فيه مقوله رائعه قرتها قولت أشاركها معاكم
“سكوت أدم” مؤسس سلسلة الكومكس الشهيره جدا في البيزنس Dilbert
بيشرح طريق نجاحه و بيقول
انا نجحت كرسام كرتون مع إني عندي موهبة متواضعه جدا في الرسم
ومهارت الكتابة عندي بسيطه و مبتدئة
و مستوى حس الفكاهه عندي عادي جدا
وعندي خبرة بسيطه في عالم الأعمال
▉ أنا نجحت عشان عندي الخلطه دي من المهارات الأربعه دول
ايوه العالم مليان رسامين أحسن كتير
وكُتاب أفضل بمراحل
و ناس دمها خفيف و بيضحكوا الناس اكتر
و ناس خبرة في البيزنس بكتير
عارف ايه اللي صعب تلاقية … هو الميكس ده … الخلطه دي!
ومن هنا عرفت اعمل قيمه للناس
▉▉ انت كمان مش لازم تبقى التنين المجنح في مجالك … عشان تفيد الناس
تقدر تفيدهم لو عرف تستغل مهاراتك (اللي ربنا انعم عليك بيها)
و تصربها في الخلاط مع خبرة حياتك و السياق اللي عشت فيه
ساعتها هتكتشف قيمه صعب حد غيرة يقدمها للناس!
القصه دي من كتاب:
The $100 Startup: by Chris Guillebeau
“Scott Adams, the creator of the Dilbert comic series, explains his success this way: I succeeded as a cartoonist with negligible art talent, some basic writing skills, an ordinary sense of humor and a bit of experience in the business world. The “Dilbert” comic is a combination of all four skills. The world has plenty of better artists, smarter writers, funnier humorists and more experienced business people. The rare part is that each of those modest skills is collected in one person. That’s how value is created.”
للي ميعرفش مين الشخصية الرائعه دي Scott Adams
ده احد الكوميكس بتاعته .. وكل رسوماته نفس الشكل و الروح كده
الكوميكس اللطيف ده بيلخص حال اجتماعات شركات كتييرة للأسف
بدل ما نبدأ من عند العميل عايز ايه Customer-Centric approach … بندأ الشركه عايزه تبيع ايه للعميل
تزق المنتج ازاي
لم يستوقفوا لحظة و يفكروا يا ترى العميل فعلا بيشوف ايه القيمة ف المنتج بتاعنا؟ ونشتغل ع القيمة دي أكتر مثلا …
تقدر تقرأ اول فصل من الكتاب مجانا
Start reading this book for free
The $100 Startup: by Chris Guillebeau
https://a.co/9fM9h3d
تحديث بتاريخ 13 أكتوبر 2020:
كتاب The $100 Startup: by Chris Guillebeau مميز فعلا… لـ الشركات المتناهية الصغر micro-businesses
ومش مناسب ل “Silicon Valley startup style”
وده بكلام المؤلف نفسه …. وده النوع اللي اغلب الأستارت اب في مصر بيحلموا بيه …. مع ان في فيه افكار كتيره من افكار الشباب هنا تمشي بالنموذج ده لحد ما تثبت تقبل السوق لها و تكبر شوية … وهو نموذج قريب من فكره Lean Start up بس على نطاق أصغر.
وبالمناسبه اشتريت الكتاب ده وبدأت اقراه الشهر اللي فات
واشتريته من امازون كيندل
الفيديو ده فيه الطريقة
7 مواقع تحمل منها كتب جديدة في البيزنس و التسويق مجانا وبشكل شرعي
https://www.youtube.com/watch?v=qCPehUY6ciE
حاجة اخيرة المؤلف ده ليه شوية كورسات على LinkedIn Learning
ليها علاقه بالموضوع ..بشكل لطيف جدا
Chris Guillebeau
https://www.linkedin.com/learning/instructors/chris-guillebeau