كل ما تحتاج تعرفه عن The Lean Startup

الكتاب ده عمل شقلبه حقيقية في فكر الشركات الناشئة (الاستارت اب) من ساعة ما تم نشره ف 2011

الحقيقة انه كتاب مهم جدا انك تعدي عليه … تقرأه بقى .. تسمعه … تقرأ ملخصه…
المهم انك تعرف الفلسفه دي …. باختصار فكره الكتاب هتوفر عليك سنين من عمرك!

المؤلف  إيريك ريس Eric Ries حاول يوصل ده ف شكل قصص و حواديت من خبرته …. و الحقيقة انه ابدع جدا ف ده فعلا ف اغلب فصول الكتاب…

◀◀  المهم انا جمعت ليك وليا اهم الفيديوهات اللي بتلخص الكتاب
كل فيديو بيديك بعد مختلف ويكمل لك الصوره …. حتى لو قريت الكتاب الفيديوهات دي هتفكرك بيه بشكل رائع جدا….

1- تلخيص الكتاب من اخضر

كعاده المبدع محمد أسامه لخص جوهر الكتاب ف حدوته شيقة جدا ع بيئتنا المصريه … وأمثله رائعه…
الشركة الناشئة المرنة – مراجعة كرتونية ل كتاب إيريك ريس

وده نفس الملخص بشكل مكتوب بالفصحى
شكرا يا أخضر

2- تلخيص الزيتونه

وهنا بقى مايكل راشد لخص بقى النقاط الرئيسية ف الكتاب نفسه ف اقل من 10 دقايق هنا
El Zatoona  – أربع خطوات لتأسيس مشروع ناجح – تلخيص كتاب The Lean StartUp

شكرا يا  El Zatoona – الزتونة

3 – دورة 123 لين ستارتب

دي بقى دوره مجانية في فيديوهات لطيفة جدا + مقالات بشكل بسيط عن فكرة الكتاب و ازاي تنفذه ع ارض الواقع…

ولو عايز تشوف الفيديوهات بس من هذه القائمة على اليوتيوب

شكرا يا ألِف ستارت أب AlefStartup + Amjad Jenbaz

4 –  مناقشة الكتاب من بودكاست “حياة أكتر”

البود كاست ده انا بحبه جدا … وبيتهيألي ان ماركو و أحمد سمعتهم لخصوا الكتاب و افكاره ف احد الحلقات … بس مش عارف اوصلها دلوقتي …او انا اللي متلغبط؟!
المهم لقيت الحلقة دي
كيف تؤسس مشروعاً ناجحاً؟ – حوار مع م/ حاتم الشمّاع (منسق لدائرة “The Lean Startup” في مصر)
بيتكلم فيها برضو عن الكتاب و فكرته … من هنا
تقدر تسمعها وانت رايح الشغل …. ع اي برنامج بودكاست عندك او  SoundCloud

شكرا يا Increase + Hatem EL-SHAMMAA

5 – لو عايز تشوف فيديوهات اكتر

دي قائمه فيديوهات ع اليوتيوب  Playlist (سيتم تحديثها من وقت لتاني)
جمعتها ليك و لنفسي … عشان نبقى نشوفها مع بعض
عباره عن 50+ فيديو … منهم اول فيديوهات عربي
شاملين فيديوهات اخضر + الزيتونه + دورة دورة ” 123 لين ستارتب”
والباقي انجليزي … منهم فيديوهات ل Eric Ries نفسه
و Steve Blank وهو من رواد الفكره دي وتم الاشارة ف الكتاب لكتبه ومقالاته
+ فيديوهات مراجعه وتلخيص للكتاب

بالمناسبه كل الفيديوهات دي … لا تغني عن قراية الكتاب … او قراءة ملخص طويل شوية عنه
و بكده الصوره هتكمل عندك

6- ده عرض تقديمي Presentation

من المؤلف نفسه في مؤتمر ف 2010 قبل ما ينشر الكتاب
خد لك لفه فيه …. هيعجبك

.

7- لو عايز تقرأ اكتر عن الفكره دي …

الموقع الرسمي
http://theleanstartup.com
http://www.leanstartupcircle.com
البلوج الرسمي
www.startuplessonslearned.com

موقع د. ستيف بلانك Steve Blank
http://steveblank.com/

وده الجروب للي مهتم بالحركه دي ف مصر
https://www.facebook.com/groups/LeanStartupCircleEgypt/

8 – بالمناسبة الكتاب موجود مترجم عربي من جرير تحت اسم “إستراتيجية لين لتأسيس المشروعات”

الصراحه شخصيا مش حابب شوية كلمة “المشروعات” اللي ف العنوان هنا .. و كده بتدي ايحاء أنها ليه علاقة ب
Project management
كان نفسي يبقى اسمها الشركات الناشئة/الجديده .. بس ممكن تكون عملوها المشروعات عشان مناسبه اكتر للبيئة بتاعتنا؟! يعني الشباب عندنا بيقول عايز اعمل مشروع مش عايز اعمل شركه ناشئة؟
ولو انت بتحب القراءه الالكترونية … تقدر تشترية ع موقع “قارئ جرير” او ورقيا من اي موزع ليهم

حاجة اخيرة … (نقد الكتاب)

على الرغم إن الكتاب عمل شقلبة بجد وشهره كبيرة ف عالم ريادة الاعمال عالميا و محليا
إلا ان فيه ناس معجبة جدا بيه …. وناس تانية (قليلة) ع العكس تماما !
فيه ناس شايفه انه كتاب رائع و ملهم … وناس تانيه شايفه قرايته ممله شويه!
ناس شايف كل كلمة ف الكتاب محتاج تتدرسها بعمق … وناس تانيه شايفه انه فيه رغي كتيير … لدرجة ناس كتيير ف المرجعات قالو انه كان ممكن يبقى اقل من 100 صفحة مش محتاج 360 صفحة!

بالنسبه لبعض الناس اللي بتحبط بعد قرايه الكتاب (بص ع مراجعات الكتاب ع أمازون مثلا) اغلبهم عشان كان متوقع ان الكتاب هيديله خطه عمل معينة Action plan
مع ان المؤلف كان واضح ف المقدمه و الخاتمه انه مش كتاب خطة عمل هو كتاب فكري عشان تظبط دماغك للتفكير بطريقة مختلفه ف البيزنس … طريقة عملية جدا … بأقل تكلفه و اعلى تجارب تتعلم منها … ونجح فعلا ف ده.

اتمنى يكون البوست مفيد بالنسبه لك … وسهل عليك الطريق
شاركه مع أصدقائك


مقال أخر له علاقة بالموضوع: واحد صاحبي قعد سنه ونص بيطور في المنتج وخايف على سرقة الفكره وبعدين حصلت مفاجأه

Published on: April 10, 2019 - By: Taher Abdel-Hameed

Related Posts

نصائح من 40 رائد اعمال مشهورين في كبسولات سريعة The Startup Playbook

نصائح من 40 رائد اعمال مشهورين في كبسولات سريعة The Startup Playbook

المساعد الشخصي في التسويق – أهلا بـــ Automation Tools

المساعد الشخصي في التسويق – أهلا بـــ Automation Tools

سبعة مواقع لتحميل كتب جديدة في البيزنس و التسويق مجانا وبشكل شرعي

سبعة مواقع لتحميل كتب جديدة في البيزنس و التسويق مجانا وبشكل شرعي

إنفوجراف: 18 كتاب روعة في البيزنس و التسويق

إنفوجراف: 18 كتاب روعة في البيزنس و التسويق
>