• Home
  • Blog
  • Marketing
  • من فتره شفت موقفين في عملي ف الإستشارات التسويقيه

من فتره شفت موقفين في عملي ف الإستشارات التسويقيه

من فتره شفت مشهدين/موقفين في عملي ف الإستشارات التسويقيه:

المشهد الأول

شخص كبارة معاه دكتوراه في مجاله  PhD
معاه شركاء عايزين يفتحوا شركه توظيف اونلاين زي بيت و وظف كده … وطالبو مننا دراسه سوق للموضوع ده
وفي النقاشات الاولى معاهم سالناهم
عايزين دراسه السوق ع انهي بلد؟
قال لينا ع كل دول العالم! اصلي انا موقع ع النت عليه وظائف .. بستهدف كل الدول … ايه اللي يمنع ان شخص من فرنسا او دوله افريقية او عربية انه يدخل عليا و دور ع وظائف!
نقولهم بصرف النظر عن التكلفه اللي هتبقى عاليه جدا عشان نغطي دول العالم … صعب جدا ان موقع زي كده يبقى موجود؟
هل هتعمله بكذا لغه؟ و هتبيع في كذا بلد عشان تجيب الوظائف؟
واسئله كتيره اوي تبين غياب اساسيات التسويق عند رجل كبارة زي كده ومعاه فلوس!

المشهد الثاني:

دكتورة أسنان عندها بيزنس حضانه و نشاط اطفال شبه الكامب الصيفي كده
مصره انها تخليهم تحت كيان واحد …و اسم واحد … وهي اصلا بتعاني من
مشاكل في كل الموارد اللي ممكن تتخيلها من فلوس و فريق عمل!
نصحتها انها تركز بس في الكامب و تسيبها من الحضانه لانها دوشة يوميه و محتاج فريق عمل اكتر و فلوس أكتر
ده غير انها بتحب المعسكرات اكتر اصلا!
ردت طب ما انا كده هخسر جمهور الحضانه … وقعدنا في جدال في اساسيات التسويق
انك استهدافك لقطاع معين من العملاء معناه استغنائك عن قطاع تاني
و زي ما بحب اقول

الخير كله بيجي للي بيضحي بقطاع معين من العملاء عشان مستهدف قطاع تاني!

Good things happen to those who sacrifice
~ Al Ries

المشهدين دول حصلوا في نفس الشهر اللي قابلت فيه ست بتاعة خضار شوفت منها تطبيق عملي لأهم حاجه في التسويق وهو استهداف عملاء معينين … لو لسه مشفتش الفيديو ده … تقدر تشوفه من هنا

Published on: June 23, 2020 - By: Taher Abdel-Hameed

Related Posts

غلطة ضيغت من عمري سنين في التسويق

غلطة ضيغت من عمري سنين في التسويق

حكاية أفضل استثمار عملته في البيزنس بتاعي! حاجة غير اللي في بالك تماما!

حكاية أفضل استثمار عملته في البيزنس بتاعي! حاجة غير اللي في بالك تماما!

حكاية منتج اتباع قبل ما يتعمل! واتعمل ناقص! ولسه مكملش! ومع ذلك العملاء بيشكروا فيه جدا!

حكاية منتج اتباع قبل ما يتعمل! واتعمل ناقص! ولسه مكملش! ومع ذلك العملاء بيشكروا فيه جدا!

لأ مفيش عروض للجمعة البيضاء /السوداء ولا المواسم! وجهة نظر مختلفة!

لأ مفيش عروض للجمعة البيضاء /السوداء ولا المواسم! وجهة نظر مختلفة!
>