من كام سنه كان فيه منحة تعليمية جميلة اسمها
Pathways Egypt
المنحة كانت موجوده ف جامعات كتير في مصر …
انا شخصيا دخلتها ف 2008
وكان ليها مواقف جميلة معايا هحكيها بعدين
المهم
منهج المنحة دي و المواد التدريبية و الكتب
كل متاح بشكل “شرعي و قانوني” ع موقع المنحه نفسه
كتب بسيطه و قصيرة عن مواضيع شيقه زي:
- المشروعات الصغيرة: الفرص والتحديات.
- بناء العقلية البحثية: لماذا، وماذا، وكيف نبنى؟
- أساسيات الاقتصاد الإداري.
- أساسيات الاقتصاد الإداري.
- التحليل الإحصائى للبيانات.
- تكوين الفرق والعمل الجماعي
- وكمان الموضوع الشيق ده اللي مشفتهوش ف حته تانية ف مصر (ع حد علمي طبعا)
المحاجة: طرق قياسها وأساليب تنميتها (مناقشية الحجج) Argumentation - وغيرها كتيير
الكتب موجوده باللغتين العربي و الانجليزي
ادخل شوف الكتب دي و سلي وقتك
تقدر تحمل الكتب باللغة العربية من هنا
و تحميل الكتب بالانجليزيه من هنا
مكتبة المنحة:
وهتلاقي هنا مكتبة المنحة (اسفل الصفحه) البوربوينت (الماده التدريبية) اللي كا بيتم عرضها ف المنحة
ودي صفحة على ويكيبديا عليها بعض من كتب المنحه
وده موقع المنحة لتفاصيل اكتر
انا مش عارف اذا كانت المنحة اصلا شغاله لسه ولا لاء … بس الكتب اللي فوق دي لسه متاحة للتحميل..
ولو انت من الناس اللي خدت المنحة دي قبل كده …. شارك بتعليقك ايه اكتر حاجة استفدت منها؟
انا هشارك تجربتي معاك هنا:
أكتر حاجة استفدت منها ف المنحة دي ف 2008:
- يعني ايه تشتغل ف فريق عمل Team work
- ويعني ايه روح الفريق …. بجد الفرق هناك كان روحها مختلفه
- حاجه تانية … المجموعه كانت كلها ناس متميزه ف مجالات وتخصصات مختلفه ….وده كان بيخلي المناقشات غنية جدا
