مشاكل كورسات التسويق في مصر

من أكتر من 10 سنين وعلى مدار حياتي المهنية، حضرت كورسات تسويق كثيرة في مصر، عشان اطور من نفسي.بس الحقيقة إن ديما كان بيجي لي إحساس غريب وكنت بلاحظ نفس الاحساس عند زمايلي وأصدقائي المسوقين ويبان جدا في كلامنا.

وهو اننا بنبقى مبهورين جدا … مبسوطين جدا وإحنا في الكورسالأمثله روعه وملهمه ومن شركات كبيرة ….بس تاني يوم لما نرجع الشغل…بجد مش عارفين نطبق ولا كلمة!ولا حتى عارفين نبدأ منين عشان نطبق!

مره كورس يقول ابدأ من عند العميل Customer Centric approach

وقعد يقول أمثله ملهمه وفرحانين بيها جدابس نسي يقول لنا ازاي نطبق؟ او ايه الخطوات اللي عشان ابدأ بيها تطبيق المنهجية دي؟

كورس تاني في اعلان الكورس … قالنا انه كورس متقدم للمسوقين فقط!

لما روحت لقيته بدائي جدا … بيشرح فقط المفاهيم ولم اطلع منه بفعل واضح … وكان معتمد على انه تلميذ فلان الفلاني المشهور. وعلى الهاله اللي حوليه من السوشيال ميديا

كورس تالت بيركز على تكنيك معين او Tactics معينه

مثل كتابة المحتوى – SEO – أو حتى التسويق الرقمي Digital Marketingفبتظبط الجزئية دي … بس الباقي بيقع او مش بتعرف تعمله او مش بتشوف الصورة كاملة.

كورس رابع … حضرته لأحد عمالقة المجال بجد

شرح رائع للمفاهيم الأساسية … وأمثلة من شركات متعددة الجنسيات أو محلية كبيرة.وقعدنا نحلل في الإعلانات ونشوف كانت بتركز على ايه؟ وايه السر اللي وراها وليه عملوها بالشكل دهطلعت كالعادة مبسوط جدا في الكورس … وراضي عن المحاضر …بس تاني يوم في الشغل نفس المشكلة!

كورس خامس … حضرته لعملاق تاني في المجال

وكان مركز في نقطه معينه في التسويق … انبهرت… استفدت جدا من المفاهيم والشرحفهمت الموضوع كويس ومن زوايا تانية …بس برضو سابنا من غير ما يقول لنا نطبق ازاي الكلام الرائع ده على نطاق شركات مختلفة مثل الصغيرة والمتوسطه

كورس سادس حضرته مع بروفسير بريطاني

كان رائع جدا … واتكلم في كلام مهم جدا … بس الحقيقة كلكع الأمور على نطاق الشركات الصغيرة والمتوسطة

كورس سابع مع أحد أشهر المحاضرين الأمريكيين في التسويق

اتلكم في نقط جميلة …. مبهور بأني شايفه قدامي … وكلامه حكم … اه غرق شويه في جدليات اكاديميةبس عموما نفس المشكلة … مخدتش حاجة معينة اعرف أطبق بيها!

كورسات تانية كتيره …. كان المحاضر بيتفزلك!

خصوصا لو صغيرفي السن … اللي سمعتوه ده هو التسويق القديم … وايه ال 4Ps القدام دول .. دول دلوقتي 7Ps وكمان ممكن يبقى مش مناسبين للخدمات … والاحسن 4Cs وممكن كمان تبص على 4As ….وأصلا التسويق التقليدي ده انتهى ومات والتسويق الرقمي هو المستقبل …المهم بعد هري كتير منطلعش بحاجة فعلا نطبقها تاني يوم في الشغل.

ده غير كورسات كتيره

… عبارة عن شرح فهرس أشهر كتاب textbook في التسويق ل فليب كوتلربنفس الترتيب وكمان بنفس الأمثلة المستوردةوبالمناسبة هي نصيحة في غاية الخطورة إنك تذاكر الكتاب ده أصلا واللي نصحك بيها ضرك جدا عن قصد او غير قصد (هنتكلم عنها بعدين بالتفصيل في مقالات تانية)

السؤال دلوقتي، يا ترى العيب فين؟

كل الكورسات دي وأكتر كانوا رائعين من محاضرين رائعين جدا ومميزين وشغالين في المجال (لم اذكر المحاضرين اللي كانوا بيفتوا أصلا)مش بس كده … كلهم اتعلمت منهم … وكمان كنت مبسوط جدا وانا في الكورس!بيتهيألي انت كمان قابلت نفس المشكلة …. تبقى مبهور جدا في كورس التسويق … وتاني يوم مش عارف تطبق ولا كلمة ولا عارف حتى تبدأ منين؟! سواء الكورس على المستوى الاستراتيجي أو التكتيكي.

ولما تيجي تقرص على نفسك وتعمل حاجة مبينة على الكورس اللي انت خدته…. تطلع بشوية أكلشيهات واسطمبات … ينفع تطبق على أي شركة تانية بس يادوب تغير اللوجو … ولو ليك مدير هيقولك حلو اوي اللي انت عملته ده … سيبك بقى من كلام الكورسات وتعالى نعمل كذا….اللي بيجيب نتيجة.

انت ايه رأيك؟

وياترى ايه تجربتك بكل صراحة مع كورسات التسويق اللي خدتها… قولها في التعليقات تحت عشان نستفيد كلنا.

هدف سلسلة المقالات دي هو حل المشكلة دي … فتعليقك وتجربتك هتثري الموضوع جدا. وهتفيدنا في المقالات القادمة وإننا نلاقي حل عملي.

دي النقاط الرئيسية في سلسلة المقالات القادمة: تابعنا

• المشكلة دي سببت ايه معايا ومع المسوقين؟ وإزاي ضرت شباب كتير وتأثيرها ايه على الواقع!
• ليه رغم كل الكورسات والمصادر المتاحة للتعلم للمسوقين سواء مجانا او بفلوس … الممارسات التسويقية دون المستوى خصوصا للشركات الصغيرة والمتوسطة؟
• يا ترى ايه اللي كان ناقص في الكورسات دي؟ والحل ايه؟ وازاي تساعدني واساعدك في الحل ده.
• ايه الفرق أصلا بين التسويق في الشركات الكبيرة والتسويق في الشركات الصغيرة والأستارت اب؟
• حكاية أشخاص كانوا سبب في تحول جذري في شغلي.. وايه اللي قالولي عليه؟!
• من سنين … ازاي اتحولت من كاره للصناعة والشركه اللي أنا فيها … لعاشق لشغلي (مش الشركة ولا الصناعة) والمدير العام بيشكر فيا ومن بعدها المدير الأقليمي لمنطقة افريقيا والشرق الأوسط.
• ايه اللي هتتعلمه من التسويق في شغلك في الشركات الصغيرة ومستحيل تتعلمه من شغلك في الشركات الكبيرة!
• وهم وبلونة المالتينشونال وخازوق الأستارت اب؟ وازاي تتطلع من البلونه دي كمسوق (موضوع مثير للجدل ممكن يتأجل)
• ازاي تتعلم التسويق؟ ده اكتر سؤال اتسألته في حياتي … وأجابته هتفاجئك جدا … بنسبه كبيرة لم تسمعها من قبل!
• تتعلم من مين؟ ولا تتعلم من مين؟ ومين هيضرك اكتر ما يفيدك؟
• وهم الشهادات في التسويق وايه اللي تبص عليها لما تاخد كورس؟ وايه الشهادات المعتبره فعلا؟ وامتى تاخدها؟
• أزاي تشتغل في التسويق وايه المجالات المتاحة جواه … وشكل كل مجال بيعمل ايه؟
• كصاحب بيزنس صغير … يا ترى انت محتاج تتعلم تسويق ولا مش محتاج؟

 عشان تضمن إنك تشوف المقالات دي ولا تتوه وسط زحمة الحياة … سيب اسمك وإيميلك وهبعت ليك المقالات الجديدة في السلسة دي.