لو لسه بتشتكي من الهري ف التسويق … من المصادر الرائعه لتعلم كتير جوانب التسويق مجانا من شركة HubSpot
الشركة دي أنا متابع محتواها من 2010 … من وقت لتاني لازم تدخل تاخد لفه ف الجديد هناك
بيقدموا مواد تعليمية ف التسويق بشكل بسيط من خلال :
1 HubSpot Academy
دي كورسات متنوعه … مجانا
ومنها كورسات بشهادات .. تقدر تتصفح الدورات المتاحه من هنا
https://academy.hubspot.com/courses
2 HubSpot Blog
دي من افضل و انشط المدونات ف عالم التسويق
هتلاقي عليها نصائح وتقارير لطيفة
https://blog.hubspot.com/
3 HubSpot Resources
دي بقى عليها كتيبات و ادوات تستخدمها ف التسويق
كلها مجاني …محتاج بس تسجل بإيميلك وتحصل عليها مجانا من هنا
https://www.hubspot.com/resources/
طبعا في كل الثلاث انواع اللي فوق دول التركيز على التسويق الرقمي Digital Marketing – Inbound marketing
وبتقدم محتوى عالي الجوده فعلا …. مميز فعلا … خلتهم كشركة قدوه فعلا ف التسويق بالمحتوى…
4 HubSpot Think Growth
ودي مدونة مستقله لطيفه ف التسويق ونمو البيزنس و الشركات الناشئة (الأستارت اب)
عليها مقالات رائعه … ومنهم لـ كُتاب مشهورين زي Steve Blank
اه مفيش مقالات مكتوبة حديثا .. بس المقالات اللي عليها لسه تحفه و مناسبه جدا .. تقدر تشوفها من هنا
https://thinkgrowth.org/
حاجة اخيره مع HubSpot
فيه موقف لطيف حصل معايا مع الشركة دي …
من كام سنه… قعدت كذا شهر مبفتحش ايميلاتهم اصلا…. لقتهم بعتوا ايميل بيقولو فيها بالمعنى ….
“لاحظنا انك مش بتفتح ايميلاتنا …. لو لسه مهتم انك تستقبل ايميلات اضغط هنا … ولو لم تأكد اهتمامك هنشيل ايميك من القائمة البريدية”
هحاول اجيب ليكم سكرين شوت من الايميل ده
الصراحة اتعلمت كتيير من الإيميل ده
- أهتم بالإحصائيات بتاعة الايميلات بتاعتك لعملائك
- لو العميل مش بيفتح الأيميلات …. استأذنه انك تشيله عشان مش عدد و خلاص … انت محتواك غالي و مفيد …ليه تشغل قاعدة بياناتك بناس مبقتش مهتمه بالمنتج بتاعك؟!
- الخلاصه اهتم بالنوعية و جودة المشتركين مش بعددهم
