صاحب شركة صغيرة/ ستارت اب؟ هل الأفضل تسمي نفسك رئيس مجلس إدارة ام لا؟

في 2009 لاحظت حاجه غريبة أثارت فضولي ساعتها
اني اغلب اصحاب الشركات الصغيرة اللي اعرفها .. كانو بيدوا نفسهم مسمى وظيفي صغير شويه ف المبيعات و التسويق
و مفيش حد منهم كان مسمي نفسه CEO ولا حتى مؤسس.

و لما سألتهم ساعتها ليه بيعملو كده؟

قالولي عشان اثناء البيع و التفاوض مع العميل … يحسس العميل ان فيه حد كبير هيرجع له جوه الشركه … وإن كل القرارات مش بإيده .. فده بيديه مساحه اكبر في عدم النزول بالإسعار مثلا … وبيدي العميل احساس انها شركه مش فرد…

 من كام سنه … انتشرت هوجه CEO

وبقى اي حد يسمي نفسه رئيس مجلس الإداره … حتى لو شركه من فرد واحد !
الغريبة و اللي بيصدمني
انك تلاقي حد لسه متخرج من الجامعه السنه اللي فاتت … وكاتب انه خبير دولي في مجاله … إلخ
وتلاقي حد خبير فعلا بخبره اكتر من 20 سنه في مجاله… والناس تتمنى تقعد معاه شويه تتعلم منه …. ومش شايف نفسه انه خبير أصلا!

اه الزمن ده مش زمن الخبره بكمية الوقت … قد ما نوعية و جوده خبرتك
بس عامل الزمن لسه مهم لنضوج فكرك و خبرتك

وأنا بكتب الخاطره دي النهارده … دورت شويه ع مقالات بتتكلم عن نفس الموضوع … لقيت مقال رائع
بيتكلم فيه ان 5 حالات لا يجب انك تسمي نفسك  CEO
الجميل انه قايل الكام حاله اللي في بداية الخاطره دي
اللينكات في الملحقات اسفل المقال

 فبلاش تنفخ نفسك بألقاب واسعه عليك … هتضرك أكتر ما هتفيدك!
وممكن تكون عائق نفسي رهيب انك تتعلم اكتر او تسمع فعلا نصيحه ممكن تغير حياتك و البيزنس للأحسن!.

ملحقات: مقالات اخرى عن نفس الموضوع

Published on: June 29, 2020 - By: Taher Abdel-Hameed

Related Posts

كيف تبدأ بيزنس أونلاين ناجح – دليل مجاني يساعدك إنك تبدأ

كيف تبدأ بيزنس أونلاين ناجح – دليل مجاني يساعدك إنك تبدأ

المنتج ده سيئ وتحت توقعاتي! رحلة سريعة لفهم تعليقات العملاء

المنتج ده سيئ وتحت توقعاتي! رحلة سريعة لفهم تعليقات العملاء

ليه ماكدونالدز لسه بيعمل إعلانات في الشوارع

ليه ماكدونالدز لسه بيعمل إعلانات في الشوارع

أقولك سر؟ أنا اطردت من شغلي في التسويق

أقولك سر؟ أنا اطردت من شغلي في التسويق
>