• Home
  • Blog
  • Entrepreneurship
  • واحد صاحبي قعد سنه ونص بيطور في المنتج وخايف على سرقة الفكره وبعدين حصلت مفاجأه؟

واحد صاحبي قعد سنه ونص بيطور في المنتج وخايف على سرقة الفكره وبعدين حصلت مفاجأه؟

كان فيه واحد صاحبي … قعد سنه و نص بيظبط في فكرة المشروع بتاعه (إستارت اب) ليها علاقة ب التجارة الإلكترونيه
ودراسات و أبحاث على تطوير المنتج … و تعيين فريق عمل بروفشنال بجد و تكتيم ع الفكره عشان متتسرقش …
لما نزلو السوق …

هوبا بعد كام شهر … خدو قلم كبير من السوق و لازم يعملوا تحول في المنتج الرئيسي عشان الزبون عايز كده  Pivoting
بقى هو بيشد في الاتجاه القديم …. وشريكه بيشد في اتجاه التحول الجديد
و هاتك يا تضيع وقت ما بين الاتنين

بالمناسبه صاحبي ده عملاق بجد في مجاله … من الخبراء المميزين في مجاله في مصر
خبره اكتر من 15 سنه في كبري الشركات “المالتي ناشونال” …. نجاحات عظيمة في وظيفته قبل ما يبدأ شركته
يعني قصة الكفاءة موجوده … الفلوس موجوده بنسبه معقوله للإنطلاق

طب السؤال … مش كان الأفضل انه يحاول يعرف و يجرب المنتج بدري شويه ؟ بدل ما يضيع سنه و نص في تطوير المنتج؟

طب ايه الحل؟
انزل بنسخة منتج مبدئية جدا …تجرب السوق
Minimum Viable Product

– لقيت فيه طلب … دوس يا باشا وكمل تطوير في منتجك … و ساعتها تعين وحوش في الفريق بتاعك
– ملقتش فيه طلب … عدل و غير في المنتج او الجمهور المستهدف
وتوفر سنين من عمرك و عمرك اللي شغالين معاك يا صديقي
و ده المفهوم الرئيسي لمنهجية Lean Start up
.تقدر تشوف البوست ده


كل ما تحتاج تعرفه عن استراتيجية لين  Lean Startup


ولو بتحب الفيديوهات

يبقى شوف القائمه دي YouTube Playlist فيها 55 فيديو
عبارة عن اهم ما قيل في الموضوع ده بالعربي
و كمان فيديوهات بالإنجليزي من رواد المنهجية نفسها زي Steve Blank + Eric Ries

بالمناسبة مش معنى كلامي ان الدراسات والأبحاث مش مفيدة ….

بالعكس تماما ده لو انت معملتهاش هتعلي نسب الفشل جدا!
بس معنى كلامي ان لو منتجك جديد … كل ما تنزل تجرب مع العميل بدري … كل ما كان أفضل … وبعد كده عدل وغير و طور

شاركني بتعليقاتك عن تجارب مماثله عشان كلنا نستفيد

Published on: July 18, 2020 - By: Taher Abdel-Hameed

Related Posts

غلطة ضيغت من عمري سنين في التسويق

غلطة ضيغت من عمري سنين في التسويق

حكاية أفضل استثمار عملته في البيزنس بتاعي! حاجة غير اللي في بالك تماما!

حكاية أفضل استثمار عملته في البيزنس بتاعي! حاجة غير اللي في بالك تماما!

كيف تبدأ بيزنس أونلاين ناجح – دليل مجاني يساعدك إنك تبدأ

كيف تبدأ بيزنس أونلاين ناجح – دليل مجاني يساعدك إنك تبدأ

حكاية منتج اتباع قبل ما يتعمل! واتعمل ناقص! ولسه مكملش! ومع ذلك العملاء بيشكروا فيه جدا!

حكاية منتج اتباع قبل ما يتعمل! واتعمل ناقص! ولسه مكملش! ومع ذلك العملاء بيشكروا فيه جدا!
>