أول مره أشارك في تحدي للقراءة! تحدي كيندل - Taher Abdel-Hameed

أول مره أشارك في تحدي للقراءة! تحدي كيندل

في أول شهر يناير جت لي دعوه من كيندل أمازون للأشتراك في التحدي ده
و على حد علمي ان التحدي ده أمازون اول مره يعملوه بالشكل ده برضو … وبعتوه لناس و ناس ممكن يكون عينه بشكل عشوائي
المهم الفكره عجبتني …قولت أجرب مش هخسر حاجة …
و حاطين شوية تحديات و مهام تعملها .. وكل تحدي تكسب شعار معين
Badge
كنوع من Gamification


الحمد الله شاركت 🙂

و رغم إن شهر يناير ده كان عندي لغبطة شخصية بظروف مش حلوه خالص
و بالاضافه إني كنت بخلص الصفحات الأخيره في الكتاب اللي بكتبه عن “انت و المنافس و السوق” اللي بيتكلم عن المنافسة و مدارس التعامل معهم… 
إلا إن الحمد الله … حصلت على 10 بادجات من 12 .. وقدرت اقرأ 31 يوم متواصل في يناير … وده أكتر شهر قرأت فيه بشكل أيام متواصله. و الحقيقة إني كان ناقصني اسهل بادج بس انا لم اشترك فيه لعدم أولويته الأن. و البادج الأخير بتحصل عليه تلقائي لما تخلص كل التحديات! 


الدرس المستفاد من التجربة:

  • انا شخصيا كنت بستهيف المسابقات و التحديات اللي من النوع ده … وبقول لنفس اللي عايز يقرأ هيقرأ مش محتاج تحدي

بس اللي حصل انه بتفكرك انك تقرأ ع الاقل 5 دقايق كل يوم في كتاب ودي عاده كويسه جدا

  • خلصت قراءة 3 كتب في شهر يناير … ده غير قراءة بعض الفصول من كتب تانية
  • كان احد التحديات إنك تبدأ تقرأ في سلسله كم الكتب … الحقيقة إن ال3 كتب اللي خلصتهم كانو سلسة واحده … واستفدت منها كتير في ادوات اشتغل بيها في شغلي … هشاركم بيها قريب
  • عرفت مؤلفين جدد و اشتركت في قائمتهم ع الأيميل و استفدت من محتواهم واتعلمت من اسلوب تسويقهم
  • اشتريت 5 كتب في يناير من ضمنهم كتب كان نفسي فيها من زمان
  • حصلت على أكتر من 100 كتاب في البيزنس و التسويق مجانا ع كيندل بطريقة شرعية … هقولك عليها في بوست بكره بإذن الله

وهنا رابط التحدي عشان تشوف على حسابك على أمازون مؤهل له أم لا 

عشان تشوف صورة البادجات و تفاصيل كل تحدي … من الصوره دي:

أول مره أشارك في تحدي للقراءة! تحدي كيندل - Taher Abdel-Hameed
إضغط على الصورة لترها بحجمها الكامل

Published on: February 3, 2021 - By: Taher Abdel-Hameed

Related Posts

رمضان بالنسبة للبيزنس عندك موسم ركود؟ تعمل ايه في الوقت الهادي في البيزنس؟

رمضان بالنسبة للبيزنس عندك موسم ركود؟ تعمل ايه في الوقت الهادي في البيزنس؟

إنجاز جديد في عادتي مع القراءة – قراءة متواصلة لمدة سنتين!

إنجاز جديد في عادتي مع القراءة – قراءة متواصلة لمدة سنتين!

نصائح من 40 رائد اعمال مشهورين في كبسولات سريعة The Startup Playbook

نصائح من 40 رائد اعمال مشهورين في كبسولات سريعة The Startup Playbook

نوستالجيا مجلة قديمة وصدمة غير متوقعة في شغلي!

نوستالجيا مجلة قديمة وصدمة غير متوقعة في شغلي!
>