تخيل إنك قعدت مع 40 رائد اعمال ونصحوك حاجات من اللي اتعلموها في مشوارهم؟!
ايه أخطائهم؟ ايه الدروس المستفادة من مشوارهم؟
طب تخيل ان منهم:
- Steve Blank
من رواد مدرسة Lean Startup - Reid Hoffman
مؤسس لينكدإن LinkedIn - Elon Musk
من مؤسسين PayPal و طبعا حاليا بقى غني عن التعريف - Chris Anderson
رئيس مجلس إدارة TED Talks - Sara Blakely
رائدة اعمال أمريكية مشهورة - Tony Hsieh
رئيس مجلس إدارة Zappos
طب تخيل إنك بعد ما سمعت نصائحهم جمعتها كلها في تصنيفات معينه مثل:
- اهم دوافعه واستراتيجياته عموما في البيزنس
- نصائحه في Business Operation
- نصائحه في التسويق Marketing
- نصائحه في تطوير العملاء Customer Development
- نصائحه في تطوير المنتج Product Development
- نصائحه في الفشل Failure
- نصائحه في القيادة Leadership
- نصائحه في تعين فريق العمل Hiring
- رؤيته للمستقبل عاملة ازاي؟
طب تخيل بعد ما جمعت النصائح بالشكل ده ….
خدت أحسن نصيحة في كل تصنيف وحيطتها قدامك في مكان واحد؟
طب تخيل ان كل لقاء لخصته في 5 صفحات بالكثير؟
من ضمنهم أصلا حكاية الشخص اللي نصحك وحكاية شركته …
اللي ممكن أصلا تكون عارفها! يعني تقريب خلاصة نصيحة كل شخص في 3 صفحات بس!
الحقيقة إن كل ده، أنا شفته فعليا الشهر ده!
شوفت كتاب
The Startup Playbook by, David S. Kidder
وفكرته ببساطه انه عمل كل اللي تخيلناه فوق ده!
الجميل ان الكتاب حاليا عليه خصم كبير على موقع أمازون (كيندل) ب 3 دولار بدل من 13 دولار
يعني تقدر تقرأ نصائح الناس الرائعة بالسعر البسيط ده.
ميزة الكتاب من وجهة نظري:
- سهل وسريع القراءة
- تصنيف النصائح بالشكل ده فكره موفره للوقت والجهد … يعني ببساطه تقدر تقرأ الجزء اللي يهمك دلوقتي في المرحلة الحالية بس … مثلا حاليا في تطوير المنتج …. هتقرأ 40 نصيحة عملية في تطوير المنتج من الناس دي …مش هتلاقي التجميعه دي في حته واحده غير بعد ما تلف على كتير من المدونات و المواقع ….
- فكرة الكتب اللي فصولها قصيرة بالشكل ده بتشجعك إنك تقرأها بسرعه وتحسسك بالإنجاز في القراءة وده هيعودك على عادة القراءة …. ودي عن تجربة هكيها معاك بعدين
ملحوظات مهمه:
- الكتاب مش How to book يعني لا تتوقع انك هتطلع بحاجة معينة تنفذها بخطوات معينة … بس الكتاب هيلهمك انك تعرف عن مواضيع مهمه في رحلة بناء شركتك الناشئة و تستنبط حكم وتتعلم من أخطاء الاخرين
- تقدر تعبره Eye opener بشكل لطيف عن تكتيكات مستخدمة في الشركات الناشئة المشهورة … وتقدر تتعمق بعدين في اللي يهمك
- هتلاقي بعض الاكلشيهات فيه (نصائح معلبة واتهرست كتير) بس اغلب الكتاب مش كده
- انا طبعا لسه لم اقرأ الكتاب انا اشتريته وتصفحته سريعا وقولت أشارك تجربتي معاكم
تقدر تشتريه على أمازون كيندل من هنا ب 3 دولار بدل من 13 دولار (انتهاء العرض 1 يونيو الساعه 9 صباحا بتوقيت مصر)
