• Home
  • Blog
  • Entrepreneurship
  • كيف تبدأ بيزنس أونلاين ناجح – دليل مجاني يساعدك إنك تبدأ
كيف تبدأ بيزنس أونلاين ناجح - دليل مجاني يساعدك إنك تبدأ - Taher Abdel-Hameed

كيف تبدأ بيزنس أونلاين ناجح – دليل مجاني يساعدك إنك تبدأ

كتير مننا بيبحث عن كيفية عمل بيزنس (أو مشروع) اونلاين أو حتى شركة ناشئة Startup
والحقيقة على الرغم من وجود ملايين الصفحات والتدوينات والفيديوهات في عالم النصائح في الموضوع ده …
نوع منها للأسف لا يفيد على الاطلاق! عبارة عن نصائح معلبة ونظرية جدا للأسف …
ونوع تاني… عبارة عن مقالات او فيديوهات … شكلها حلو بس مؤلفها وصانعها لم يعمل بيزنس بنفسه قبل كده فبقت شبة النوع الأول! …
ونوع تالت… يبيع ويركز على على فكرة الإلهام.. وتحفيزك بإن بيزنس اونلاين وهتعيش بحريتك! لكن الواقع مش بالشكل الوردي ده إطلاقا!
ونوع رابع … بيركز على أفكار المشاريع المربحة، ويقولك قائمة من الأفكار لمنتجات وخدمات شكلها مربح! … لكن زي ما بيقولوا الشيطان يكمن في التفاصيل!

معقول لسه مفيش دليل متوازن؟!

لاحظ بالمناسبة إني قلت متوازن وليس متكامل …. لان الحقيقية صعب تلاقي حاجة متكاملة الجوانب خصوصا لو بتبحث فقط في المصادر المجانية …. واللي بطبيعة الحال ده اتجاه اغلبنا في بداية الطريق عشان مش بيبقى معانا فلوس كفاية نستثمرها في الحصول على المعرفة الحقيقية مع ناس عمليين طبقوا اللي بيقولوه مش تنظير على الفاضي!

مفاجأة ليك

من كام يوم، تعرفت في أحد المدونات اللي بتابعها كويس، على دليل متوازن لبدء مشروعك او بيزنس اونلاين ليك ….
الحقيقة الدليل صدمني انا شخصيا …….. لانه بيختصر كثير من الحكم والتجارب في المجال ده مع خبرة عملية لفريق اللي كاتبه … تخليه يستحق أفضل دليل “مجاني” شفته في الموضوع ده!

حرفيا الدليل ده بيلخص أكتر من 20 مصدر من كورس وكتب اطلعت عليها خلال الكام سنه اللي فاتت وانا ببني البيزنس بتاعي …

أفكار الدليل الرئيسية مستلهمه من مدارس حديثة ومعتبره جدا في البيزنس والشركات الناشئة والصغيرة مثل مدرسة استراتيجية لين Lean Startup  ومدرسة التسويق المباشر Direct Response Marketing بلغة سهلة وبسيطة.

الجميل إن الدليل مجاني وتقدر تبدأ بقراته أونلاين من هنا … بدون تسجيل

فصول الدليل

هتلاقي الدليل الرائع ده متقسم 7 فصول:

الفصل الأول: كيف تجد فكرتك المناسبة لقطاع صغير من السوق (نيتش) Niche … وكيف تتعرف على مشاكل السوق المستهدف ده وكيف تحلها

وهو أفضل فصل على الاطلاق … ستفاجئ بكمية التفاصيل والإستراتيجيات المذكورة بشكل بسيط جدا ومناسبة ليك واللي كفيلة انها تعلي جدا من فرص نجاحك وتقلل فرص فشلك.

لو لم تقرأ غير الفصل ده في الدليل …. كفاية جدا … هيغير حاجات عندك في قناعتك …

الفصل الثاني: أنواع نماذج العمل (البيزنس موديل) Business Models المناسبة ليك كرائد اعمال بنفسك او فريق صغير … وهنا بيرشح ليك أحد الأنواع اللي يفضل إنك تبدأ بيها (أنا شخصيا مش موافقهم اوي في النقطة دي بس بشكل عام النصائح منطقية جدا لو اسقطها على انواع تانية…. )

الفصل الثالث والرابع والسادس… تفاصيل في نوعية البيزنس موديل اللي هم مرشحينه …. اقراهم بسرعه لو لم تختار النوع ده من البيزنس

الفصل الخامس: كيف تبني جمهور ليك ولمنتجاتك من الصفر وكيفية بناء قائمة الإيميلات وغيره…

الفصل السابع: كيف تكبر البيزنس بتاعك اونلاين ونصائح قيمة جدا عن تحسين معدل التحويل Conversion Rate Optimization CRO

أتمنى تلاقيه مفيد ليك، وأكون شجعتك على إنك تقرأه.

تقدر تقرأ الدليل مجانا من هنا.

Published on: January 18, 2022 - By: Taher Abdel-Hameed

Related Posts

نصائح من 40 رائد اعمال مشهورين في كبسولات سريعة The Startup Playbook

نصائح من 40 رائد اعمال مشهورين في كبسولات سريعة The Startup Playbook

حكايتي مع DropBox وكيف تستفيد منه

حكايتي مع DropBox وكيف تستفيد منه

مش لازم تبقى التنين المجنح في مجالك عشان تفيد الناس!

مش لازم تبقى التنين المجنح في مجالك عشان تفيد الناس!

عندك فكرة مشروع/استارت اب

عندك فكرة مشروع/استارت اب
>