درس في التسويق من علبة زبادي

اتعزمت ف البلد ع فطار ???و سحور ?
كله ده كان كويس وزي الفل ….لحد ما شوفت الزبادي ع السحور! ?….. صغيرة جدا  ? …مش دي اللي تمرأ معايا يا جدعان! ?
تعالى بقى نتعلم بيزنس و تسويق من علبة #الزبادي الصغيرة دي??
…اه بجد

ازاي تظبط المنتج ليناسب قطاع تاني من العملاء ليك و تسعره صح?

حجم الزبادي العادي ف القاهره 105 جرام ب 3 جنية (الصورة اللي ع اليمين)
حجم الزبادي ف الريف 75 جرام ب 2 ج (الصورة اللي ع الشمال)
ليه؟?
لو نزل الزبادي ب 3 ج ف البلد … الناس هتقول غاليه اوي? ومش هتشتريها …. و هيفكرو في بدائل تانيه…..
الشركات تعمل ايه
*قلل الكمية و قلل السعر … و حط السعر مقبول لعميلك …!*

تعالي بقى نحط الكلام ده ف اطار منظم Framework

في حاجه ف التسويق اسمها
4Ps or marketing mix
المزيج التسويقي … و ده بيتكون بشكل اساسي من اربع كلمات بيتدوا ب P
(في ناس بتقول انهم 7 وفي ناس انهم اكتر ..بس سيبك انت…. الاربع دول فيهم الخلاصه)

Product المنتج ?

علبة زبادي صغيرة حجم 75 جرام
تصميم بلاستك العلبه اوفر شويه من العلبة العادية اللي ف القاهره

Price السعر?

سعر مقبول لعميل ب 2 ج
السعر بقى هو اللي فيه كلام كتيير
ازاي تحط سعر مقبول و متخسرش الزبون اللي بيدفع اكتر لو عرف!
ف القاهره… جرام الزبادي واقف بكام ؟
ب 2.9 قروش (اقسم السعر على حجم العلبة)
وف الاقاليم (الزبادي الصغيرة)
ب 2.7 قروش
يعني ارخص 0.2 قرش … ودول الشركة عوضتهم من استخدام بلاستك خفيف شوية وحجمة اقل طبعا
يعني الخلاصه ف السعر … الشركة مقللتش السعر … هي قللت الكمية و ظبطت التكاليف!
طب وتكاليف النقل من القاهره للاقاليم عملت فيه ايه (قولي انت بقى ف التعليقات)

Place المكان / التوزيع?

تتوزع ف الريف فقط …. مش ممكن تشوف العلبة الصغيرة ف محلات القاهره و المدن الكبيرة

الترويج Promotion     ?️

الترويج من خلال بيع المنتج وتوزيعه على تجار الجمله ف الاقاليم و هما يوصولو لكل بقال في كل قريه
لاحظ ان ف القاهره مثلا بتشوف عربية جهينة بتوزع للبقال اللي جنب البيت …. اما ف البلد ف عربيات تريسكل  تبع بياع الجمله هي اللي بتوزع…..
وب كده يكونوا عوضو شوية من تمن النقل ….
+ شويه بوسترات بتتوزع مع الزبادي للبقاله ف الريف

بس يا سيدي و دي كانت حكاية ?الزبادي الصغيرة ع السحور ف البلد!?

انت ايه رأيك؟ تعمل ايه في منتج عندك سعره غالي ع زبونك! او عايز تبيعه في سوق جديد!?