النهارده هشكف ليك سر غريب من أسرار الشركات اللي بنحبها وبتعجبنا منتجاتها
الأسبوع اللي فات كنت بفكر في حكاية كذا شركة ناجحة وبحبهم في مصر
وايه المشترك ما بينهم في بدايتهم عشان اتعلم بعض الدروس
وإذا بالمفاجأه …
لقيتهم كلهم بدأو بالإستيراد من الخارج وليس إنشاء مصنع محلي
وبعد سنين توسعوا … وبدأو بالتجميع والتصنيع المحلي
وشغالوا ألالاف الناس وبقى ليهم أثر حقيقي في المجتمع
وفي نفس الوقت هم وعائلتهم وأحفادهم استفادوا من الرحلة دي
وبعد سنين توسعوا وبدأو يصدروا منتجاتهم
وبعد سنين توسعوا وبدأو يشتروا شركات ويستثمروا بالخارج
استنى … فكرني تاني الرحلة دي بدأت ازاي؟
المؤسس شاف منتج هو مهتم به أو عجبه …. جرب يستورده ويبيعه في السوق المحلي
نجح الموضوع … توسع وطلب يكون مستورد وموزع حصري للمنتج (علامة تجارية Brand) في البلد
نجح تاني الموضوع … توسع وبدأ يجمع ويصنع في مصر
طبعا الرحلة مش سهله لكنها مستاهله 😊
تخيل انك تكون سبب في :
- فتح بيوت وتوظيف ألالاف الناس!
- دعم الصناعة المحلية والتصدير!
- تفهم أدغال المجال وتنقل المعرفة دي لجيل كامل!
- وتعمل كل ده مع ربح كويس يبفرحك ويفرح عيلتك!
- تأثيرك يمتد لأحفادك مش بس أولادك!
من الأمثلة اللي كنت بفكر فيها
- شركة العربي El Araby Group ودي طبعا غنية عن التعريف بتأثيرها عشان مشوار الحاج محمود العربي الله يرحمه
- شركة إيديتا Edita …. ومشهوره أكتر بأسماء منتجاتها مثل مولتو وبيك رولز … وغيرها
طبعا الشركتين اللي فوق دول كبار جدا دلوقتي …. ولسه الأسبوع اللي فات إيديتا استثمرت بشراء مصنع في العراق ده غير استثمارتها في شمال أفريفيا
بس على حد علمي الأتنين بدأو كده…. استيراد منتج بسيط في البداية!
سرحت وفكرت وأنا بفطر ساعتها
وبما أني من عشاق زبدة الفول السوداني … لقيت نفس الفكرة
من حوالي 6 سنين لما كنت بشتري زبدة فول سوداني … كان كل المعروض في السوق هي منتجات مستورده 100% عن طريق شركات توزيع مصرية
النهارده بفضل الله لما تروح اي هايبر ماركت هتلاقي أغلبية المنتج ده مصنوع في مصر وليس أستيراد!
شركات متنوعة مثل 4A Nutrition – Abu Ouf – Shana وغيرهم الكثير
إزاي أدعم التصنيع المحلي
الخاطرة اللي جت في بالي ساعتها
لو عايز اشجع الصناعة المحلية … أعلم رواد الأعمال الأول ازاي يتسوردوا صح!
الفكرة تبدو من الوهله الأولى عكس المنطق!
لأن تعاملنا (كبيزنس وأفراد وحكومات) أن الإستيراد عبء على الميزان التجاري والعملة الصعبة
بس هنا انت باصص تحت رجليك دلوقتي …
لكن لو علمت رجال الأعمال انه يستوردوا ويتعلموا المنتج والمجال
عشان قدام … كده كده التطور الطبيعي هيوصل للتصنيع المحلي
خصوصا لو رجل الأعمال بيحب بيفيد أولاد بلده (ودي حاجة مش في ايدينا)
أو من ناحية تانية (وهي الأهم) مع الوقت الدولة هتعمل قيود على استيراد السلع الكاملة وتسهيلات على السلع نصف التصنيع أو مكونات الانتاج
وده اللي حصل في مجال مثل الموبيلات في مصر … حاليا بقى عندنا أكتر من 7 مصانع في مصر بتصنع وبتجمع موبيل! متخيل الرقم!
إزاي أساعدك في الرحلة دي؟
فكرت ودورت مين يقدر يساعد الشباب ورواد الأعمال اللي لسه في بداية الطريق انهم يفهموا الإستيراد بشكل عملي والأهم على نطاق ميزانيات صغيرة عشان لسه في البداية؟
وإذا بالمفاجأة وانا داخل على موقع صديقي محمد شهاوي، لقيت عنده كورس في الموضوع ده
الغريبة أني مشفتهوش قبل كده!
المهم كلمته وطلبت منه يعمل خصم محترم للناس المشتركة عندي
قعدت أفاوض معاه وأشد عليه عشان اطلع بخصم أكبر
لحد ما وصلت ل خصم إضافي 30% على الكورس الرائع ده
واللي هتستفاد من خبرة عملية ل 2 محترفين في مجال الإستيراد والتجارة الإلكترونية وهم محمد شهاوي و سامر محمد
وأستخدم كوبون الخصم ده عشان توفر أكتر
Taher30
أستنى صحيح …. الكورس هيعلمك ازاي تستورد وإستيراد من الصين وتبيع في سوق زي الخليج أو مصر
وهيبدأوا معاك خطوة خطوة
بس أنا عايز عينك وانت في الرحلة
تبقى شبة الشركات ذكرتها اللي فوق هنا ….
تستورد عشان تفهم أدغال المنتج والسوق …
وبعد كده تعمل براند خاص يتصنع ليك في الصين …..
وبعد كده تصنع محلي وتصدر يا صديقي من بلدك للعالم.
اتمنى يكون المقال مفيد ومحمس ليك ….
واتمنى اسمع منك انك بدات في الرحلة دي وبعد كام سنه تعزمني على افتتاح مصنعك الصغير في بلدك يا صديقي