مقال رائع و مهم جدا عشان تفهم ايه اللي بيحصل دلوقتي
التكنولوجيا في حد ذاتها مش هي اللي بتزلزل الصناعات و البيزنس …
اللي بيزلزل بجد هو انك متبقاش
متمركز حول العميل
ده التهديد الحقيقي لأي بيزنس
.
أمازون لم يقتلوا على محلات البيع القطاعي (التجزئة) الاوفلاين!
Amazon
هم اللي قتلو نفسهم بخدمة سيئة للعملاء!
امازون حطاه العميل ديما في دماغها
لدرجة ان ف الاجتماعات الكبيره للأدارة و التسويق
جيف بيزوس … مؤسسس أمازون
بيحط كرسي فاضي ف الاجتماع و يقول ده هو العميل …. ده اهم واحد ف الاوضه دي
اوبر وكريم لم يقتلوا سواقين التاكسي
Uber + Careem
هم اللي قتلو نفسهم بمعاملة سيئة للزباين
باشتراطات معينة للزبون … مش هدخل المنطقة دي …
لاء ده الشارع زحمة
استغلال الناس ف الاجره!
و كل سواق يحط الاجره بمزاجه!
طبعا االمقال الاصلي بيتكلم عن اوبر و أمثالها
أبل Appleلم تقتل صناعة الموسيقى والاسطوانات الموسيقية
هم اللي قتلو نفسهم بانهم يخلوك تشتري الالبوم كله عشان انت عايز اغنية واحده
اير ان بي Airbnb… لم تقتل صناعه الفنادق!
هم اللي قتلو نفسهم بسياسة تسعير و قلة توافر الغرف
نيتفليكس Netflix لم تقتل محلات Blockbuster
هم اللي قتلو نفسهم بغرمات سخيفه لو اتأخرت في الدفع!
طب نستفاد ايه بقى من الكلام ده
فيه دلوقتي هوجه في #مصر بفكره التطبيقات (الأبليكشن) او الشركات الناشئة المبنية ع التكنولوجي بشكل عام
وان الفكره دي هتزلزل الصناعه!
الحقيقة … ان التكنولوجيا بتساعد في الزلال ده Disruptive
بس مش لوحدها …لازم تفكر هو انت الفكره دي فين من مشاكل العملاء ؟ هتحلها؟… بتسهل عليه حياته؟!
زي ما شوفت كده ف الامثله دي
اللي ساعدهم في زلزلة الصناعات دي … ان كان فيه عميل مش مبسوط .. مش راضي
و الشركات اللي اتزلزلت …. كان عندها قصور نظر ف التسويق .. بصين تحت رجليهم
marketing myopia
مش واخدين بالهم من ان العالم بيتغير و العميل احتياجاته بتتطور
ده مش معناه ان التكنولوجيا مش مهمه …. بالعكس دي اساس تحولات كبيره …بس الاصل انك تركز تفكيرك حول العميل و التكنولوجيا هتساعد في ده
Being non-customer centric is the biggest threat to any business.
صاحب المقال الأصلي بالإنجليزيه
Alberto Brea
وتقدر تقراه بتفاصيل اكتر من هنا