ده خبر للأسف ملوش أي لزمه ليك! صح؟ بس درس قد ايه تطور سلوك المستهلك (العميل) يقدر يشقلب البيزنس بتاعك تماما!
ايه الحكاية؟
ياهوو جروب على مدار 10 سنين على الأقل (قبل 2010) كانت المصدر الرئيسي للتجمعات اونلاين… ملايين الإيميلات اتبعتت عليها … ملايين المستخدمين …
دلوقتي ايه الي حصل … النهارده بيعلنوا قفلها تماما في شهر ديسمبر 2020
عارف السؤال اللي في بالك
هي كانت أصلا لسه موجوده! 🙂
عشان كده أي منصه معرضه للإستبدال … ويبقى الإحيتاج الرئيسي عند الناس هو التواصل مع بعض! المنصه اللي هتنجح هي اللي بتستمر تلبي الإحتياج ده بشكل يتناسب مع تطورات سلوك ملك اللعبة: العميل!
Every platform has a threat to be replaced someday (even if it has huge users base). The need still there (communicating people together) but the wining platform is for who keeps developing and adapting according to changes in behaviors of the real king: The Customer/Users
.
كان مين يصدق ده في 2009؟ ان ياهو جروب تقفل؟
زي ما بالظبط دلوقتي مش قادر تتخيل حتى إن الفيسبوك و جوجل و تويتر و واتساب يقفلوا! اه نموذج العمل مختلف كتير عن جروبات الياهو …. بس الإحتماليه لسه موجوده لو نشفوا دماغهم قدام المستخدم … وظهر بديل أحسن!
الخبر برضو فيه لفته جميله جدا
وهي انك احيانا بتضطر انك تقتل منتج/خدمه عندك رغم انك بتحبها جدا … و ليها تاريخ معاك و مع الناس …. بس خلاص محتاج تقتل الكلب ده… دي مش شتيمه و الله … ده بناء على المصفوفه التحليل المشهوره في البيزنس اللي ليها مسميات مختلفه زي
Product Portfolio Matrix, Growth–share matrix or BCG matrix
Product Portfolio Matrix, Growth–share matrix or BCG matrix
و اللي فيها جزء خاص أسمه Dog الكلب … وهو منتج نمو السوق فيه قليل جدا و حصة السوق بتاعتك بقت قليه جدا. في الحاله دي انت محتاج تقتل المنتج ده بدون اي شفقة او ندم على الماضي. وبعدها تقفل الصفحه و تتعلم الدروس و تركز في اللي جاي.
- Dogs: These are products with low growth or market share.
- Question marks or Problem Child: Products in high growth markets with low market share.
- Stars: Products in high growth markets with high market share.
- Cash cows: Products in low growth markets with high market share
تقدر تقرأ أيضا مقال: ايه اللي حصل لعملاق الإنترنت ياهوو و قصته من زوايا مختلفه
