تعالى نشوف صورتين فيهم تغيير سلوك المستهلك المصري خلال ازمة كورونا
أمبارح كنت ف السوبر ماركت لقيت المشهدين دول
الصورة الاولى
البيكنج بودر (مسحوق الخبيز) و الفانيليا بقوا معروض بالكراتين كده و واخدين الرفوف كلها
ده معناهها حاجتين من وجهة نظري:
- الناس بدأو يخبزو العيش في البيت اكتر او يعملو كيك اكتر و حلويات
- الناس بدل ما يشتروا بالكيس …بقوا بيشترو بالكرتونه عشان ميغسلوش كيس كيس …. هيشيلو تغليف الكرتونه ويستخدموا الأكياس بدون عسيل ولا تعقيم
الصورة التانية
اكياس الدقيق …قلت جدا (ممكن تكون اثناء اسبوع العيد فقط)
وهتلاحظ الاستهلاك اكتر ع االدقيق اللي ف أكياس بلاستك اكتر من المتغلفه بورق
وده برضو لان فيه ناس بتعقم الحاجه اللي بتشتريها و بتغسلها قبل الأسعمال
فالدقيق اللي متغلف ف الورق بالسلامه كده الفتره دي
صورة تالته اضافيه
لاحظت ان شركه ايزيس عامله مشروب اسمه شاي المناعه !
اهو محاوله لكسب سوق جديد ف زمن الكورونا
انت ايه رايك؟ يا ترى لاحظت كده؟
وايه الحاجات اللي لاحظتها ف تغير عادات الناس ف الشراء في السوبر ماركت في زمن الكورونا (كوفيد19)
شاركني بتعليقاتك
تحديث في يوم 13 يونيو … بعد اسبوعين تقريبا
تعقيبا ع بوست هنا من اسبوعين فاتوا
اختفاء الدقيق اللي متغلف في ورق من العرض (ممكن المحلات لم ترغب في عرضه) … وبقى الانواع الموجودة كلها بلاستيك لان ده اللي عليه طلب دلوقتي
كمثال بسيط ف تغيير سلوك المستهلك ف عصر الكورونا
السؤال …ياترى ممكن تغليف منتجات يكون هو اللي مضيع مبيعاتك الفترة دي رغم ان صنف منتجك من الأنواع البياعه دلوقتي؟
الحاجه التانيه
جه اليوم اللي نشوف فيها شركه كوكس عامله حامل دعائي Commercial Stand لمنتجات الفانيلياو البيكنج بودر (مسحوق الخبيز)
دي حاجه مشفتهاش قبل كده خصوصا في السوبرماركت المتوسطة زي العثيم
وده لان الطلب عالي على منتجاتهم برضو الفتره دي
وده بيأكد استنتاجاتنا مع بعض ف البوست اللي فات
ربنا يفك الأزمة دي على خير
