ايه اللي حصل لوحش الإنترنت ياهوو ؟ ونتعلم ايه منه؟

اول ما عيني وعت ع الانترنت .. وعيت على موقع ياهوو Yahoo
وكان الصفحة الرئيسيه للجيل بتاعنا ….بل كان بالنسبه ليا شخصيا الانترنت يعني ياهوو؟!
وطبعا مش محتاج اقولك يعني ايه ياهوو ماسنجر بالنسبه لنا
كان هو حياتنا للتعارف الاجتماعي و الدردشه و الجروبات….ياااه أيام
طب ايه اللي حصل لوحش الانترنت ..ده اللي هنعرفه مع بعض ف المقاله دي
وكمية الدروس اللي نتعلمها من القصه دي

ايه اللي حصل ل ياهوو ؟
بالعنوان ده كتب بول جراهم … افضل و اهم مقال بيتكلم عن القصه دي في 2010
بول باختصار اشتغل فتره في ياهو وحاليا احد مؤسسين Y Combinator
(من اشهر مسرعات الاعمال في التكنولوجيا)
قال ان فيه سببين رئيسين لفشل ياهوو

1 – مشلكه الفلوس السهله!

تخيل ان فيه شركه مشكلتها انها بتجيب فلوس كتيير و سهله!
ازاي؟
ياهوو بتجيب ملايين من الاعلانات و ده خلاها مركزه على موضوع
Bannar Ads
اكتر من التركيز على تطوير محرك البحث نفسه!
وازاي يكبروا مسكبهم من البحث
و الصراحه دخ كان هدف كل محركات البحث ساعتها انهم يبقوا بوابه معلومات مش بس محرك بحث
Web Portal not only Search Engine
ليه يفكروا ف طريقه يكسبوا اكتر من البحث في حين انهم بيكسبو ملايين من اعلانات البانر بالفعل!

2 – شركة ميديا و لا تكنولوجيا؟

مشكله الهويه!
هو انت شغلانتك ع المدفع ايه؟!
بيحكي ان كان فيه اصرار جوه الشركه انهم يوصوفو نفسهم انهم شركة اعلانات (ميديا) و مش شركة تكنولوجيا
رغم انك لو مشيت جوه الشركه … وضع الموظفين و مهامهم بتقول انهم شركة تكنولوجي!

ده الصراحه كان لكذا سبب:
– ان اكتر الارباح كانت بتيجي من الاعلانات …
في حين ان محرك البحث بتمثل 6% بس من الايرادات

– خوفهم الرهيب من انهم يقولو اننا شركة تكنولوجي ويحطوا راسهم براس ميكروسوفت!
ممكن ميكروسوفت تطحنهم زي ما طحنت نيتسكيب NetScape
اكبر متصفح للانترنت ف أوائل التسعينات

الموظفين جوه ياهوو نفسهم كانو بيستخدموا جوجل للبحث … و بما اننا مش شركة تكنولوجي فليه لاء نستعمل جوجل!
ولما اتقالهم لازم يستحوزوا ع جوجل …. اترد عليه بان مفيش داعي للقلق …. ايرادات البحث 6% فقط من اجمالي الايرادات!
مكنوش واخدين بالهم ان حجم بيزنس محرك البحث يسوى اكتر من كده بكتييير

و بما انا انهم مش شركة تكنولوجي
ف ليه نعين احسن مبرمجين؟ ما نعين مبرمجين عاديين عشان ينفذوا اللي يتقالهم عليه من مدير المنتج و المشروعات!
طب ايه المشكله في ده!
المبرمجين الكويسين بيتخطفوا ….. و لو مبرمج شاطر عايز يشتغل ف مكان وليه مبرمجين شطار عشان يتعلم اكتر!
اللي حصل ف ياهوو انهم عينوا مبرمجين وحشين
ماهو كده كده بيتبصلهم جوه انهم شغلانه داعمه و مش اساس البيزنس بتاعهم
عشان كده كانوا بس بينفذوا اللي يتطلب منهم!

في حين انا شركات زي جوجل و فيسبوك بيهتموا بثقافة الهاكر
ان يبقى فيه جوه الشركه تحدي على ايجاد طرق للتغلب ع السوفتوير (البرنامج) وبالتالي يكتشفوا الثغرة
bug
ويعالجوها … الثقافه ده مش موجوده في ياهوو
وده ممكن يفسر لينا كمية الايميلات المزيفة اللي كانت بتتبعت بأسمك من ايميلك الياهوو لاصحابك
.
.

انت بقى تستفاد ايه في البيزنس في شركتك الناشئه!

1- متخليش الفلوس اللي ف الاول تعميك عن ايه اهم منتج عندك المفروض تطوره

اه ممكن مش بيجيب فلوس دلوقتي بس …. هو اللي اساس شغلك!
متحولش منتجك (تقلل منتجك او تحول مساره) … نتيجة الربح اللي جه ف الاول … لسه اللي جاي احلى!
ده مش معناه انك ماتعدلش نفسك للسوق …. معناه انك تعدل صح ف الوقت المناسب

2- اهتم بالشغلانات اللي اساس البيزنس بتاعك!

وعين احسن ناس تلاقيهم في الحتت دي …
يعني لو في سوفتوير … يبقى اهتم اوي ب المبرمجين
في مطعم … اهتم اوي بالشيف و الطباخين
مدرسه/مركز تدريبي …. اهتم بالمدرس و المدرب

3- خليك واضح مع نفسك … انت هويتك ايه؟

يعني مثلا
موقع زي اطلب Otlob
ده شركة تكنولوجي مع انه بيخدم ع صناعة الاكل و الشرب

اوبر و كريم و سويفل
Uber Careem Swvl
شركات تكنولوجي … مع انهم ف الاخر ف صناعة الموصلات

وظف Wuzzuf
شركة تكنولوجي مش شركة توظيف

في كل الأمثله دي (وجهة نظري من بره ممكن اكون غلطان بالمناسبه)… الأساس هو البرنامج/الموقع نفسه
وبالتالي المبرمجين و المطورين هم اهم ناس … مش معنى كده انهم ميهتموش بالباقي
مره راكب مع كابتن ف كريم و بيقولي
تخيل يا استاذ … هم قاعدين ف التكييف وبياخدو مني 30% (مش فاكر النسبه اللي قالها بالظبط)
مش ده ظلم!
هو مش شايف كم المجهود اللي اتبذل ف البرنامج وتسويقه وانه يجيب له زباين!

كابتن تاني قالي
دول بيكسبو فلوس من الهوا … حته برنامج عملوه و مشغلينا احنا وهم مش خسرانين حاجه!

ده مصدر المقال بتاع Paul Graham
وفيه تفاصيل و قصص أكتر من اللي قولتها
http://www.paulgraham.com/yahoo.html 
و طبعا المقال اتكتب قبل البلاوي اللي حصلت لياهو بعد 2010
وعشان كده … مكملين ع الصفحه هنا كام بوست عن ياهوو
من زويا مختلفه عشان نتعلم منها

صورة البوست … هي لوجو ياهوو القديم اللي بعشقه واللي كانت اول حاجه بشوفها بعد صوت الموديم ف 2002 Dial up sound

مقالات أخرى عن قصة ياهوو على صفحة الفيسبوك

Published on: November 27, 2018 - By: Taher Abdel-Hameed

Related Posts

كيف تبدأ بيزنس أونلاين ناجح – دليل مجاني يساعدك إنك تبدأ

كيف تبدأ بيزنس أونلاين ناجح – دليل مجاني يساعدك إنك تبدأ

نصائح من 40 رائد اعمال مشهورين في كبسولات سريعة The Startup Playbook

نصائح من 40 رائد اعمال مشهورين في كبسولات سريعة The Startup Playbook

حكايتي مع DropBox وكيف تستفيد منه

حكايتي مع DropBox وكيف تستفيد منه

مش لازم تبقى التنين المجنح في مجالك عشان تفيد الناس!

مش لازم تبقى التنين المجنح في مجالك عشان تفيد الناس!
>