approach make this course a valuable asset for beginners and experienced professionals alike.

It covers a wide range of marketing tools, giving you a comprehensive understanding of their concepts and how to use them effectively.

I recommend the "Marketing Toolbox" course to anyone seeking to enhance their marketing skills and elevate their business to new heights.

أنا بجد عجبني الكورس، قصير وفيه المختصر المفيد. لكني أود المرة القادمة أن يستخدم المحاضر تقريب للشاشة أفضل للشرح. غير كده الكورس رائع وساعدني بالفعل. (ملحوظة: الحل تأكد من عرض الفيديو بجوده 720 ع الأقل من شريط الإعدادات)

أحيانا انت كشخص بيشتغل في التسويق، ممكن تبقى عندك معلومات كثير، لكنك مش عارف توظفها، أو مش عارف تحطها في سلسلة مترابطة توصل بيك لنتائج في شغلك، أو عندك حلقة أو حلقات في السلسلة دي مفقودة، سواء انت مش عارفها أو مش واخد بالك إنها مهمة في وقت معين. أحيانا كثير بيبقى كل اللي انت محتاجة طريق واضح بس، وأنت عندك المعلومات الكافية في تسويق المجال بتاعك واللي هتخليك تمشي الطريق ده.

إسم الكورس Marketing GPSمعبر جدا بالفعل عن اللي انت هتحصل عليه لما يبقى معاك الكورس ده ، طريق واضح المعالم هتمشي فيه لحد ما توصل لأهدافك إن شاء الله.

شرح مبسط وجميل. شخصيا اتعلمت معادلات كنت عارفها بس مش عارف ازاي نطبقها في التسويق والكورس فتح عنينا على حاجات كتير وخصوصا في ال Pivot Table.

احسن حاجة عجبتني في الكورس الأمثلة العملية
و خطوات Actions "الأكشنز" يعني المفترض اعمل ايه بالظبط في كل مرحلة.
اكتر حاجة معجبتنيش الخلفية البيضاء متعبة جدا للعين وعلشان تركز عينك تتعب.
(من تعليقه على بعض دروس الكورس)

الكورس جميل جدا، أنا شاهدت شوية من الكورس مش كله لحد دلوقتي، لكن هكمله في وقت قريب إن شاء الله.

واللي عجبني في الكورس إن غني بالمعلومات عن الأدوات اللي ممكن تساعدك في كل مجال من مجالات ال Marketing سواء كان إيميل ماركتينج أو CRO… إلخ، وحاجات تانية زي ال Productivity.

كمان بيقولنا ازاي نختار الآداة اللي مناسبة لل Case بتاعتنا، وبيتكلم عن التريندات في الماركتينج وتحديثات آبل وعلاقتها بخصوصية المستخدم.

وكمان بيصحح مفاهيم غلط كانت موجودة عندنا وهي إن لازم نبقي عارفين كل حاجة طول الوقت… وهو ف الحقيقة مش لازم نبقي عارفين كل حاجة طول الوقت بوجود مصادر متنوعة زي الكورس دااه والكتب وموجودة معانا مدي الحياة نقدر نرجعلها ونبحث وندور على المعلومة في أي وقت لو حصل اي حاجة أو اتسألنا سؤال مش عارفين إجابته ونعرف المعلومة اللي عايزينها، وفي النهاية شكرا جدا لحضرتك وبالتوفيق لحضرتك في كل اللي جاي 🙏🙏🤲🤲

ممتاز جدا وما زلت ادرسه، ولكن فعلا شرح مبسط ومعلومات جديدة ومميزة ومن الواقع والسوق.
(من تعليقه على بعض دروس الكورس)

أكتر حاجة شجعتني في كورس Marketing GPS إنه فيه خارطة طريق واضحة، بعيدا عن ال Templates وبيؤدي ف النهاية إلى فهم مجموعة العناصر اللي تؤدي لنجاح المجهودات التسويقية.

كمان بيناقش المعلومات والحاجات الأساسية اللي بيحتاجها أي بيزنس يكون عارفها علشان يقوم صح واللي بدونها هيفشل فشل ذريع.

وبيقسم رحلة العميل لتلات مراحل قبل وأثناء وبعد الشراء وبيوضح أهم ال Metrics اللي المفروض نركز عليها في كل مرحلة.

كمان ف حاجة مميزة وعد حضرتك أن الكورس مش هيبقي ف حاجة مبهرة ف الكورس بيركز ع المقدمات اللي تؤدي لنتائج على عكس باقي الكورسات اللي تذكر أمثلة مبهرة لشركات عالمية حققت نجاحات خيالية بدون ذكر المقدمات اللي أدت للنتائج دي.

فعلًا الكورس متميز جدًا ف كل النقاط دي 👌👌💪💪

انا متابع كل مقالات طاهر عن التسويق وقرات كتابه الرائع "أنت والمنافس والسوق" نظرته الخبيرة وتحليلاته المتميزة أفادتني كثيراً، أبهرني بعدها بالكورس ليضيف لي خبرة ومعلومات كنت أحتاجها في عملي بشكل كبير لدرجة أني انتهيت من دراسة الكورس في ثلاث أيام ... وان كان الكورس موجه بشكل كبير للمسوقين وأصحاب الشركات لكنه أفادني أيضا.

في زخم كثرة المحتوى، بل وأيضا تكراره من شخص لآخر وكلٌ يدعي تخصصه في فن التسويق وأنه الأميز في ذلك - يطل علينا طاهر بكورس Marketing GPS والذي كان من عنوانه أكبر الأثر في توضيح بوصلة مسار الكورس باحترافية.

خاصة إن طاهر له باعٌ كبير في مجال التسويق بتخصصات مختلفة مما كان له أكبر الأثر أن تجد بغيتك وتنهم من التجارب العملية والعالمية التي قام بها على مدار ما يقارب من 10 سنوات في أكثر من شركة بتخصصات التسويق المختلفة.

الكورس من الآخر دون إطالة مملة ولا تقصير مخل وبترسم خريطة واضحة. وأشهد لك إنك شخص محترم جدا وبتحب تفيد الآخرين بخبرتك الطويلة وحريص على النتائج.

من الحاجات اللي بشوف أ. طاهر حريص عليها في الكورسات اللي بيعملها، إنه عايزك تبقى فاهم وتبقى عندك المعلومة وإن شغلك يبقى ماشي صح.

من الأدوات العظيمة اللي ممكن تسهل حياتك كشخص بيشتغل في التسويق هي الإكسيل، مش بس هتسهل حياتك لكن هتضفي على شغلك نوع من الاحترافية، تعاملك مع البيانات وعرضها على العملاء هيبقى مختلف خالص.

انت مش مطلوب منك تحترف الإكسيل لأنه برنامج ضخم فعلا، ولو إنك حرصت إنك تتعلمه بعمق أكيد هيبقى مفيد في حياتك عموما، لكن أ. طاهر جمع اللي انت محتاجة كمسوق واداهولك في كبسولة ظريفة مركزة.

اول حاجة شدتني في الكورس هو طاهر وقصة نجاحه وخبرته

الكورس شدني في البداية لاني بحكم شغلي وخبرتي عارف قد ايه الأدوات Tools دايما مهمه وهي الاساس لطريقة الشغل الذكي Smart وبتزود الانتاجية اضعاف.

لما دخلت الكورس لقيته منظم جدا ومتقسم ومترتب صح.. فيه كم معلومات واسهاب كافي جدا انه يعرفني كل Tool ايه فايدتها واستخدامها وأمثلة عليها وايه الافضل بالترتيب ... ومع إني اعرف قدر مش قليل من الTools بس عرفت اكتر بكتير لان الخبرة فعلا بتفرق

الحاجة الوحيدة اللي كانت مش أحسن حاجة في الكورس إني كنت من أوائل المشتركين فيه وكان لسه فيه مشاكل في بعض ملفات الكورس وبعض الملاحظات بس كان في اقل من ٢٤ ساعة بيتم الرد على تعليقاتي

شكرا جدا لــ طاهر على الكورس القيم ده

الكتاب كان مفاجأة ليا بصراحة، في الاول كنت بقرأه من باب التصفح بس الاسلوب السهل و المعلومات شدتني اقراه و معرفتش اسيبه من ايدي غير لما خلصته!
الكتاب عرفني سبب مشاكل كتيرة وقعت فيها وعلاجها و ان شاء الله هستغل العلم ده في شغلي الجاي.

رغم إني كاتب وصحفي، وشغلي بعيد عن مجال الأعمال والتسويق، لكن الكتاب ده عظيم، واستفدت منه جدًا، وبشكل غير مباشر فهمت إزاي ممكن أصنع محتوى صحفي يقدر ينافس، ويوصل لأكبر عدد من القراء.. شكرًا على الكتاب الممتع. وعلى توفيره بشكل مجاني!

انا بالفعل قريت الفصل الثامن مدرسة المقارنة عيني عينك فعلا فديتني جدا، لأني شغال في شركة ERP system
و الهمتني و فتحت معايا افكار ازاي اقارن بيني وبين المنافسين
مع وافر الشكر ..

كتاب جميل ومفيد وشامل
وكل صفحة تقرأها تشوقك في التي بعدها. زادك الله علما ونفع بك الأمة وجعل اعمالك في ميزان حسناتك.

في البداية اود ان اشكرك على كتبك الرائعة والمميزة واسلوبك السهل البسيط لإيصال المعلومة.

لقد اشتريت وقرات كتاب (اخيرا قريت)
وهو كتاب أكثر من ممتاز ومحفز جدا وملئ بالخبرات الكبيرة واستمتعت بقراته وقد أثر في شخصيا.

واشتريت الكتاب الاخر (أدواتك التسويقية)
وهو كتاب رائع ايضا ومميز واهم ما يميزه أنك تضع خبرتك فيه فيصبح بذلك كتاب عملي وليس نظريات مجرده فقط.
اتمني لك استمرار النجاح والتقدم و ان لا تحرمنا من ابداعاتك المستمرة.

الكتاب عجبني، سهل وخفيف يخلص في قعدة واحدة، مرتب ومنظم وطريقة عرضه جميلة، وفكرته وزوايا الطرح مميزين. ولو هضيف حاجة، فهي اني اتمنى لو اشوف نسخة منه بالفصحى.

أنا قرأت كتاب (أنت والمنافس والسوق). جميل ما شاء الله
عجبني إنه بيبص للمنافسة من زاوية إننا نقدر نستفيد من بعض بدل ما نفضل نتخانق ونقطع على بعض، وكمان توضيح ده بطرق ونماذج تقدر الشركات تتبعها، مش مجرد كلام مرسل. ربنا يجعله في ميزان حسناتك.

بص أنا كنت لازم اكتب كومنت بشكرك فيه على الكتاب القيم ده بجد اللى مش هيقراه هيفوته كتير

شكرًا يا طاهر على كتاب "أدواتك التسويقية" ، ببساطة هو خارطة طريق سهلة للي تايه وعايز يتعرف على عالم أدوات البيزنس، هيوفر وقت ومجهود وفلوس للي لسة بيبدأ، ورغم تحيزك الواضح، واللي اتفهمه بشدة، لمجموعة محددة من الأدوات اللي أنت لقيت فيها استثمار ممتاز للوقت والجهد والفلوس، إلا إن الكتاب فعلا ثري بمعلومات مرتبة بترتيب مميز هيساعد أي حد ياخد الخطوة الأولى ويبدأ، وحتى اللي له خبرة طويلة لا شك إنه هيطلع بمعلومة جديدة من طريقة العرض المتميزة للمعلومات

طبعا انا بعيد جدا عن مجال التسويق وفى مرحله حاليآ علشان ابتدى افكر افتح مشروع خاص فالمرحله الحاليه بحب اشوف الناس بتتعامل ازاى مع بعض والمزايا والعيوب
اكتر حاجة عجبتنى فى الكتاب:-
١.انو ملخص سريع عن خبره سنين
٢.تقسيمات المدارس
٣.التبسيط
٤.معلومات مهمه
٥.طرق تفكير غير تقليديه فى بعض المدارس

أشياء افضل انها تكون موجوده فى الكتاب.
١. هو عباره عن ملخص وليس كتاب لان المحتوى على الرغم انو بسيط بس يكمن وراءه الكثير والكثير
٢. افضل يكون فى امثله اكتر عن كل مدرسه وان يكون ناس استخدمت المدرسه دى ونجحت وناس استخدمتها وفشلت وافضل يكون فى امثله للفشل اكتر لان دى بنتعلم منها اكتر
٣. التبسيط مفيد جدا للشرح بس فى نفس الوقت بيعطى فكره سهله ان السوق بسيط والدنيا زى الفل لكن الواقع بيبقى اكثر صعوبه
٤. حضرتك كنت افضل تحط بعض الامثله لبعض القرارات الصعبه التى تم اخذها فى بعض الاوقات كانت هتبقى مفيده جدا

ما شاء الله نفع الله بكم دوما يا أ. طاهر 👍👍👍
قرأت الفهرس وعجبني جدا تنظيم حضرتك للأدوات وأسلوب حضرتك ف الكتابة ممتع وبيقرب علم التسويق للناس اللي برة المجال زيي كده ومفيش عندهم وقت يقرأوا كتب او مقالات مكلكعة بس نفسهم يبقوا بروفيشينال شوية بردو

بفضل من الله اتعرفت على ا. طاهر
وفر عليا كثير من المجهود والوقت في كثير من مواضيع التسويق عندما قدم لنا استشارات متخصصة في أتمتة قطاع التسويق لدينا بالإضافة الي قيامه بالربط بشبكة علاقات إستراتيجية للمساعدة في تقديم خدمات متميزة لعملائنا
- ننصح بالتعامل معه بدون اي تردد حيث انه لديه من الخبرات والشغف لقيادة اي أعمال توكل إلية
- ننصح بالاطلاع على كتبه وكورساته الخاصة بالتسويق والمبيعات.
شكراَ من القلب يا ا. طاهر 🌹

قرأت كتاب أنت والمنافس والسوق وعجبني جدا. بما يرضى الله يكفى الانسيابية فى الالقاء والحديث والكتابة. وحقيقي ربنا يبارك لك.

الكتاب رائع وافادني شخصيا جدا. عباره عن ملخص لافكار كتيره جدا, كانت عارف جزء كبير منها لكن هنا ملخصه في شكل علمي جاذب وعرفني حاجات كتير لازم اخد بالي منها في دراسة مشروعي.

محتوي رائع واضافات جديدة شكرا

زمان لما كنا بنحب نشتغل على أداة معينة تساعدنا في شغلنا على الانترنت كنا بنعاني عشان نلاقي الأداة المناسبة وندوّر ونجرب عشان نعرف هي بتشتغل ازاي.
وبعدين نكتشف ان فيه اداة تانية بتعمل نفس الشغل فنبدأ نجربها هي كمان.
ومن أداة لبرنامج لموقع بندخل في دايرة كبيرة من التوهان والحيرة والتشتت ما بين الأدوات المجانية والمدفوعة.

وأحيانا كنا بنوصل لمرحلة اننا ننسي الشغل نفسه ونغرق في بحر الأدوات والبرامج.

دلوقتي ومع انتشار تقنيات ال SaaS ووجود مئات وآلاف من المواقع والأدوات اللي بتعمل نفس الوظيفة بقت الحيرة والتشتت أكبر.

لما تلاقي حد بيريحك من الحيرة والتشتت ده ويعرفك مجالات الأدوات في الأونلاين بيزنس وفي كل نوع ايه المناسب ليك، ويقارن لك بين الأدوات دي ويقولك أحسن أداة فيهم. أكيد ده هيساعدك ويختصر عليك وقت ومجهود كبير جدا.

وده اللي عمله طاهر في كتابه المحترم جدا، وقسمه بطريقة منهجية وبيشرح فيه أهم الأدوات اللي لازم تكون موجودة عند أي شخص شغال في التسويق الرقمي.

عن نفسي حملت الكتاب واستفدت منه جداً وبرشحه لأي حد من أصدقائي اللي شغالين في التسويق هيفرق معاك جداً جداً.

أسلوب الكتابة عن طريق الحواديت مسلي وأكثر تشويق من هري الدراسات والأرقام والإحصائيات، وخاصة بعد يوم مليان أصلا بيها ...ألف شكر على الكتاب.

من افضل الكتب اللي قرأتها، سهولة الشرح وطرق الاستفادة من المدرسة، من فترة عدى عليا case معينة كنت معترضة عليها جدا وكنت شايفة أنه عادي ابدأ المصنع بتاعي من وانا لسة ببدأ بس لما قرأت الكتاب اقتنعت جدا أنه نقدر نبدأ بتعاون مع المنافس عادي جدا ❤️🖤

غير إفادات كتير جدا والكتاب حقيقي ممتع جدا

انا قريته من فتره بس نزلته تانى ولسه هقراه تانى واتمنى يكون فى اضافات عن النسخه الاولى...
بصراحة انا دارس MBA وعجبنى اسلوبك جدا والكتاب بالنسبه ليا مبسط ويعتبر قرائته بالنسبه ليا كنوع من المراجعة كل فتره وتذكير بمعلومات اساسيه فى البيزنس.

واتمنى متوقفش عند الكتاب دا و تعمل كتب جديده بنفس الاسلوب و يكون فى مواضيع مختلفة

بالتوفيق يارب

في البداية أحب اهنئك على الكتاب اللي من وجهه نظري الشخصية فعلا من النوادر اللي هطبعه واحتفظ بيه ف مكتبتي ان شاء الله ...
قرات الكتاب وحبيت اقولك نقاط الايجاب الأول:
1- الاسلوب السهل الممتنع
2- حسيت انها دردشة شخصية اكتر من انها كتاب رسمي، معرفش دي حاجه سلبيه ولا ايجابيه لكن بالنسبة لي ايجابية.
3- كلامك معظمه بدلائل سواء شخصية او لينكات مرجعيه ودي حاجه عجبتني جدا ... صحيح هيا طولت مدة قراءة الكتاب لكن انا ف المجمل كنت مبسوط بالموضوع دا.
----
بالنسبة للسلبيات:
1- الكتاب اعلي من مستوي المبتدئ وإن كنت أفضل انه يكون اول كتاب ليك يبقا للمبتدئين.
2- الكتاب صغير الحجم، معرفش بردو دي سلبيه ولا ايجابية... بس انا بحب الكتب الاكبر حجما.
---
في النهاية دا رأي شخصي،
وانا اتبسط جدا من الكتاب وبالتوفيق ان شاء الله

الحقيقة انا مستمرة في قرائه الكتاب، اعجبتني بداية مدرسه جوجل للنجاح معا، اهم مبدأ في ادارة الاعمال، شكرا لمجهودك ويٌقدر جدا، الكتاب ساعدني في تطوير افكاري ومخططات مشروعي

اسمحلي اقولك إنك راجل محترم وصادق في التعامل جداااا.. ده غير قيمه الكتاب اللي يحتوي على معلومات قيمه جداااا.. بجد ربنا يكرمك ويوفقك

الكتاب جميل بس لسه مخلصتوش ... بس من أول حالة استفدت بصراحة ... ربنا ينفعك به.

علي فكره أنا خلصت قراءة كتابك "انت والمنافس والسوق" من حوالي اسبوع وبصراحه الكتاب ده وراه خبرة ومجهود سنين في مجال التسويق.
ومناسب جدا لكل الناس اللي بتفكر تبدأ بزنس في اي مجال سواء اونلاين أو مش اون لاين.

وعلي فكره بالرغم ان الكتاب صغير بس تقيل ومحتاج تركيز، وعلشان التطبيق محتاج خبره وتجربه كتير ومحاولات علشان نلاقي نتيجة. بالتوفيق والنجاح دايما

انا حملت الكتاب 📖واطلعت عليه بشكل عابر مع التدقيق على بعض المواضيع، الكتاب رائع✌️👍 حسب ما شفته وبصراحة أكبر أنا شايف انه الكورس الهدية 🎁أجمل وأفضل من الكتاب نفسه👌
وبنصحكم تقرأوا الفهرس المتاح على الموقع، لتعرفوا القيمة من الكتاب. 😊
وأجمل ما في الكتاب إنه مختصر بحكي ما قل ودل بدون رغي كثير💥 يعني مش طويل للناس إللي مش متعودة على القراءة
يعني بكل صراحة القيمة💢💯 اللي بتحصلها من الكتاب والكورس أكبر بكثير من المبلغ الرمزي المدفوع

عايز احييك على أفكارك وطريقة عرضها الدسمة السهلة ... أنا مدير مبيعات، ثم مدير تسويق، ثم مدير عام ... والحقيقة استمتعت بأفكارك وطريقة تنظيمها واسلوبك المصري السهل والمبدع كمل مشوارك ... أنت رائع.

بصراحة الكتاب عجبني لانه فيه الزبدة ومافيه كلام زيادة وحشو، واستفدت منه كثير.

كتاب رائع... تمنياتى لك بالنجاح ووافر الصحه

لحد دلوقتي قريت اول ١٠ صفحات ب اهتمام منهم المقدمه متشوقة الباقي لاني حسيت اني مش هتعب في فهم الكتاب وحاجات مهمه هتوضح من خلاله ف جزاك الله خيرا 🌸

أنا قرأت جزء من الكتاب ولسه بكمله بس حقيقي اللي قريته لحد دلوقتي بيقول إن الكتاب فعلا ممتاز ويستحق الإشادة جزاك الله كل الخير وبالتوفيق بأمر الله

كتاب جميل جدا وبسيط مش معقد ممتع جدا فعلا جزاك الله عنا كل خير ♥️

أنا معظم الحاجات اللي في الكتاب عارفها بنسبة 90% بس لقيتها في قالب مميز وطريقة عرض حلوه عشان افهمها بأسلوب بسيط.
الكتاب فعلا جميل وممتاز جدا، ومش لاقي أي تعليق عليه إلا حاجة واحدة، إن الكلام محتاج يبقى أكتر شوية بأمثلة أكتر وتفاصيل أكتر عشان عايز اتعلم أكتر😊. يعني المعلومات اللي فيها مفيده وتحفة ما شاء الله.

ممتاز Excellent

جزاك الله خيرًا، كتاب مميز ومبسط وشرح وافى بامثلة عملية

كتاب جميل وجهد محمود، يحتاج بعض التدقيق اللغوي ليكتمل بجودة ممتازة.

قرأته بالكامل أول ما نزلته سريعا، وهيبقى ليا قعدات مختلفة لقرأته مره تانية بتأني. حقيقي استفدت جدا من الكتاب، شكرا ليك يا طاهر وبالتوفيق ديما.

كتاب جميل وبسيط جدا في شرحه ... ربنا يوفقك

الكتاب ده سلسل جدا ومعلوماته قيمة وطريقة مبسطة... فادني كتير.

كتاب ممتاز منسق وافكاره واضحه ومتعددة بحيث انى اقدر ابنى عليها اى اتجاه في البيزنس

كتاب فعلا جميل، وانا استفدت منه كثيرا ... ربنا يجازيك كل خير ويجعله في ميزان حسناتك، شكرا جزيلا.

أنا كل شوية اتصفح الكتاب بتاعك وعجبني جدا أسلوبك في العرض والترتيب.
حقيقي الكتاب ممتاز تستاهل عليه كل خير على مجهودك. عندي تحفظ على اللغة العامية، ولكن الأن فيه كتب مهمة ومشهورة مكتوبة بالعامية وناجحة ومن أكثر الكتب مبيعا.
وفعلا مجهودك ده اثراء للمحتوى العربي.

كتاب مفيد جدا وتناول بعض الأفكار بطريقه مختلفه وسهله.
وليا قاعده تاني مع الكتاب بصفاء ذهن أكثر؟